رواية معشوقي كلي معاك معاك حتى للهلاك

الجزء 43

بس الخفوق اللي تبيه ؟
[ الله ياصغـر الطلب ] !
ياصاحبي ..
لاتستحي من شيء ودك تكسبه .. !
لبيه .. ياعمري [ فدتك أهل الملامه والعتب ]
لبيه كثر إللي عشانك !!
كنت أضيفه '' واشطبه ..
يامن | لعبت بحسبة إللي محدن به قد لعب !
قل وش بقى بك ؟؟
مايفر العقل فر ويسلبه !!

اليوم الثاني وإهي تتكشخ .. وعيونها تناظرهـ من وقت لـ وقت .. كان يشتغل على اللاب .. ولابس نظارته ..
قالت بـ كل دلع على حيا : حتووومـي ..!
خفق قلبه بسرعه .. ناظرها وقال : آمريني ..!
تموت عليه .. وتعشق هـ الكلمه منه ..
تبسمت له ..
ناظرها وشايفها مفهيه فيه قال : قولي ..!
تلونت خدودها وإهي تناظرهـ قالت : نسيت ..!
تبسم وقال : حلوهـ هذي !!
ضحكت بـ حيا وقالت : آآمم '' تكلمت وناظرتني وتهت فيك ..
تبسم واهو ينزل نظارته على نص خشمه ويناظرها من فوق .. تمموووووووووت على هـ الحركه منه .. ذاااااااااابت ..
قال : وذا الحين افتكرتي .!! { يعرف إنها تذوب من حركته هذي .. وعملها لها .. }
مشت ووقفت قباله وإهي تحط إيدها على خصرها قالت : إلا تحوسني ..!
ضحك واهو يوقف ويتقدم لها قال بـ نبرهـ تذوبها زود : وإنتي ماتعرفين إنك تحوسين وضعي كله .. وتلخبطيني ..!
تلونت زود .. وإهي تمسك كفوفه وتشتغل فيهم وإهي تناظرهـ ..
رفع حاجب والنظارهـ بـ نص خشمه وعيونه واضحه من غير نظارهـ .. شافها كل مالها تذوب زود والخبصه واضحه عليها .. تركت إيديننه وفسخت نظارته ولبستها .. تخبل على شكلها بـ نظارته .. قرب وجهه من وجهها .. لامست خشمه .. قالت وإهي ترجع تمسك كفوفه .. وتضغط عليهم وتمسح عليهم وبصوت ذايب : لا تشتغل عندي وإنت لابس هـ النظارهـ .. ولا تناظرني كذا وإنت تشتغل .. وربي أضيـــــع .. { باست خدهـ وإهي تكمل بـ نفس الهمس } أـحبك ''
ترك خدهـ يلامس خدها واهو مسكر عيونه .. واجلوا زيارة وسن لـ بعد ساعتين .. ~_^

بـ المستشفى .. كان رااكان عندها ووضعها اليوم متحسن شوي ..
شافت مزاجه مو نفس أول .. او بـ الأصح .. تحسه متضايق من شيء لكن يحاول يكون طبيعي عشان لا تحس فيه ..
قال واهو يضحك : شفتي الحلوين اليوم ؟؟
تبسمت وقالت : يكفي اشوفك ..
ناظرها وقال بعد ثواني : خافي الله فيني .. لا تاخذين فيني ذنب .. ترا وضعنا مايساعد كلش ..
ماتوقعت كذا .. تلونت خدودها قالت : مو قصدي ..
ضحك وقال : أدري ..
ناظرته وقالت : شـ فيك ؟؟
ناظرها وقال : ولا شيء ..
وسن رفعت حاجب قالت : شنو إللي مضايقك ..؟؟ شنو إللي بهـ الدنيا ممكن يكدر خاطرك ..؟؟
تبسم لها بـ حُب وقال : لا تشغلين بالك ..
وسن : إذا ماشغلت بالي فيك .. في منو أجل ..!! قولي شنو فيه ..!؟ { تحس أهله ورا الموضوع }
كان بيتكلم ودق موبايله .. ناظر وسن وقال : ماعليه حياتي ثواني ..
