رواية معشوقي كلي معاك معاك حتى للهلاك

الجزء 20

يوم الأربعاء قبل أذان المغرب بـ ساعه .. البيوت فيها هدوء مو طبيعي مافيها إلا الخدم .. الحريم بـ المشاغل .. والشباب جالسين مع الرياجيل ..
حمد إللي كان بعيد عن هـ الجمعه كلها .. جالس بحاله فـ بيته الجديد .. أكيد بيطلع
فـ بيت جديد عشان ما احد يلاحظ مشاكله مع مصيبته .. متمدد على السرير ونظرهـ لـ فوق ويفكر فـ الليله هذي .. بعد 8 ساعات بـ الكثير راح يكون معاها بـ مكان واحد إثنينهم ولا معاهم ثالث .. كيف بيتحمل لسانها ..؟؟!! كيف بيتحمل كرهها له وكرهه لها ..؟؟!! كيف بيتحمل وجودها معاهـ بـ نفس المكان ..؟؟!! اهو وأهلهم كلهم موجودين معاهم بـ نفس المكان مايتحمل مو عاد بيتقفل عليهم جناح كامل ..!! إرتاح إنو جناح مو غرفه وينحكرون فيها إثنينهم .. ثم ساعتها ممكن يرتكب فيها جريمه من جد .. إنتبه لـ موبايله يدق .. رفع حاله من السرير وجلس وتنهد من قلب وخذا الموبايل وكان المتصل خالد وإنتهى الإتصال .. رجع يدق مرهـ ثانيه ..
حمد واهو يتكلم : آلوو ..
خالد : حمد وينك ..؟؟!! عماني وجدي يسألون عنك !!
حمد : شوي وجاي ..
خالد : ترا جدي إللي أكثر شيء يسأل عنك .. ومحرص علي إلا أقول لك تجي تجلس معاهـ شوي قبل لا نطلع للفندق ..
حمد : إن شاء الله ..
خالد : باي ..
حمد : بايات .. وقفل .. ونزل راسه للأرض .. "جدي يبيني .. أكيد يبي يعطيني نصايح شـ كثرها .. هذي حركت جدي مع كل أحفادهـ .. لكن أحفادهـ إللي تزوجوا قبلي كانوا يكنون لـ زوجاتهم 'إحترام , ود , وفي منهم عشق' .. لكن أـنا شـ أكن لها .. غير الكرهـ .. وتأديبها من جد وجديد .. آهـ '' وربي مو كاسر ظهري إلا خالتي .. إللي حسبالها أـنا وبنتها مبسوطين .. أـنا شـ إللي ذبحني إلا إحترام خالتي .. وعشان كذا خذيت بنتها إللي هانتني وذلتني عند الكل .. ومع هذا تحملت ووافقت أخذها .. آهـ '' يا هـ الإحترام .. إللي يجبر الواحد إنه مايغلط ولا يزعل الشخص نفسه ..
{ صادق .. الواحد لما يحترم شخص .. مستحيل يفكر مجرد تفكير يأذيه .. سوأ
بـ كلمه وإلا بـ فعل } فما بالكم بـ حمد إللي يحترم خالته الماسه وكأنها أمه .. ولا يقدر يأذي خالته إذا ترك بنتها .. { رفع راسه وتنهد وقال } يارب ريحني من إللي أـنا فيه .. وقف وناظر نفسه .. كان لابس بنطلون جينز بيج وتي شيرت بني .. دخل غرفة التبديل وخذا له للبس .. مايبي يقابل جدهـ وعمانه وخواله واهو كذا .. ولسا باقي له تبديلة الزواج .. تأفف .." شكل ليله طويل مع هـ الزواج .. يعني شـ فيها لو الواحد إذا كان كارهـ زوجته .. يدخل عليها بـ ملابسه العاديهـ ..؟!! إلا يعني الرسميات .. آفف ".. بعد ما إنتهى من التبديل .. ثوب وغترهـ .. خذا موبايله ومفتاح سيارته وطلع من جناحه .. وطلع من البيت كله .. متوجه للإستراحه لإنهم كانوا متواجدين هناك ..

