رواية معشوقي كلي معاك معاك حتى للهلاك

الجزء 9

اليوم الثاني " أول يوم من شهر 6 " طبعاً العروسين سافروا وإللي وصلهم للمطار سايق أم فارس لإنهم مايبون يتعبون الشباب ..

الساعه 9 الصباح .. جا أبو خالد لـ بيته وقال : وين وسن ؟؟
أم خالد استغربت : ذا الحين بتنزل ..
إلا هذي وسن نازله .. طبعاً أخوانها ماهم فيه إلا خالد جاي مع أبوهـ وجهه مايبشر بـ الخير .. وسن : أحلى صباح ع أحلى ناس .. وباست أبوها واخوها وامها ..
أبوها أنعصر قلبه لما شافها وشاف إبتسامتها .. خالد مايناظر فيها ..
أبوها : حبيبتي جيبي عباتك وامشي معانا .
وسن بـ أستغراب : وين ؟؟
أبوها : روحي جيبيها وتعالي اقول لك ..
وسن طلعت الدرج تركض مسكينه مستعجله ع المصيبه إللي تنتظرها ..
أم خالد تناظر زوجها وولدها وبخوف قالت : شـ السالفه ؟؟
أبو خالد : ذا الحين تعرفين لكن آبيك تكونين قويه ..
أم خالد حست إنها مصيبه قويه من بعد كلام زوجها وسكتت ماتبي تستعجل ع مصيبتها ..
نزلت وسن تركض قالت بفرح : جيت .. يلا وين بنروح ؟؟ { ياحياتي عليها مستانسه ع بالها بتروح مكان يفرحها }
أبوها واهو كويس يطلع معاهـ الكلام : حبيبة أبوك .. كل شيء قضاء وقدر وإحنا من قبل لا نطلعع للدنيا مكتوب لنا كل شيء وما أحد مننا يعلم الغيب .. متى ماجا جا وإللي علينا كونا عبيد لله ومؤمنين به وبقدرهـ لازم نرضى ولا نعترض ..
وسن عقدت حواجبها ما تدري ليش أبوها يقولها كذا أول مرهـ بحياتها تسمع هـ الكلام .. وقف أبوها وتقدم لها ومسكها من كتوفها وقال : الوافي صار عليه حادث واهو ذا الحين بـ المستشفى .. ويبي يشوفك ..
وسن بعدم تصديق : الوافي متصل فيني قبل ساعتين وسولفت اـنا واهو ولا فيه شيء ..
خالد تقدم لها : يلا ياقلبي أمشي معانا .. مانقدر نتركه بروحه أبوهـ مسافر وبلغناهـ وبيوصل بعد 4 ساعات وأخوهـ مشغول شوي ..
وسن مابعد أستوعبت إللي سمعته ومشت معاهم من غير لا تتكلم .. أمها لما شافتها طلعت جلست تبكي لإنو الواضح عليهم إنه خلاص ..

بـ المستشفى كل شباب ورياجيل عائلة سُلطان موجودين .. أبو خالد أتصل فيهم يحضرون عشان يوقفون بجنب أسامه أخو الوافي إللي لما عرف طاح عليهم مغشي عليه ..{ الموجودين : أبو فارس وأبو سعود وأبو تركي وتركي وعزام وبدر وسعود وحمد وياسر وفيصل وحاتم ووسام وراكان وزياد لإن أهلهم مابعد رجعوا للرياض وكانو نايمين بـ مجلس العائله ولما أتصل أبو خالد فـ حاتم كان عندهم وطلعوا مع حاتم } طبعاً فواز كان عندهـ إستلام بـ نفس المستشفى .. أبوخالد لما عرف وضع الوافي قالهم يجلسون هنا واهو بيروح يجيب وسن تشوف الوافي وخذا خالد معاهـ ..
عزام : هذا سُلطان وصل ..
سُلطان : السلام عليكم ..
كلهم : وعليكم السلام ..
سُلطان يكلم فواز : ماصار شيء .؟؟
فواز بحزن : نفس ما أهو ..
الشباب يناظرون وسن إللي ماتدري شـ السالفه .. حاتم تقدم لها وقف بجنبها .. عزام سلم عليها .. إهي من تفكيرها بـ السالفه نست تسلم ع عمانها .. عذروها وتقدموا يسلمون عليها .. وسن تناظر وبـ خاطرها ليش كلهم مجتمعين ..؟؟ ووجيههم مليانه حزن .. قال أبوها : حبيبة أبوك تدخلين ذا الحين .. مستعدهـ ؟؟
وسن بصوت يرجف من الخوف من إللي شافته ع وجيههم : إيوا ..
فواز قال إلا يخبرها لإنو سُلطان أشر له يقولها قال بكل شجاعه : وسن حبيبتي كلنا ماندري شـ إللي مكتوب لنا بـ الدنيا عشان كذا إلا نرضى بكل شيء سوأ زين وإلا شين .. الوافي حادثه كان آليم مرهـ والمتوقع من إللي نشوفه إنه ما راح يعيش أكثر من ساعتين ..