وفتح الخط : آلوو ..
هوازن : أهلين أبو إثنين .. مبروووك قلبي ..
تبسم وقال : عاد ابو إثنين قويه .. ويبارك فيك وعقبالك إن شاء الله ..
هوازن : وكيفك وكيف وسن والحلوين ..؟؟
راكان : الحمدلله بخير كلنا .. إنتم كيفكم ؟؟
هوزان : بخير الحمدلله ..
رااكان : وكيف سارهـ ..؟؟
هوازن : تمام .. متحمسه لـ أطفالك .. أكثر من خالتي ميعاد ..
ضحك واهو يقول : ياقلبي عليها .. عاد ميعاد شيء ثاني ..
هوازن : من جد .. من عرفت وإهي زاعجتنا ..
راكان : إيوا وهـ الإزعاج مو مقبول عند غيرهم ..!!
سكتت هوازن ..
راكان : ترا عارف كل المووضوع ..
هوازن : شـ تسوي يعني ... خلاص عادي .. المهم .. كيف شكلهم ..؟؟
راكان واهو يتبسم عشان لايكدر خاطر أحد قال : يشبهون لي اـنا ووسن ...
ضحكت وقالت : حلاتهم أجل ..
رااكان : الله يرزقك إن شاء الله .. وبعدين شـ صار على موضوعه .. ترا من قلت لك إنو الولد ممتاز وإنتي ماتكلمتي عن المووضوع ..!!
هوازن : عطيناهم خبر بـ الموافقه .. وقالوا الخطوبه رسمي بـ أـيام العيد ..
تبسم وقال : الله يوفقك ويكتب لك خير في زواجك ..
هوزان تبسمت وقالت : إن شاء الله يارب .. أوكي ياحلو .. سلم على وسن وبارك لها وبوس لي الحلوين ..
راكان : إن شاء الله ..
هوازن : مع السلامه ..
راكان : مع السلامه .. ناظر وسن وقال : تسلم عليك هوازن ..
وسن : ربي يسلمها ..
راكان : وتبارك لك ..
وسن تبسمت وقالت : يبارك فيها ..
راكان : خطوبتها رسمي بـ العيد ..
وسن : الله يوفقها ..
راكان : آمين ..
وسن : ممكن لو سمحت تجلس معاي على السرير ..
رااكان بـ إستهبال : لو تبين أـنام معاك ترا ماعندي مانع ..!
ناظرته بـ تصغير عين .. تعرفه يسويها قالت : ركووون .. !!!
ضحك وجلس بـ جنبها .. قال : لبيه .. شـ بغيتي ياروحي ..
كانت إهي شبه جالسه .. وساندهـ ظهرها على المخاد إللي وراها على السرير ..
قالت : متولهه لـ راسك على صدري ..
قال يستهبل : لايكون مضيعه مبزرتك وبتبلشيني ..
ضحكت وإهي ماتبي تضحك عشان تعبها إللي فيها .. والآلم إللي باقي تحس فيه .. قالت : ركووووون .. !
ضحك وناظرها بـ حُب قال : واـنا متوله أكثر منك ..!
تبسمت وإهي تسند راسه على صدرها وتمسح عليه قال : لا يكون ناويه تطلعين لـ بيت عمي نفس باقي البنات .!!!
ضحكت وقالت وإهي بتحرق أعصابه : شيء أساسي .. وبعدين بدل الأربعين يوم راح أزيدها 50 يوم ..
قام مصدوم من على صدرها وناظرها قال واهو كأنوا عرف تفكيرها : في الـ 50 يوم هذي وإنتي عند أبوك لحقت أتزوج واشبع 50 يوم .. عاد إحسبي كم مرهـ بـ اليوم ..
ناظرته مصدومه قالت : لا ياشييييييييييييييخ !!
ناظرها واهو ماسك ضحكته قال : أجل بـ تتركيني 50 يوم وبـ أجلس أنتظرك .. لا حبيبتي .. أـنا بـ أشوف حياتي .. بـ أعيش يومي ..
