من أجلك فقط

بارت(87)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_السابع_وثمانون🫀🥀:

سعاد : هزي راسك وعمرك تحنيه انتي بنت رجال وامك في ظهرك بمية راجل دموعك ألماس وغاليين ميطيحوش غير على لي جابوك ولا على صحتك هزي راسك لفوق وعليه وقولي اهلي في كتافك ولي يذل بنيتي بيدي نفتحلو قبرو

....كلام امها كان كيف البلسم على جروحها طول عمرها من عرفت صلاحها لقات امها كيف الملاك الحارس على راسها ومتخلي حد يقربلها ولا يقيسها بكلمة لي يرميها بوردة ترميه بنار وحاطتها في عيونها قامت من قدام بنتها ديركت راحت راجلها وخبراتو على كلش شيء لي خلاه مصدوم وديركت ناض عيط لمهدي
...اما عند مهدي كان قاعد في شمبرتو حتى لقى تيليفونو يصوني وعمو منصف يعيط فهم لحكاية مش عارف كيفاش يهدر معاه رفد عليه وهو علابالو وش راح يقلو حكا بصوت متقطع عارف او متأكد تماما من سبب اتصالو بيه

مهدي:السلام عليكم

...سمع صوت تنهيدة ورا التلفون عرف من وراها كلام ميعجبوش

منصف :وعليكم سلام بلا مقدمات وكثرت كلام مهدي اما عملتك كيف ولدي بضبط عطيتك عينيا ونوارة حياتي وبنتي الوحيدة لي رغم رفضتاك انا سيفت عليها بش تعرس بيك عطيتهالك امانة وصيتك وقتلك يا ولدي بربي اتهلالي فيها وانت مكنتش قد هذي الامانة وخلفت بالوعد بنيتي تبقى عندي وانت الله يسهلك من جهة ثانية

مهدي :عمي انا غلطت وكلامك على العين وراس وراني نادم على كامل وش درت مع اميمة غلطت معاها بزاااف ومستعد ندير اي حاجة باش نرجعها ليا ونبداو حياة جديدة راني نحبها بزاااف عمي فقت روطار بغلطتي اما محال تتعاود

منصف : تتعاود و الا لا توا الغلط صار و أنا منجم نفيدك بشيء مستحيل نخلي بنتي ترجعلك أي أنا مكسوبي هاك البنية و انت متلهيتش بيها كيف ما يلزم ...أنا عطيتك أمانة و انت مستحفضتش عليها

مهدي: سامحني عمي والله غلطت و حاب نصلح علاقتي بمرتي مش حاب نخسرها هي وولدي

منصف : اسمعني أنا غلطت قبل و ضغطت على بنتي باش تاخذك أما مستحيل نعاود نفس الغلط و نضغط عليها باش ترجعلك ..الدار تعرفها و اذا مرتك تحب ترجعلك أنا منعارضش هذا في شنوة نجم نعاونك ..و توا بسلامة

مهدي : بسلامة عمي

......حط منصف التاليفون فوق الطاولة و مشى لبيت بنتو لقاها متكية في فرشها و سارحة في السقف لتوا عندها نفس العادة متع الصغر كيف تبدى متقلقة و الا تخمم تتمد على فرشها و تعنق المخدة و تتأمل في السقف

منصف : بنتي نجم ندخل عندك

_______________________________

اراءكم وانتقاداتكم صوتولي سيتوبلي 🫀❤️