من أجلك فقط

بارت (22)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الثاني_وعشرون🫀🥀:

اميمة : اوك حاضر
مهدي :ولا نقلك هاتي تيليفونك وارواحي

.....قعد فوق سرير متسكل وشاف فيها شوفات خلاوها تحرك روحها وتهز تيليفونها وتوقف عند راسو ومدت يدها ماداتولو شدو من عندها وشاف فيها

مهدي: اقعدي علاش مشهدة فوق راسي وافتحي تيليفونك

.....قعدت اميمة قدامو كيما قالها وشدت تيليفون من عندو وفتحاتو ورجعت مداتولو

اميمة:ماو عيب تبربش في تيليفوني فيه تصاوير صحاباتي وخصوصياتهم
مهدي: متفتيش عليا نعرف صلاحي وش ندير

....دخل لتيليفون وبدا يخرب فيه مخليها تغلي شوية ورجعولها جيست شاف ليزابليكاسيو لي عندها

مهدي :انستغرام يتنحى ليوم قبل غدوة وفض لكلام منسمع حتى حرف من عندك فهمتيني!
اميمة: فهمت

.....جبدها عندو اكثر ودخلو في تفاصيل ثانية وهي زعفانة اما مش حابة يرقد غضبان عليها باش متنعلهاش الملائكة

.....فاتت هذيك ليلة وجازو من وراها ليالي معاملة مهدي نفسها وغير يزيد فيها اكثر وهي غير ساكتة وتحاول تتجنب مناوشات ولا نشعات معاه توحشت والديها بزاااف تعد في ليام باش ترجع عندهم قرب عرس ولد خالتو وكانو كامل يوجدو في رواحهم حتى باميمة كيما قاتلها عجوزتها لبست غوب سواري جاية سامبل وتحت ركبة وبذراع واحد ومن لور فيها شقة دارت شعرها كيرلي ودارت ميك آب شوية ثقيل جات شابة بزاااف هزت عبايتها لبستها وساكها ولفليزة صغيرة لي دارت فيها حوايجها وهبطت لتحت لقات ليندا وعجوزتها واجدين يستناو فيها ليندا متنقبة ومام عجوزتها متنقبة ولقات شيخها فما

دليلة :بسم الله ماشاء الله تبارك الرحمان بنتي جيتي تهبلي
بوعلام :الله يبارك زينة لبنات
اميمة: يعيشكم

....ضحكت بخجل على اطراءهم ليها وبقات تحكي معاهم ومتبسة حتى دخل مهدي باين من وجهو معصب ومراهش في صحنو رمى عليهم سلام وشاف فيها

مهدي :وين رايحة نتي !؟
اميمة :باش نمشي مع خالتي للعرس
مهدي :شكون قالك روحي معاها اطلعي لغرفتك ازربي ! لا مشورة لا والو وزادمة برك قودي اطلعي !
دليلة :مهدي انا لي قتلها توجد روحها وطلبت منها تروح معانا عيب هذا لكلام مع مرتك
مهدي: يما الله يحفضك خليها بيني بين مرتي مش لازم تروح معاكم
بوعلام :مترفعش صوتك وطفلة مدارت حتى  حاجة عيب ولا تعصي ربي تخليك كيف ثور الهايج هكذا كالم صاحبي

______________________________

رمضان كريم فلفلاتي وصحا فطوركم 🏮🌙✨ صوتولي سيتوبلي