رواية معشوقي كلي معاك معاك حتى للهلاك

الجزء 36

يـ الخفوق اللي تشكي
موت خلاص
دام مالي فيك حيله ..
ومالي من همك
خلاص }

الغى الترم الصيفي إللي كان ماخذهـ مايقدر يكمل شيء وإهي تعبانه كذا . . دخل للبيت وحصل أمه جالسه بـ الصاله ومعاها أبوهـ وحاتم وجدهم وجدتهم وإللي يشوفه إنو أبوهـ وحاتم بيطلعون لـ مشوار ..
وسام واهو يدخل لهم : السلام عليكم ..
كلهم : وعليكم السلام ..
أم سعد : إلا وينه راكان ما شوفه معكم !!
حاتم : بـ الإستراحه ..
أبو سعد : وش يجلسه هناك .. كل واحد منكم ييروح لـ بيته إلا هو يجلس بـ روحه .. { ناظر سُلطان وقال } أـفأ ياولدي تخلي ولد أخوك بـ روحه !!
أبو خالد واهو يناظر أبوهـ وقال : أـنا مافضيت لـ أحد الوضع إللي إحنا فيه منسينا أنفسنا ..
أبو سعد : إللي كاتبه الله بيصير ..
أبو خالد ناظر حاتم وقال : خل راكان يجي هنا للبيت لايجلس هناك بـ روحه ..
حاتم : أـنا قايل له من قبل بس اهو إللي مارضى ..
أبو خالد : أـنا نسيت سالفته .. قول عمك يقول كذا ..
حاتم : إن شاء الله ..
أبو خالد واهو يوقف : تروح معي ..؟؟
حاتم واهو يوقف : مشينا ..
وسام واهو يوقف : إذا بتروحون للمستشفى بـ اجي معاكم ..!
أبو خالد : وإفتح لنا موضوع جديد هناك .. إحنا فاضين ننشغل فيك وإلا في غيرك ..
وسام واهو يحاول ماتنزل دموعه : ما اسوي شيء .. وبـ أمسك نفسي غصب ..
أبو خالد ناظر جوهرهـ وقال : إذا شفنا إنها تحسنت جيت أخذتك بـ نفسي ..
أم خالد وعيونها تدمع حركت راسها بـ معنى أوكي ..
طلعوا من عندهم وإللي يسوق في أبو خالد حاتم ..

مسكين منهو يحترق شوق في صمت
لانــال مطلوبــه ولاخاطـره طــاب .. }

كان واقف قبال العنايه المشددهـ ومن ربع ساعه وشباب ورياجيل العائله جايين له .. واقف ووراهـ الجدار وساند راسه لـ ورا ويفكر في إللي داخل .. وصل عمه سُلطان وحاتم ووسام .. قبل مارين على الدكتور وقال : مافي أي تحسن في حالتها .. تحطموا مرهـ وقال تقدرون تدخلون عليها ..
أبو خالد واهو واقف يتكلم معاهم : أـنا بـ أدخل ..
فواز إللي كان موجود حط إيدهـ على كتف سُلطان وقال : قو قلبك قبل لا تدخل ..
ناظرهـ شوي وقال : للدرجه هذي !؟
فواز حرك راسه بـ إيوا ..
سكر عيوننه .. قال حاتم واهو يششوف أبوهـ : يُبه الله يخليك إذا ماتقدر لا تدخل ..
أبو خالد واهو يناظرهـ : تدخل لها ؟
حاتم : أـنا بـ أدخل ..
وسام : أـنا بعد ..
فواز : وسام لا ..
وسام : ليششششش ؟؟
فواز : وسام إنت ما راح تتحمل .. إنتظر لـ وقت ثاني ..
حاتم واهو يشوف خالد جاي له وبيدخل معاهـ .. ودخلوا إثنينهم ..
فواز يعرف إنهم بينصدمون ..
لما دخلوا وناظروا للي متمددهـ على السرير وكأن الدنيا إهتزت فيهم من إللي صاير ..
ناظروا بعض والقلوب تتقطع قطعه قطعه وتقدموا ووإللي قبالهم أكبر من إنهم يصدقونه ..
إللي يشوفونها مالها حياة إلا بعد تدخل رب العباد ..
وقفوا قبال سريرها وحوسة الأجهزهـ حولها والغرفه مافيها إلا صوت الأجهزهـ وإللي متمددهـ على السرير منظر يخووف غصب .. خالد مسك إيدها إللي متروكه بجنبها على السرير وإللي يمسكها يحس مافيها روح مرهـ .. باس جبينها من فوق مرهـ .. وماقدر يتحمل يشوفها كذا وطلع من الغرفه .. شافوهـ كلهم ومر من عندهم طالع برا المستشفى .. صعب عليه يشوف إخته كذا .. صعب ..
حاتم واهو ضاغط على حاله غصب مسح على إيدها واهو حاقد عليهم الحقيرين .. مايخافون الله .. دخل أبوهـ واهو متشجعع .. تندم إنو دخل .. قرب من سريرها وناظرها .. مافي روح شكلها .. مُغذي بـ إيد والثانيه فيها دم .. في خشمها هوزين صغار واحد للأكل وواحد للشرب .. وجهها معدوم مرهـ .. خشمها من بدايته
لـ نهايته مجروح مرهـ .. عينها اليمين حولها طقه كبيرهـ وتاركه لون ومنفوخه ..
من شفتها إللي فوق إلـى نص الخد جرح كبييييييير ومخيوط .. وفوق حاجبها الأيمين جرح كبييييير ومخيوط نفس الشيء .. راسها ملفوف من فوق وواضح إنو فيها طقه بـ راسها .. صدرها ملفوف بـ أبيض مكان الحرق .. وإيدينها نفس الشيء من فوق إلـى حد الكف مكان المُغذي .. نزلت دموعه واهو يشوف هذا .. الدنيا حوسه .. الأجهزهـ خوفته أكثر من إنها تطمنه .. وإللي طايحه على السرير ولا حاسه في أحد .. أول مرهـ يدخلون عليها من غير لا يسمعون صوتها .. حاول يمسح الدموع لكن مافي فايدهـ كل مالها تزداد ليما ماقدر يتحكم في حاله .. حاتم واهو يمسكه من أكتافه ويقول : يُبه الله يطول بـ عمرك هذا إللي ربي كتبه .. وإن شاء الله بتتشافى وتقوم بـ السلامه ..
أبو خالد واهو يحاول يتماسك لكن ماكو فايدهـ : الله كريم .. الله كريم { يعشم نفسه في شفاها ويدعي ربي }
شوي إلا الأطباء متوجهين لـ غرفة وسن .. دخل معاهم راكان .. واهم واضح محتاسين في شيء .. أبو خالد خاف وحاتم نفس الشيء ... راكان ناظر وسن وإنهبل .. هذي وسن مستحيل .. صعب وطلع على طوول ..
طلعوا أبو خالد وحاتم برا الغرفه ..
وسام بـ خوف : شـ صاير ..؟؟ شـ فيها وسن .. ؟؟ ليش جو كذا بسرعه ..!
أبو خالد : ما أدري يابوك ما أدري ..
راكان واهو واصل حدهـ : حسيتوا في شيء قبل لا يدخلون .؟؟
أبو خالد : البنت ماتدري عن شيء .. وشلون بـ نحس عليها ..
حاتم واهو يناظر لـ غرفتها : إن شاء الله خير ..
سكتوا لإنهم من جد خايفين .. حركة الأطباء وتوجههم للغرفه بهـ الطريقه خوفتهم غصب ..