من أجلك فقط

بارت (15)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الخامسة_عشر🫀🥀:

.....دق لباب ودخلت ليندا عليهم بلا متستنى حتى جوابهم شيء لي شافوه هوما حاجة غريبة شبيها هذي تتصرف هكذا
اميمة :نعم عزيزتي ستحقيتي حاجة!؟
ليندا :جيت باش ندي احلام لتحتة خويا طالع لعندك
أحلام :هاني لوطا عزيزتي كوني مطمنة وكيما وصيتك
....خرجت احلام مع ليندا وهبطت لتحت اول مهبطو طلع مهدي لاميمة لقاها قاعدة فوق سرير تستنى فيه دخل وغلق لباب من وراه وجا قعد مقابلها
مهدي: شوفي يا بنت ناس نتفاهمو من ضكا ولكلام لي نحكيه ضك منعاودوش خطرتين اذا تعاود راح تخلاص ماشي شابة عليك
.....بقات غير تشوف فيه مصدومة من طريقة لي يحكي بيها رجع يبانلها انسان قديم بزااف ماشي مثقف لي حكى عليه باباها
مهدي: راني نهدر معاك لالا !؟كي نسقسيك متسكتيش ريبوندي
اميمة: نعم تفضل تكلم راني نسمع فيك
مهدي: والديا والديا والديا بلاكي تقيسيهم بكلمة معنديش لي غلى منهم يقيسيك متقيسيهمش وبلاكي تغلطي معاهم هذي لولى زاوجة راح نسكنو هنا في دار العائلة طاج هذا تاعنا البسي فيه لي حبيتي ديري لي حبيتي تعتبي لباب راكي مقيدة لبسة محترمة وكل حاجة ديريها بأدب لماكلة وطياب لتحت غير اذا حبيتي طيبي حاجة من غير لفطور عادي لقراية معليش راح تقراي مي انا لي نديك وانا لي نجيبك لخدمة مكانش مرتي انا لي نصرف عليها كل حاجة تطلبيها جي ليك ماكياج لبسة ضيقة شعر لمطلوق دسارة زايدة دخول لخروج بلا بيا هذو مكانش متفاهمين
.....قعدت غير تشوف فيه مشوكية منو من اول يوم بداها هكذا اوامر وتحكم لحاجة لوحيدة لي رتاحتلها تكمل قرايتها جاوباتو بهدوء عكس ضجة لي راهي داخلها
اميمة: والديك على لعيني وراسي راح يكونو ان شاء الله كيف والديا معنديش اشكال نسكن معاهم لماكياج وهذوكا لفازات من لول مش متعودة عليهم ندير كان حاجة سامبل واهم حاجة نكمل قرايتي منوقفهاش
مهدي :حاجة خفيفة ومكانش وضك مدام متفاهمين وضكا نتعشاو وجدي روحك
.....حشمت بزاااف من كلامو ودخلت بعضها تعشاو مع بعض وبداو حياتهم زوجية بصلاة حط يدو على راسها وشد يدها بيدو وسم بالله  وقرا دعاء الدخول بالزوجة 
مهدي :"اللهم إني أسألك خيرها وخير ما جبلتها عليه، وأعوذ بك من شرها وشر ما جبلتها عليه"
....بداو حياتهم زوجية بالصلاة والدعاء لأنهما اسس الحياة وباش يبعدو شيطان الرجيم من حياتهم ويبداوها على استقامة وهذو من سنن المحببة
🫀 ربي يرزقنا كامل الزوج الصالح ويسترنا ويرزقنا الذرية الصالحة

_____________________________

رمضان كريم عليكم و صحا فطوركم 🏮🌙✨اراءكم و انتقاداتكم صوتولي سيتوبلي ❤️🫀