من أجلك فقط

بارت (28)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الثامن_وعشرون🫀🥀:

.....خرجتها اميمة من فما تحاول تهدي فيها ساندتها وليندا ديركت راحت هزت تيليفونها صفاتو ومحات كلش منو خافت يماها توصلها لباباها ولا خوتها خاصة مهدي محال يرحمها ولا يفوتلهالها وزيد ديما من وراها قعدتها في الكوزينة وبزربة عمرت كاس الماء ومداتولها تشرب منو شداتو من عندها وشربت منو ديركت طاحو دموعها متوقعتش الشيء هذا من بنتها.....بنتها لي ديما توصيها وعاطيتها ثقة عمية بنتها لي ديما توقف في وجه خاوتها على جالها ومتخليهمش يقيسوها يالوكان بوردة هكذا تخون ثقتها هذي هي لي دايرة نقاب شبه عارية قدام راجل اجنبي عليها

اميمة :ياخالتي استهدي بالله توا راو ربي ميقبلش الشيء هذا لي تعمليه في روحك
يعيشك متبكيش يا خالتي
دليلة :استغفر الله العظيم وش ندير انا ضك بنتي هكذا تغدرني يا خسارة تربيتي فيها ويا خسارة ثقتي فيها أنا لي ديما واقفة في كتافها وديما نزوخ بيها ونقول بنتي وبنتي ونفتاخر بتربيتها هكذا ديرلي
اميمة :استغفري يا خالتي ماو الانسان مش معصوم من الخطأ ورانا لكلنا نغلطو من المستحسن  تحكي معاها وتبينيلها الغلطة متاعها شنو تنجم تتكلفلها
دليلة: تصدمت يا اميمة افهميني بنتي دير فيا هكذا

.......قعدت تحكي ودموعها يطيحو على خدها واميمة تهدي فيها وتمسحلها فيهم حتى هدات شوية

دليلة: الله يحفضك يا بنتي يعيشك متقولي حتى كلمة لمهدي وميسمع بوالو
اميمة : ياخالتي كونك مهنية من هذي الجهة مش باش نقلو اي كلمة تهناي باش يبقى كلشي بناتنا راح نجرب نحكي مع ليندا وننصحها
دليلة :ربي يحفضك يابنتي ويهنيكم ان شاء الله

......دخل مهدي عليهم على غفلة لانو ملقاش اميمة لفوق وهبط باش يعيطلها شاف في عينين يماها فيهم أثار دموع باينين وظاهر فيها شحال بكات قرب ليها بخطوات واسعين زربانين وشد وجهها بين يديه مقلق ومتحير عليها

مهدي: يما علاش تبكي وش صرا شكون زعفك اهدري يما وش كاين
دليلة :مكانش وليدي حتى حاجة متتحيرش راني مليحة

.....شاف في يماه وشاف في اميمة بنظرات حادين وهدر

مهدي:وش درتيلها انطقي كشما قتيلها كلمة تزعف !؟ نهدررر مع قسام قسامك انطقي
اميمة: راو معملت حتى شيء انا
دليلة: يالغالي مدارتلي والو هي مسكينة علاش نضت فيها هكذا جيست تفكرت مانك الله يرحمها على هذا كنت نبكي مكان حتى حاجة

_____________________________

اراءكم وانتقاداتكم صوتولي سيتوبلي 🫀🥀