#مِنْ_أجْلِکَ_فَقَطْ🫀🥀:
#بقلمي_ميموشة_نوسة🫀🥀:
#الحلقة_الثامن_وسبعون🫀🥀:
......باقية بحذا دليلة في الكوجينة و تحس في وجيعة بدأت تقوى عليها في كرشها ...فيبالها وجايع عادية كيف العادة كتمهيد للولادة ...غمضت عينيها و عضت على شفايفها بالوجيعة قامت بشوية لكن الكرسي طاح ..تلفتت دليلة ليها راتها في الحالة هاكي مشات تجري ليها مفجوعة
دليلة : بسم الله عليك ياا بنتي وشبيك لباس
اميمة : اااه موجووعة ..ااااه وجيعة قوية في كرشي
دليلة : متخافيش عزيزتي متخاافيش أكيد وجع ولادة ارواحي اقعدي على الكرسي
...اميمة باقي تبكي و تصيح وجيعة كبيرة في كرشها لا تحتمل و دليلة خرجت تجري تنادي لمهدي
دليلة : يااا مهدي ويينك
مهدي: وشنو وشكاين يما
دليلة: مرتك بااش تولد اجري هزها لطونوبيل و أنا ضك نجيبلك الفاليز
....مهدي و هو مفجوع و لون وجهو مخطوف مش عارف شنوة يعمل
مهدي: وين راهي هي ضك
دليلة : في الكوزينة
....مشى مهدي يجري لقاها تتوجع و تبكي حملها و هو مفجوع و يحاول يصبرها باي كلمة و هي كاابسة على يدو من وجيعتها لين ظوافرها تغرسو في يدو
مهدي: متخافيش ..متخاافيش ضك فيت فيت نوصلو للكلينيك
اميمة : اااااه الوجيعة بااش تق...تلني
مهدي: متخاافيش لباس
....حطها في الكرهبة و دليلة جابت الفاليز و ركبت معاها و مهدي ديمارا الكرهبة و الكياس حرقو حرقان
...وصلو للكلينيك عرضوهم الفراملة دخلوها للولادة ديراكت و مهدي و دليلة باقين قدام بالبيت يستناو فيها ...أما اميمة في بيت الولادة باقية تتوجع و تصيح و تعيط ..معادش قادرة تزيد حتى نفس
الطبيبة : متغيبش على الوعي عاونينا عيشك اضغطي اكثر
...اميمة وجها كلو عارق ..شعرها مسيب على كتافها مبلول بالعرق ...صياحها عامل حالة في البيت ...
اميمة : اااااه معااادش قادرة
الطبيبة : مبققى ما مزال هياا اضغطي عااونينا عيش بنتي
...شوية وقت و الصغير هبط ... اميمة تبكي و تحمد في ربي بعد مسمعت صوت صغيرها يبكي ...هزت الفرملية الصغير غسلتلو و لبستو و حطتو في حضن أمو الي حست روحها ملكت الدنيا ..حست روحها تولدت من جديد ..حست احساس غريب ..ممكن هذا الي يقولو عليه احساس الامومة ..نسات الوجيعة الي حاستها و نسات كل دمعة هبطت و نسات كل حاجة مرت بيها تخمامها الوحيد في صغيرها ضناها الي أخيرا شرف الدنيا
_____________________________
اراءكم وانتقاداتكم صوتولي سيتوبلي 🫀❤️
أنت تقرأ
من أجلك فقط
General Fictionحصريا و لأول مرة و فقط على كرونيكات الديزادونسيات الفلفلات الأصلي للبنات فقط 🇩🇿🇹🇳🌶 #حسبي_الله_ونعم_للوكيل_فلي_تسرقهالي_ولا_تسرق_فكرة_لكرونيك #ممنوع_النقل_منعا__بتا_دون_اذني_او_اذن_نوسة🫀🥀 #بقلمي_ميموشة_نوسة🫀🥀 🥀عندنا والعود احمد بعد كرونيك...