بـ الإستراحه .. كانوا عائلة الـ (ــ) مجتمعه كلها .. صحيح ممو غرييب عليهم لإنهم على طوول واهم سوا .. لكن ذا الحين .. سعد وأولادهـ موجودين كلهم " راكان , زياد , نايف إللي جاي غصب عنه وكارهـ الجلسه .. أكيد بيكرها .. لإن مامعهم ناس ...... " ضيافه كامله من بيت أبو خالد ..
أبو سعد : سعد ياولدي ..؟؟
أبو راكان : سم يُبه ..
أبو سعد : طلبتك .. تجلس عندنا لـ يوم الجمعه ..!! { حاله الأبو يطلب من الولد يجلس عندهـ .. والله أولاد أخر زمن }
أبو راكان سكت شوي ثم قال : مالك إلا إللي يرضيك ..
أبو سعد إنبسط ... قال : بارك الله فيك ..
دخل عليهم حمد إللي ماتوقع إن خاله سعد موجود .. اهو متأكد الشباب راح يجون لـكن خاله شيء ماخطر فـ باله ..
حمد واهو يمشي لهم قال : السلام عليكم ..
الكل : وعليكم السلام ..
قام له خاله سعد ...
سلم على جدهـ .. وخاله سعد وباقي خواله وعمانه .. وجا عند أبو راشد .. وباس راسه .. " أكيد إحترام نفس باقي عمانه وخواله .. لكن الشباب مايفهمون "
من شافوهـ باس راس أبو راشد واهم يجلسون يصارخون ..
الرياجيل ضحكوا على تفكير الشباب .. كمل سلام على أولاد خاله ..
فواز : والله يابنت فهد ماتلعب ... مضبطتك عدل .. حتى أبوها قبل الزفه إلا تبوس راسه ..
حاتم : أكيد هذا تسليك للوضع ..
خالد يستهبل : ترا يجوز تبوسه كل دقيقه بوسه ..
كلهم : ههههههههههههههههههههههههههههههههههههههه
فارس يستهبل : أـنا خبري واجب .. مو جايز وبس ..
خالد يكمل : لا .. طوروا الدعوى أجل ..!!
تركي : أجل خالد قديم ..؟!
خالد : لا بـ الله جديد وبقوهـ ..
كلهم : هههههههههههههههههههههههههههههههههههههههههههه
حمد واهو يضحك على هبالهم : التسليك .. الحمدلله ربي مسلكنا .. والجايز والواجب .. حاصلين عليه من زمان ..
حاتم يعكس الكلام : سبحان الله ربي مسلكهم خلقه ..
ضحكوا عليه ..
حمد واهو يضحك : تفكيرك هـ الأـيام ما ادري شـ ففيه !!
حاتم يضحك من قلب على حمد ..
حمد ناظر ساعته بيشوف كم باقي على أذان المغرب عشان يروح يجهز .. مايبي يتأخر ...
راكان : ياهووووووووهـ .. يناظرون الساعه بعد ..!!
فواز : ياحرام .. الوقت يمشي بطيء ..
خالد : مانقدر نقدم الزفه ..؟؟
تركي : ليش ؟؟
خالد : عشان لايصير إنفجار بعد شوي .. ويخرب أبو الدنيا كلها ..
بدر : حمد خذ ساعتي .. ونظراً لـ حالتك .. ترا قدمتها لك 5 ساعات ..
كلهم : هههههههههههههههههههههههههههههههههههههههههههههههههه
حاتم : الله يعيننا بس ..
خالد : من جد .. ويعدي الساعات على خير .. قبل لا يصير إنفجار يأذي الكل ..
حمد واهو يضحك : مجرب الأخو .. ؟؟!!
خالد وبكل صراحه : أكيد والحمدلله عدت على خير من غير إنفجارات ..
أبو سعد واهو يوقف : حمد تعال معاي ..
الشباب صارخوا كلهم سوأ .. وإللي قال " ويله .. جدي بيسوي له إمتحان ,, دروس خصوصيه ,, مايحتاج ياجدي ترا حمد يعرف كل شيء ,, أـنا بجي معاهـ ,, حمد إحفظ الدروس عدل ....... وخذوا وخلوا من كلام الشباب " الرياجيل يضحكون على تفكير الشباب ..
