အခန်း ၆၃
ဖုခွင်း မျက်လုံးထဲတွင် ဖုရိကျယ်သည် ကလေးသာရှိသေးပြီး ဖုရိကျယ် ၏ "လျှို့ဝှက်ချက်" ကို သိရှိပြီးသည့်တိုင်အောင် ဒီညီလေးက ကြီးပြင်းလာသလို ရုတ်တရက် ခံစားရသည်။
သူဘယ်တော့မှ မစိုးရိမ်မိ မတွေးမိတဲ့ ကိစ္စတစ်ချို့က ကြီးပြင်းလာတဲ့ ဖုရိကျယ်ဆီမှာ သူ မခံစားမိတဲ့ အတောအတွင်း တိတ်တဆိတ် ဖြစ်ပျက်လာသည်။
ဒါသူ ဖုရိကျယ်ကို ပထမဆုံးအကြိမ် အရက်သောက်ဖို့ ခေါ်တာဆိုတော့ စွန်းဝေနဲ့ တခြားသူငယ်ချင်းတွေကိုအတူ သောက်ဖို့ခေါ်တာနဲ့ မတူဘူး၊သူ သန့်ရှင်းတဲ့ဆိုင်ကိုရှာပြီး သိုးသားစွပ်ပြုတ်စားကာ စကားစမြည်ပြောလိုက် အရက်သောက်လိုက် လုပ်ချင်သည်။
စားပွဲမှာထိုင်ပြီး ဖုရိကျယ် ရဲ့ဖန်ခွက်ထဲကို အရက်ထည့်ပေးပြီး ဖုခွင်း သူ့ရှေ့မှာထိုင်နေတဲ့ ဖုရိကျယ် ကို တစ်ချက်ကြည့်လိုက်သည်။ ဖုရိကျယ်က စာပွဲထိုးကို သေတ္တာဘူးခွံတစ်ခုလောက် ရနိုင်မလားလို့မေးပြီး ထိုဘူးခွံထဲကို ခွေးပေါက်လေးအား ထည့်ထားလိုက်ပြီး ထိုအကောင်ပေါက်လေးကို ရှေ့က နည်းနည်း နွေးတဲ့နေရာမှာ ချထားလိုက်သည်။
ဖုရိကျယ် ဒီလိုလုပ်နေတာမြင်တော့ ဖုခွင်းက သူ့ကို တျိုးတျိုး နဲ့ မြေပြင်ပေါ်မှာထိုင်ပြီး ငိုနေတဲ့ကလေးပဲလို့ ထင်မိပြန်သည်။
ရုတ်တရက်ကြီး ကြီးပြင်းလာတာလား။ သူ့အတွက်ကောပါ အရက်ထည့်လိုက်ရင်း ဘယ်တုန်းက ဒီလောက် ကြီးလာတာလဲ။
ကိုယ်တိုင်တကယ်မသိတာလား ဒါမှမဟုတ် အဲဒါကို မစဉ်းစားချင်တာလား။
"နောက်ရက်နည်းနည်းကြာရင် ငါကျောင်းပြန်သွားရတော့မယ်" ဖုရိကျယ်က သူ့ဘေးက ထိုင်ခုံပေါ် သေတ္တာကို တင်လိုက်ပြီး ခွေးလေးရဲ့ ခေါင်းကို လှမ်းကိုင်လိုက်ကာ "အိပ်ဆောင်ကို ယူသွားလို့မရဘူး၊ အိမ်မှာ ထားခဲ့ရင် ဘယ်သူ ထိန်းပေးမှာလဲ"
"ငါလုပ်ပေးမယ်" ဖုခွင်းက ခွက်ကို ကောက်ယူလိုက်ပြီး "မားလည်း ကျွေးမွေးမှာပါ၊ သူ ခွေးတွေကို သဘောကျတယ်"
DU LIEST GERADE
ငယ်ချစ်ပုံပြင် - 竹木狼马 [Myanmar Translation ] Completed
RomantikHi everyone ဒါလေးက wuzhe သာ့သာ့ရဲ. လက်ရာတွေထဲက တစ်ခုဖြစ်တဲ့ zhu mu lang ma ဆိုတဲ့ novel လေးပါ Author - 巫哲 (wuzhe) Status on jjwxc- completed [Chapters84+ 4 Extra] Genres - modern day , salice of life Start Date - 17.02. 22 End Date- 30-5-202...
![ငယ်ချစ်ပုံပြင် - 竹木狼马 [Myanmar Translation ] Completed](https://img.wattpad.com/cover/301770565-64-k699657.jpg)