حصريا و لأول مرة و فقط على كرونيكات الديزادونسيات الفلفلات الأصلي للبنات فقط 🇩🇿🇹🇳🌶
#حسبي_الله_ونعم_للوكيل_فلي_تسرقهالي_ولا_تسرق_فكرة_لكرونيك
#ممنوع_النقل_منعا__بتا_دون_اذني_او_اذن_نوسة🫀🥀
#بقلمي_ميموشة_نوسة🫀🥀
🥀عندنا والعود احمد بعد كرونيك...
جاو أهل العريس و علات الزغاريت ...الفرحة مالية قلوب اهالي عرايسنا و الخيرات السبعة معبية يديهم ...كل متشتهيه النفس و يحلا في العين ...لبسة و سيكان ..ماكياج بارفانات ... ذهب و صندوق معبي غلة(بالنسبة لي مايعرفوش وش هي الغلة هي عبارة عن صندوق معبي فاكية من كل الأنواع ويكون مزين بطريقة مزيانة)... و مهدي في يديه بوكي نوار روج مزيان و زايدو وهرة و كاريزما مع الكوستيم النوار متاعو و سعاد و منصف استقبلوهم أعز استقبال ..كانت الضحكة مرسومة على وجوه العائلات الزوز سعاد عرضتهم للباب تزغرت و في يدها كانون البخور سعاد : يا مرحبا ياا مرحبا زارتنا البركة ..تونس نورت بوجودكم .....قدمت منها دليلة و سلمت عليها بالبوس و هي تتبسم و فرحانة حتى هما عندهم مدة متلاقاوش دليلة : عيش ختي الغالية ....سعاد سلمت على بوعلام من بعيد و منصف عنقو بالحملة و ضحكاتهم مالية الدار بوعلام : و أخيرا شفتك ياا خو منصف : والله متتصورش قداش توحشتك حتى أنا عشيري الغالي هيا تفضلو تفضلو الدار داركم ... ....سلمو على بعضهم الناس الكل و منصف و سعاد سلمو على نسيبهم و فرحانين بيه و بتربيتو و باحترامو ليهم ...كانو موجودين كان العايلات لأنو هكا كان اختيارهم ...جابت سعاد الحلو و العصير و تاي بالبندق دليلة :علاش تعب في روحك يا اختي حنايا ماشي ناس برانية(اغراب) سعاد: اااه ياا دليلة اختي و الله توحشتك و توحشت اياماتنا ....كنا ديما مع بعضنا أما ملي رجعتو لدزاير بلادكم و أنا نحس في روحي وحدي خليت عليا بلاصتك ياا وخيتي دليلة :والله حتى انا توحشتك اختي سعاد :ماشاء الله على بنيتك كبرت ولات مرأة ربي يفضلهالك ليندا بظرافة :يعيشك ياخالتي ونتيا ثاني دليلة :عيش وخيتي الباهية يخليلك معندك منصف : يا مهدي وليدي شاركنا في الحديث شبيك ساكت مهدي :لا عمي والو أما راني نستمتع بتاي تاع طاطا سعاد سعاد :صحة ولدي نهدر:الله يسلمك خالتي يعطيك الصحة بنة بوعلام: ااا ملا وينها مرت وليدي نحب نشوفها منصف: ههه تدلل ... ....و ناداها و في داخلو خايف لا تخذلو ..خايف لا متجاوبوش ..خايف لا تخرج و ترفض هذا الكل وطيح براسو قدام صاحبو وعايلتو ... منصف: اميمة ...ياااا اميمة .. .....نادا عليها مرة و ثنين و ثلاثة و لكن هي مجاوباتوش دخل الشك فيهم الزوز و احساس بالخوف سرا في عروقو ..بلع ريقو و خزر لمرتو منصف :سعاد برا شوف اميمة و جيبها .....تبسمت سعاد تبسيمة صفرة تحاول تخبي بيها القلق الي حستو و مشاات لبيت بنتها