وسن تناظر عمها ماتدري شـ معنى ما راح يعيش أكثر من ساعتين ناظرت أبوها إللي واضح إنه يتعذب من الكلام .. ناظرتهم كلهم ما أحد يتكلم مسكت إيد حاتم وقالت بصوت يجهل مفهوم كلام عمها : شـ معنى أكثر من ساعتين { تنحت البنت }
حاتم خلاص ضاغط ع نفسه عشانها ضغط على إيدها وقال : تعالي حبيبتي شوفيه ..
قالت : بشوفه لكن بعرف شـ فيه بـ الضبط ؟؟
حاتم يتقطع قلبه لكن لازم يفهمها إهي بـ حالة صدمه : يعني أكثر من ساعتين مايقدر يعيش يعني خلاص ..
وسن تردد بـ داخلها يعني خلاص يعني خلاص .. لفت ناظرت أبوها بسرعه وقالت : وينه ؟؟
أبوها مسكها من إيدها وقال تعالي معاي وراح معاهم فواز وحاتم وخالد ووسام ..
دخلت الغرفه إللي مليانه أجهزهـ والشخص المرمي ع السرير عليه أجهزهـ كثيرهـ طبعاً غرفة العنايه يقدرون يشوفون إللي برا إللي داخل .. وكل شبابهم كانوا برا ..
ناظرت الوافي إللي مدد ع السرير الأبيض ولا يتحرك ولا حركه أستوعبت الكلام 'ساعتين يعني خلاص بيموت يعني بتصير أرمله وإهي ماكملت الـ 18 سنه ,, الوافي إللي مابعد جمعهم بيت واحد ومابعد فرح بـ شبابه بيلحق أمه .. مشت من غير لا تحس بنفسها ليما وصلت عند رجوله ولفت لـ عمها وقالت بصوت مليان عذاب : يعني خلاص خلاص ..!!
عمها حرك راسه واهو يتعذب ع حالها ..
من غير شعور رمت حالها ع رجوله بحيث راسها ع رجولها وجلست تبكي بصوت عالي ومن بين بكاها : لاااا .. لا تروح وتتركني .. إنت كنت من شوي تكلمني لا تتركني .. كل إللي تبيه بيصير .. بس إنت ارجع لي ورجعت تبكي بصوت يقطع القلب
أبوها شافها طلع من الغرفه ماهو قادر يتحمل .. وسام طلع وحضن خاله وجلس يبكي .. خالد طلع برا الغرفه عند الشباب ومابقى بـ الغرفه إلا وسن وحاتم وفواز .. والشباب إللي برا لما شافوا منظرها حسوا بـ العذاب من جد .. كل واحد عطا وجهه للجدار راكان متعذب أكثر منهم لإنه حاس بعذاببها .. ليش مايتعذب لـ عذابها واهو يعشقها .. أبو فارس راح لـ أبو خالد وجلس يهدي فيه ..
حاتم جا لها ورفعها وقال : خلاص ياقلبي لا تعذبين حالك ..
وسن تبكي ولا تقدر تتكلم فكت حاتم وراحت عند وجه الوافي تناظر فيه ومسكت إيدهـ وقالت وإهي تشاهق من البكا : قوم لا تتركني .. لا تروح نفس أمك .. ما راح تتركني ما راح تتركني وجلست تضرب بـ رجلها الأرض من القهر إللي تحسه .. ضغطت ع إيددهـ .. فتح عيونه وشافه فواز وعرف إنو خلاص مافي أمل لإنو يغيب عن الوعي ويرجع يصحى ويتكلم شوي ويغيب عن الوعي .. تكلم بكل صعوبه واهو يضغط ع إيدها : حبيبتي ..
رفعت راسها ع طوول وناظرت عمها وقالت وإهي فرحانه : شفت الوافي ما راح يتركني هذا اهو صحى .. عمها سمع كلامها وطلع ما راح يقدر يتحمل إللي بيصير لها بعد شوي ..
وسن باقي ماسكه إيدهـ ودموعها تنزل .. كمل الوافي بصعوبه ومايسمع صوته إلا وسن : تذكرين ليلة الملكه شـ قلت لك ؟؟
وسن بسرعه : مستحيل أنسى شيء إنت قلته ..
الوافي : قلت لك إنو كل واحد فـ يومه ولازم نرضى ..
وسن هنا جلست تبكي كمل اهو لإنه حاس إنه خلاص بيودع : دموعك غاليه ولا آبيك تنزلين دمعه علي لإنه هذا المكتوب لي وآبيك ترضين فيه .. { قال بصعوبه } شوفي نفسك بعدي لا تحزنين أكثر من الأيام المعروفه ..