قالت وإهي بترفع ضغطه : ياحياتي .. المهم تكون مرتاح نفسياً وعاطفياً وجسدياً .. ولو تبي بعد أـنا أتكفل بـ الزواج وتكاليف جهاز العروس ..
ناظرها واهو يبوس خدها : ياعُمري على الناس الكريمه .. فديت بنت عمي .. إيوا آبيك كذا على طوول ..
قالت : ماهو إنت تأمر أمر ياعُمري .. راحتك تهمني كثييييييييييييييييييييييييييير ..
ضحك وقال : راحتي معاااااااااااااااااااااااااااك وبسسسس .. { قرب وجهه منها وقال } فاهمتني ..!
ضحكت بـ خجل وقالت : شوف حياتي .. لما أطلع من المستشفى إذا أـنا أوكي على طوول للبيت .. إذا شوي تعبانه .. جلست في بيت أبوي أسبوع وبعدين طلعت لـ بيتنا ..
رااكان واهو يرجع يسند راسه على صدرها : واـنا معاك هنا وإلا هناك ..
ضحكت وقالت : هذا أحلى شيء .. أوكي .. قولي شـ فيك ؟؟؟ ركوني إحنا متعودين على الصراحه .. وإنو إنت ماتخش علي ولا أـنا أخش عليك ..
سكت شوي وتنهد قال : السالفه تخص ابوي ..
وسن مثل ماتوقعت قالت : عمي !! شـ صاير ؟؟؟
راكان واهو يتكلم بـ ضيق : آبد .. مابارك لي وداز لي مسج .. " لا تفرح فيهم .. إنت ما انصلح حالك مو عاد اهم بـ ينصلح !! ولا تتوقع أرضى عليك .. " أساساً كان ذاكر إسم وسن بـ المسج ولا حب يقولها عشان لاتتضايق وتحمل حالها الذنب يعرفها عدل { ياقلبي عليه }
قلبها يتقطع لما تسمع كلامه وضيقته .. سكتت شوي ماتوقعت كذا .. إلـى الآن .. طيب ليش يغضب عليه .. اهو ماعمل شيء حرام .. ماعمل شيء غلط ..!! عشانه رفض لا يطلقها !! .. تسألت ودموعها بـ عيونها .. عمها كيف يفكر !! شنو هـ القلب إللي عليه .. صحيح أبوها أقوى وأجبر لكن مستحيل يفكر كذا وإلا يتصرف كذا ..!!
مسحت على خدهـ بـ إيدها وقالت : حبيبي ولا تزعل .. وإذا على عمي إن شاء الله ينحل موضوعه .. إنت بس لا تتضايق .. إنت ماعملت شيء حرام وهذا أهم شيء .. يعني غضبه من غير معنى ..
مسك إيدها الثانيه واهو يبوسها قال : ما ادري متى بيتركوني أعيش حياتي من غير لا أنشغل في شيء منهم ..!
وسن : الحمدلله إنت عايش حياتك ومعاي ومثل ماتحب .. وإذا على التفكير إنسى ذا الحين .. وإتركنا في حلوينا الإثنين .. مابعد سميناهم ..!
ضحك واهو فعلاً من انذكر عندهـ توأمه ناسي الموضوع قال : بـ الله عليك .. كنتي تعرفين انهم توأم ..؟؟؟
وسن ضحكت وقالت : لا لإني منبهه الدكتورهـ ماتخبرني شنو نوعه .. وسمعت الكلام وإنصدمت بـ غرفة الولادهـ لما يطلعون واحد ورا الثاني ..
ضحك من قلب قال : أكيد قلتي يمكن أـنا أحلم !
ضحكت وقالت : وربي شكيت .. ! وبعدين لما إنتهينا من كل شيء فقدت الوعي شوي وصحيت وأكدوا لي الخبر ..
ضحك واهو يبوس إيدها قال : الله لايحرمني منك ..
وسن وإهي تبوس راسه : ولا منك حياتي ..
دخلت بهـ اللحظه هنادي . . أول الزائرين .. إنصدمت وإهي ترجع قالت : شكلي غلطانه ..!!
وسن وراكان : ههههههههههههههههههه
وسن : هبلا تعالي ..
