من أجلك فقط

بارت(83)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الثالث_وثمانون🫀🥀:

مهدي: اميمة ياك لباس كسما كاين حاجة توجع فيك
اميمة : لباس

.....سكت بعد الكلمة و قص الي تحكي باها....دوب طلع الضوء و تعدات الليلة الي كانت طويلة بارشا على اميمة قامت تسايس في روحها لبست احلى حاجة عندها و عملت مكياج خفيف ..منجمتش تجبد شعرها لأنو السخانة موش باهيتلها و هي مزالت كيف ولدت جيست مشطت شعرها و شداتو الفوق .....مشات نضفت لولدها و رضعتو و بدلتلو حوايجو و بقات تستنى في العائلة يفيقو و تستنى في عايلتها يوصلو فاق مهدي لقاها محضرة روحها و لابسة احلى لبسة ...الشي الي خلاه يتسحر بجمالها ..أول مرة يرى الضحكة الي على شفايفها و أول مرة يرى الفرحة هذه الكل في عينيها

مهدي:صباح النور
اميمة : صباح الفل
مهدي:نبدل حوايجي و نمشي نجيب عمي و مرت عمي
اميمة : نمشي معاك
مهدي: وين راح تروحي مزلتي غير كيف ولدتي
اميمة : اممم باهي متبطاش

.....بدل مهدي حوايجو باس ولدو ..فطر و خرج يعرض في أم اميمة و بوها ....أما اميمة شادة الصالة و تشوف مالشباك تستنى فيهم بالدقيقة و الدرج مفرحت الا كيف سمعت الباب تحل و صوت دليلة ترحب بيهم

دليلة : ياا مرحبا ياا مرحبا زارتنا البركة نورتونا
سعاد: عسلامة ..والله توحشتكم الكل

....بوعلام يعنق في منصف... و سعاد دور في عينيها على الدار تشوفش بنتها

سعاد:يا دليلة وخيتي ويني اميمة
دليلة : في الصالة تستنى فيكم هيا تفضلو

....دخلو للصالة لقاو اميمة على الديفون تبكي بالشهقة ...عينيها حمارو ..تنطرتلها دليلة مفجوعة رايحة ليها قلبها طاح وقت شافت دموعها على خدها

سعاد : ياا روحي ياا عمري ميمتك قلي شبي بنيتي فهمني

....اميمة تنطرت عليها عنقتها و تبكي عندها

منصف : ياا روح بوك قلي شكون وجع بنتي والله نمحيه من دنيا معاشش لي يبكيلي بنيتي

...وشوش بوعلام في وذن ولدو ناغزو بكلامو وعينيه على اميمة واهلها

بوعلام: سمعت بوها شقلها

....هبط مهدي راسو حاشم من بوه عارف لي هو غالط وغارق في الغلط تاعو ياريت يرجع بيه زمان وميطيحش في هذا الموقف

اميمة : لاا يا بابا أما توحشتكم بارشا

.....جبدها بوها عنقها و كبس عليها مليح يحاول يهديها

منصف : و أنا توحشتك اكثر يا روح بوك
سعاد : و أنا متخلوليش شوية محبة

....مهدي يرى في امها و بوها كيفاش يتعاملو معاها فهم علاش كانت متقلقة فهم الي هي كانت محتاجة حنان و احتوااء لا اكثر فهم الي هي دلولتهم و عندها حق كيف ترفضو بعد الي عملو فيها الكل

منصف : ملا وينو حفيدي راني نحب نراه
دليلة : ههه دقيقة وحدة و يكون عندك

....مشات دليلة جابتو حطاتو في حضن سعاد الي عينيها دمعو بالوقت

سعاد  : بسم الله مشاء الله على ولد بنتي
منصف قدم باسو و حطلو فلوس و مد فلوس لبنتو و بقاو يحكو و يفدلكو و اميمة كانت تضحك من عينها و مهدي كان يتبع في كل حركاتها

________________________________

اراءكم وانتقاداتكم صوتولي سيتوبلي ❤️🫀