رواية معشوقي كلي معاك معاك حتى للهلاك

الجزء 6

بـ مجلس أبو خالد .. كان فيه أبو خالد .. وحاتم ووسام ووليد وأبو الوافي والوافي واسامه ..

أبو خالد بكلامه المعروف : ياحي الله من جاانا .. زيارتك تشرفنا ..
أبو الوافي : الله يحيك ويبقيك والشرف لنا إحنا ..
أبو خالد : كيف الشغل معاكم ياعيال ..؟؟
الوافي بصوته الضخم : كل شيء مثل مانبي والحمدلله
أبو خالد : يستاهل الحمد ..
ابو الوافي : يـ أبو خالد إحنا جاين لك بطلب ونتمى ماتردنا ..
أبو خالد : سُلطان ماعمرهـ رد أحد
أبو الوافي : هذا المعروف والنعم فيك ..
أبو خالد : عطني طلبك يا أبو الوافي وإذا أقدر فـ تأكد إن طلبك وصلك ..
أبو الوافي : رجال من ظهر رجال .. إحنا جايين طمعانين في قربك .. يشرفنا نطلب بنتك زوجه لـ ولدي الوافي ..
أبو خالد تفاجأ توقع كل شيء إلا مثل هذا الطلب .. صحيح أبو الواففي من نفس مستواهم ويعرف الوافي عدل عن ألف رجال .. ولا يبي يرفضه والرآي الأول والأخير لـ بنته .. مايقدر يعطيهم كلمه ويتورط بـ وسن إللي رفضت أكثر من سته تقدموا لها ..
وسام مصدوم .. أخيراً عرف ليش أبو الوافي جاي من الخارج للسعوديه .. والله مانتي سهله ياوسن .. حاتم .. ماتفاجأ كثير لإنه متعود ع هـ الاشياء .. لكن مايبي يخسر الوافي ولا يبي يخسر ولد عمه راكان إللي يعرف إنه يبي وسن ..
الوافي لما طال سكوت أبو خالد قال : ياعم إحنا شارين نسبكم لإنه يشرف ولا نبي غيركم .. وإذا ربي كتب نصيب بيننا ما راح يصير زواج إلا ليما تنهي وسن من دراستها وإللي تامر فيه إحنا حاضرين ..
أبو خالد من جد كبر الوافي بعينه : والله والنعم فيك والشاهد الله إنك عن ألف رجال ونسبكم ماعليه قصور .. لكن آبي أسأل البنت وأرد لكم ..
الوافي أرتاح شوي ..
أبو الوافي : حقكم تسألون البنت .. بس مثل مانت عارف أـنا ما أطول هنا .. ونبي نعرف الرد ذا الحين إذا ماعليك آمر ..
أبو خالد أنصدم .. لكن اهو يعرف الوافي مثل مايعرف عياله ..
حاتم ذا الحين أنصدم من جد .. ووسام ودهـ يروح ويبلغ إللي داخل بـ إللي صار .. لكن أبوهـ بيخرشه ..
أبو الوافي : يابو خالد إحنا نعرف إن بنتك ياكثر إللي تقدموا لها ورفضتهم .. ومهما كان ردها ما راح يأثر ع علاقتنا .. إحنا أخوان فوق كل شيء ..
أبو خالد : عطونا كم يوم ونرد عليكم
الوافي : لا هنت يبه ولا عليك أمر ياعمي .. آبي الرد بكرهـ إن شاء الله ..
وسام فـ خاطرهـ شـ عندهـ هذا مستعجل ..
أبو خالد : الله يقدم إللي فيه خير .. وجلسوا يسولفون شوي . . وقال أبو خالد إنو عازمهم للعشاء ووافقوا بعد ما أقنعهم ..

عند مواقف السيارات بـ الشركه كانوا الشباب لسا طالعين ..
فارس : شباب ترا عمي سُلطان عندهـ عشاء
بدر مستغرب: لـ مين ؟؟
فارس : ابوي يقول أبو الوافي والوافي واسامه زايرين عمي
الشباب كلهم مصدومين ..
حمدد : أبو الوافي متى شرف السعوديه
فارس : إللي فهمته جاي مخصوص عشان هـ الزيارهـ .. لكن شـ سببها ما ادري ..
تركي : أـنا أشوف حاتم مو فيه ولا خالد ..
فارس : اهم من المغرب عندهـ
فيصل : ما أدري .. أحس الموضوع فيه شيء غريب
سعود : من جد 8 سنوات برا ولافكر يجي .. ويجي ذا الحين مخصوص لـ خالي سُلطان ..
ياسر : لا يكون عندهـ أزمه ماليه ويبي خالي يساعدهـ
بدر : لا ما أتوقع ..
تركي : طيب خالي يعرف ليش جاي ..
فارس : أبوي يقول مايعرف .. أتصل فيه وقال يبيه بـ موضوع بعيد عن مكان الشغل ,, واعدهـ عمي بـ البيت بعد المغرب ..
بدر : أقول خلونا نلحق السالفه
ياسر : من جد باي
وكل واحد ركب سيارته .. وتوجهوا لـ بيت أبو خالد ..