قام راكان من عند وسن .. وناظرها قال : أـنا برا .. أكيد الكل راح يجي لك .. إذا طلعوا دخلت لك ...
تبسمت له وقالت : أنتظرك ..
تبسم لها وارسل لها بوسه وطلع .. وكان ياسر برا جالس ..
هنادي : هههههههههههههههههههه .. والله انكم فلته .. حتى بـ المستشفى ..
ضحكت وسن وإهي تتعدل على خفيف بـ السرير .. قالت : هذا إللي إنتي تبينه ..
ضحكت وسلمت عليها وتحمدت لها بـ السلامه قالت : ها كيف وضعك ؟؟
وسن : تمام الحمدلله ..
هنادي : باقي الآم اوجاع ماغص !! شيء كذا كذا ..!!
تبسمت بـ تعب وقالت : أكيد لابد من هذي أسبوع بـ أكمله ..
هنادي : يُمه خرعتيني ..
وسن : أخر من يتخرع إنتي ..
هنادي : هههههههههههههههههههههه .. عارفتني ..
إبتدوا يجون لها باقي بنات وحريم العائله ..
واجتمعوا كلهم عندها .. والشباب برا جالسين بـ الإنتظار ..
جابوا لهم الأطفال .. تخبلوا عليهم . . من جد يهبلون ..
راكان واهو يراويهم الشباب ..
بدر : امشششششششش ,, والله إنتم ماتلعبون من جد ..
ياسر : هذيل الإثنين كانوا في بطن واحد ..؟؟
وسام : مرهـ مو نفس الباقين .. يعني حجمهم كبير شوي . . كيف تحملتهم في بطنها !!
راكان : إسم الله عليها .. إذكروا الله ..
كلهم : ما شاء الله ..
فيصل : راكان لا يكون طاقينهم بـ إبر تنفخهم ..!
راكان : إسم الله عليهم .. طبيعي بلا إبر بلا هم ..
بدر : إيوا .. هذا أـنا من عرفت سالفة الوحم على راكان وإنها عاشقته بـ زيادهـ
بـ الحمال والشوكلاتات .. وأـنا عارف إنهم غير ..
ياسر : يارجُل بيطلعون خكاريه .. من الشوكلاتات إللي كانوا ماخذينها بـ فترة الحمال ..
فيصل : صح الشوكلاته للخكاريه .. { أبو التفكير .. عشان يرفعون ضغط راكان }
راكان : خكاريه .. دفووش .. إللي يجون .. أتحدى اي واحد يسوي نفسهم .. الله يحفظهم لنا بس ..
عزام ناظر بدر قال : مالت عليك وعلى شلتك ..
بدر واهو يضحك : من جد مالت علينا ..
الحريم طلعوا لهم ..
خالد : شفتوا حلوينهم ..؟
أم سعود : هذيل مأكد لهم بـ الجمال من ذا الحين .. إذا الأم وسن والأبو راكان .. واهم من صغار أشكالهم كذا ..
فواز : من جد مأكد لهم بـ الجمال ..
أم راشد : الله يحفظهم لك ..
راكان : آمين يارب ..
أم فارس : شـ أسمائهم ؟؟
راكان : لسا مافكرنا ..
بدر : المفروض من لما حملت متفقين !!
راكان : كنا متفقين .. لكن لما جا إثنين إنقلبت الموازين .. فـ بـ نجلس مرهـ ثانيه نتفق إن شاء الله ..
ياسر : مالت .. إسمع .. يجلسون ويتفقون .. مو إسم الأول بـ جهه والثاني بـ وادي والبنت عاطيه الصحرا ..
كلهم : هههههههههههههههههههههههههههههههه
بدر : ياخي أـنا 3 .. شلون أجمع أسماء مُتناسبه .. صعب ..
راكان واهو يضحك : قلت لك .. إنبوب و إنبوبه .......
كلهم : ههههههههههههههههههههههههههههه
بدر : المرهـ الجايه إن شاء الله ..
كانوا يناظرونهم واهم نايمين ..
