من أجلك فقط

بارت(84)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الرابع_وثمانون🫀🥀:

....فوتت اميمة يومين شابين مع اهلها فرحانة وطايرة بلفرحة لي هي وسطهم محكات اي كلمة ليماها تستنى يكمل لعرس ويرحمها ربي اما عند ليندا طايرة بلفرحة مع عامر وفرحانة علخر لي باش تدي الانسان لي تحبو ويحبها كان ليوم لخرجت فيه ليندا عروسة لبيت راجلها كورتاج وعرس بطبع وشان راحو معاها حباباتها ليندا قاعدة في لكرسي ولابسة كاراكو العاصيمي فرحانة علخر وعامر قاعد معاها وتتصدر حتى قربت مرام منهم وقعدت قدام عامر شيء لي خلى ليندا تحمار وتصفار وتخضار ومرام حطت يدها على يد عامر وهو شدها باسهالها

مرام :يعيشلي حبيبي الغالي
عامر :أمين عمري راكي تهبلي ليوم هبلتيني
مرام :ههههههههه ليوم بات مع عروستك وغدوة ارواح نهزي عمري
عامر :باينة لحب تاعي هذي فيها هدرة
مرام :وشبيها لالة لعروسة ساكتة متحشميش ضك راكي وسط اهلك

.....تبسمتلها ليندا من فوق قلبها وهي مغمومة حست رجفة شدتها من قوة الاعصاب لي شدوها في هذي دقيقة هذا نهار لول برك وصرا هذا كامل قدام عينيها ملازمش تخليها تخطفو منها وقفت وشافت في عامر وزيد فاقصتها تصدرت مام هي كي لعروسة جديدة ومشطت كيفها مخلاتهاش تعيش نهارها كي لعرايس

ليندا :هيا نوض حبيبي نكملو تصديرة
عامر :اوك زينة ديالي
مرام :ايه عامر خالتي كانت تحوس عليك قبيلة علجال هذاك الشيء
عامر :اوك روحي نتي مع ليندا وانا نروح نشوف يما

....قلبت ليندا عينيها بضيقة ومشات مع مرام لشمبرة لي تبدل فيها وقفت مرام تشوف فيها بحقد

مرام :تحسبي راح نخليك تخربيلي داري وتديلي راجلي والله لا كانت ليك وكيما دخلتي ليه عروسة تخرجي مطلقة استناي عليا يا خطافة رجال
ليندا :كلامك كامل ميهمنيش صح في راجلي وعامر يحبني ويموت عليا وهذا هو صح يا لمسمامة
مرام :انتي راكي حاسبة راح يسمح في لي يحبها وفي ولادو علجال وحدة كيما انتي كون جا قادر يسمح راه دارلك دارك وحدك مجابكش يسكننك في وسطنا
ليندا :انا نتي كامل متهمينيش صح في عامر وحبسي لكذب تاعك مراح يفيدك في والو ومراح يبدل والو
مرام :نشوفوها ونشوفو شكون كلامها يمشي راكي متعرفيش عامر مليح

....سكتت عليها ليندا وخلاتها تحكي وحدها مش حابة تفسد عرسها و مورالها على وحدة غيارة وحقودة كملت فرحتها حتى لحق لوقت لي وين تروح مع راجلها عايلتها رجعو لدارهم وهي راحت مع راجلها للاوتال

________________________________

اراءكم وانتقاداتكم صوتولي سيتوبلي 🫀❤️