حمد يناظر لهم واهو يمشي ورا جدهـ ويأشر لهم يعني ماعليه مردودهـ ..
دخلوا غرفه كبيرهـ فيها كنبات والغرفه آنيقه مرهـ .. أبو سعد واهو يجلس على الكنب قال : سكر الباب وتعال جنبي ..
حمد سكر الباب ومشى ليما وصل لـ جدهـ وجلس بـ جنبه ..
طبعاً الجد جلس ينصحه .. وإنه داخل على حياة جديدهـ مختلفه كُلياً عن حياته من قبل .. وإلا يتحمل ويصببر وجلس ينصح ويتكلم فـ أشياء كثير تخص المسؤوليه والزواج بـ وجه خاص .. وبعدها .. طلع من جيبه .. شيكين .. واحد بـ إسم خلود وواحد بـ إسم حمد ..
حمد واهو يبوس راس جدهـ : عساك سالم لنا طول العمر .. ماله داعي .. الخير كثير والحمدلله .. ولا ناقصنا شيء بـ وجودك ..
أبو سعد : هذي هديتك إنت وزوجتك مني أـنا وجدتك .. والهديه ماتنرد ..
حمد خذا الشيكين .. وقال : والله إن خيرك سابق .. يكفينا تكاليف الزواج كلها هديه منك ..
أبو سعد : الخير كثير والحمدلله .. واـنا قايل .. زواجات كل أحفادي وحفيداتي .. علي من حفلة الزواج إلـى شهر العسل .. ليش ماننعم عليكم بـ خيرنا ..
حمد يبوس إيد وراس جدهـ قال : عساك إنت وعماني وخوالي ذخر لنا طول العمر .. وعسانا مانقصر ناحيتكم بـ شيء ..
أبو سعد : إحنا مانبي منكم إلا طاعة ربي وإنكم تعيشون حياتكم مع زوجاتكم مبسوطين .. هذا إللي نرجيه من هـ الدنيا .. رضا الله ,, ومن ثم حياتكم تكون نعيم .. { كمل بـ حرص } لا أوصيك على ذكر الله .. لا تنساهـ مهما كانت الظروف ..
حمد : الله لاينسيناهـ و يساعدنا على ذكرهـ ويهدينا ..
أبو سعد : اللهم آمين .. مثل ماوصيتك يابوي .. { وقف ووقف حمد معاهـ }
حمد : لاتوصي حريص يُبه ..
أبو سعد واهو يسلم عليه : الله يوفقكم .. ويكتب لكم الخير بـ زواجكم هذذا ..
حمد : اللهم آمين ..
وطلعوا من الغرفه .. دخلوا نفس المجلس إللي الكل مجتمع فيه ..
هذا الشيء يسويه أبو سعد معاهم كلهم .. ولا يفرق بينهم .. كلهم نفس الشيء ومثل أولادهـ .. ويحمد ربه بـ داخله إن ربي مصلح حالهم وهاديههم .. وهذا يرجع لله ثم شدة أبو خالد عليهم .. إللي كل أباء العائله عاطينه الحريه بـ التصرف
فـ أولادهم .. لإنهم يعرفون أبو خالد عدل "كلمه منه بـ كل شيء تعدل إللي مايتعدل" مو عاد تربية أولاد أخوانه .. أكيد بيحافظ عليهم أكثر من عيونه .. وفعلاً هذا إللي اهم شايفينه .. الوحيد إللي مالحق على تربيته أبو خالد إللي اهو نايف ولد سعد .. إللي ندمان أبو خالد إنه لما كان يحتاج للمتابعه منه قد طلع ابو راكان للرياض .. وإلا راكان وزياد كانوا تحت نظر أبو خالد عشان كذا فرق كبيـــــــــــر بين الإثنين راكان وزياد وبين نايف .. أذن المغرب وطلعوا كلهم للجامع وصلوا هناك .. وبعد الصلاة كل واحد طلع لـ بيته يجهز .. لإن ابو خالد عاطي الكل وقت محدد يكونون كلهم
بـ قاعة الفندق بـ نفس هـ الوقت ولا أحد يتأخر ..