وسن من بين بكاها وبصوت عالي سمعوهـ الشباب : لا تقوول كذا إنت بتطلع من هنا متعافي وساعتها وربي وربي لـ يصير كل إللي تبيه { قصدها الزواج لإنه أخر مرهـ فاتحها فيه أخر مكالمه صارت بينهم من شوي }
الوافي يتألم : تأكدي إني ماحبيت قبلك وبطلع من هـ الدنيا ماحبيت غيرك ..قال واهو يحس إنه خلاص حان الوقت : خليني أشوف وجهك أخر وجه بهـ الدنيا ..
نزلت لثمتها من غير شعور وقالت ودموعها ع خدها وصوتها رايح فيه : بتطلع من هنا وبتشبع منه .. وانهارت تبكي بقوهـ .. جا لها أخوها حاتم ورفع لثمتها ع وجهها ووقفها وإهي متمسكه بـ إيدهـ وفك إيدها من إيدهـ ولفها له وقال بصوت متعذب لـ عذاب اخته : خلاص إرحمي حالك وإرحمينا .. رمت نفسها بحضنه وطلعها وإهي متمسكه فيه وراسها ع صدرهـ وتبكي .. وقف أبوها معاها وخالد .. عزام مبتلش بـ وسام إللي منهار وبقوهـ اهو يصبر نفسه وإلا يصبر وسام .. جا لها أبوها وأعمامها والشباب كلهم واقفين ومتأثرين ع حالتها إللي تكسر الخاطر غصب .. قال أبوها بصوت حنون محزن ع بنته : يلا يابابا نرجع للبيت ..
وسن سمعت صوته الحنون زاد بكاها .. مشى فيها حاتم وإهي متمسكه فيه وتصيح وأبوها معاها وخالد راح معاهم لإنه بيسوق بدل ابوهـ إللي ماهو قادر وحاتم إللي متمسكه فيه ..
الشباب يناظرونهم واهم يمشون وصوت بكاها إللي مالي المكان ..
تركي : الله يكون بعونها ..
كلهم : آمين ..
فواز : ماتهنت بتترمل وعمرها ماكمل الـ 18 ..
راكان قلبه يتقطع ألف قطعه وقطعه .. عذابه لما صارت لـ غيرهـ أرحم من هذا لما يشوفها تتعذب وتبكي قال بتنهيدهـ : ليتني أقدر أشيل عذابها ..
الشباب ناقصين عشان يجي راكان يكمل بعذابه ...
وسام سمع كلام راكان وانهار بـ البكا مهما كان هذي توأمه حبيبته يحس فيها وترملت ..
عزام يكلمه : خلاص وسام وربي يكفي تعبت نفسك ..
راكان راح له ومسكه من أكتافه وقال : أختك محتاجه أحد يكون عندها قوي عشان تستمد منه القوهـ عشان كذا خلك متماسك وقوي واوقف بجنب أختك وحزنك خله بقلبك ..
وسام بعد كلام راكان رمى حاله بحضنه .. مسكه راكان وجلس يهدي فيه مهما كان ولد عمه وتوأم دنيته كلها إللي ماذاقت السعادهـ بدنياهـا .. بـ الأول فراقها إهي وياهـ وبعدين فراق زوجها وترملها .. راكان يبي من يوقف معاهــ فـ عذابه إللي كان عايش فيه وزاد عليه ذا الحين طلع اهو إللي يوقف مع غيرهـ فـ مصيبة دنيته كلها ..
تركي جا لهم لإنو وسام كذا يزيد ع راكان : خلاص ياوسام خلك رجال .. إذا إنت يـ الرجال كذا شـ نقول عن الحريم .. شـ نقول عن أختك إللي مصيبتها أعظم ..
وسام : هذي توأمي واحس فيها وعارف إنها تتعذب ذا الحين .. { كمل بعذاب } ما أقدر صعب ..
راكان : عشانها توأمك خلك قوي عشان تاخذ القوهـ منك ..
كمل راكان : يلا تبيني أوديك البيت وإلا بتجلس هنا ..؟؟
وسام بصوت رايح فيه : بروح عندها ..
راكان شـ أقول عنه بس لما سمع وسام قال بروح عندها .. آهـ '' ليتني أقدر أروح عندها كان ما أنتظرت احد .. وربي لو اقدر أروح واخفف العذاب عنها كان سويتها .. 'ردد بـ نفسه '' ليت عذابك فيني ليته فيني ياروحي'
وقف راكان ووقفف وسام معاهـ وقال لـ عزام : ما راح تروح لها عشان تحاول تخفف عنها ..
عزام واضح الحزن عليه : بروح بس لما أضبط نفسي شوي ..
راكان : أجل الله يقويك ..ومشى عنه .. ' لما يقولون راكان رجال يكون كلامهم صحيح رجال بمعنى الكلمه .. منو بيتحمل إللي تحمله راكان .. المصايب تمسه اهو ويطلع اهو يواسيهم ويخفف عليهم واهو إللي محتاج مليون مرهـ من يواسيه ويخفف عليه ..'