حاجة كدا بمناسبة رمضان يارب يعجبكم، كل سنه وانتوا طيبين ✨♥️♥️
________________
بعد مرور أربعة أشهر ونصف..
كانت شفق تسعل بقوة وهى تردف بـ تهكم وغضب :
"ايه داا ! كل دا تراب ..اومال لو مش لسه تعبانه فى تنضيف الشقه من اسبوع كان حصل ايه!!"
"نضفي وأنتِ ساكته يا شفق."
ألقت شفق السجاد الذى بيديها على الأرض بعنف مردفه بحنق : "لا بقولك ايه أوامر مبحبش ..وبعدين حد بينضف قبل رمضان! ، مش كانت بتبقى قبل العيد المفروض!!"
"ايوا الناس بتنضف قبل رمضان وقبل العيد كمان .. ويلا انجزى مش هنفضل اليوم كله بنروق"
"طب هروق بس بشرط انك توافقى على.."
نطقت شفق لكن قبل أن تكمل حديثها قاطعتها صِبا بحدة : "لا يا شفق مفيش صواريخ هتتجاب ودا آخر كلام عندى ."
"طب ليه.. دا انتى اللى خلتينى احب الصواريخ من واحنا اطفال وكنتى بتشتريهالى فاكرة ولا لا"
"فاكرة بس السنه دى لا ..عشان جارتنا الجديدة اللى ساكنه تحتينا ( ام غريب ) لسانها طويل وبتحب تتخانق مع أي حد !"
"لسانها طويل على نفسها وبعدين انا مالى بيها ..انا حره افرقع صواريخ براحتى"
"لا مش حرة لأنك كدا بتأذيها ..وكمان مش عايزين نتخانق مع حد احنا!" ..قالتها صِبا ببساطة.
"بس انا كنت حابة نفرقع صاروخ وقت آذان المغرب"
"هو مدفع افطار ! "
_________________
فى منزل دهب..
"رمضان كريم يا حبيبى."
"أدهم ..ياريت نلم نفسنا شويه ..رمضان قرررب حتي!"..نطقت بها دهب بتحذير.
"انا قولت حاجة ؟ دا انا بقولك حبيبى بس!"
"أدهم !"
"نعم يا دهب ؟ ..خلاص اسف مش مهزر معاكى تانى ولا مدلعك مش دا اللى أنتِ عايزاه ؟"
"ايوا ..احنا لسه مخطوبين مش عايزين ناخد ذنوب !"
"بس لو كل اتنين مخطوبين مقالوش كلام حلو لبعض عشان الذنوب يبقى الخطوبة مش هتكمل !"
"مين قال كدا ؟"
"اصل هيكونوا بيحبوا بعض ازاى وكلامهم ناشف !"
"وليه منبينش حبنا بالافعال بدل الكلام؟"
"قصدك ايه يا دهب ..انى مبحبكيش؟"
"وبالنسبة لـ اني مرمطاك معايا فى المواصلات، وفى قلقى فى الشغل، وكفاية وقوفك جمبى لما قدمت على شغل وتشجيعك ليا ! ..انا ممتنه لوجودك فى حياتى يا ادهم ." ..قالت دهب بنبرة هادئه محبة.
"انا اللى ممتن ليكِ انك وافقتى انى اشاركك حياتك، عقبال ما نتشارك الافلام سوا فى بيتنا."
أنت تقرأ
سَهمٌ وقَع في الفُؤاد
Romanceنظرت أمامها لتجد الحرب قائمة تنتظر قدومها .. فـنظرت خلفها لتجد حُبها يمد ذراعيه لها.. هل ستخوض الحرب أم سيخضع قلبها للحب!! فتاتان تركهما والديهما فأجبروا علي العيش بمفردهما ،ثم يعودوا ليفرقا بينهما فهل سينجحان ؟! ابتدأت في 3/11/2022