كانت أشكال صغار وسن وراكان " عيون واسعه وخشم صغير واضح من تشكيلته على خشم وسن .. والفم صغيــــــــــر مرهـ وغاطس جوا .. والوجه تشكيلته حلوهـ والخدود منفوخه .. والشعر ناااااااعم وكثيف ولونه أسود مو خالص .. ولون بشرتهم أبيض .. "
راكان : هيه إنت وياهـ .. بلا نظرات على بنتي ..
فواز : هاها .. أزعجنا ..
بدر : ترا ما راح ننط عليها ..
رااكان : والله من شاف نظراتكم عرف شـ ناوين عليه .. ماعليكم إلا من الولد وبس ..
ياسر : ياليل من هـ التعقيد ..
وسام : راكان شـ رآيك تلبسها لثمه من ذا الحين ..!
رااكان : ودي لكن أخاف تجذبهم أكثر .. تعرف العيون ذباحه ..
الحريم : هههههههههههههههههههههههههههههه
راكان ضحك ..
حاتم : ما شاء الله .. من جد ينخاف عليهم ..
راكان : هذا النسيب الصح ..
حاتم : ههههههههههههههه ..
أم سعود : عشانهم يشبهون لهم راح يقول ما شاء الله ..
عزام : صح ماخذين منهم كثير ..
بدر واهو يناظر راكان : يـ الوسخ أثاريك طايح وله في البنت وقت حمالها ..
كلهم : ههههههههههههههههههههههههههههههههههههه
أم راشد واهي تضحك : ماتشوف الشبه أكثر شيء لـ وسن ..
راكان : ياهووووووووووهـ .. لا تجيبون طاريها عند الشباب ..
أم راشد سكرت على فمها قالت : والله نسيت ..
سعود : راكان صحهم .. بـ نشوف لون عيونهم ..!
بدر : أـنا متأكد لون عيونهم تفاحي ..
كلهم : ههههههههههههههههههههههههههههه
ياسر : يمكن لون غريب ..
راكان : تحلمون تشوفون لون عيونهم ..
جا لهم أبو طلال مع زوجته ..
وقفوا له يسلمون .. ثواني إلا ابو خالد جاي لهم ..
بدر : ما شاء الله خالي ورا عمه ..
الشباب : ههههههههههههههههههه
دخلوا أبو طلال مع أبو خالد لـ وسن .. وسلموا عليها وتحمدوا لها بـ السلامه وشافوا أطفالهم ..
أبو خالد يشيل واحد ويترك الثاني ويترك إللي شاله ويشيل الأول ..
خالد : راكان ترا تعبت أبوي إنت ومبزرتك ..
رااكان : مامنهم تعب ..
أبو خالد يسمي عليهم ويذكر الله .. ماتوقع أشكالهم كذا .. من جد يدخلون للقلب على طوول .. رجعوهم للحضانه على ماتطلع أمهم من المستشفى ويطلعون معاها ..
وسن مسجت لـ أبوها تبيه بـ موضوع لما يطلعون كلهم ..
طلعت أم خالد قالت : ما راح تروح ؟
أبو خالد : بـ أجلس شوي ..
أم خالد : أوكي بـ أطلع مع سايق ابوي ..
أبو خالد : أوكي ..
طلعت وطلعوا كلهم عدأ أبو خالد .. وراكان إللي كان طالع مع تركي يتشمون شوي ..
دخل لها وجلس عندها قال : شـ بغيتي يابابا ؟؟
وسن : عمي سعد إتصل فيك ؟؟
أبو خالد إستغرب قال : لا .. ليش ؟؟
وسن : يُبه حالته مع راكاان لا تُطاق .. أخر شيء مسج له ويقول لا تفرح في أولادك إنت ما أنصلح حالك عشان ينصلح حالهم .. وترا ما راح أرضى عليك نهائياً ..
أبو خالد : يارب لا نسألك إلا العفو .. هذا شـ يبي بـ الضبط ..؟؟
وسن وإهي ماسكه نفسها لاتبكي عند أبوها : يُبه الله يخليك شوف حل معاهـ .. وربي مو حاله .. مهما كان ولدهـ .. ليش يسوي كذا .. رااكان مستحيل يضر احد ..
أبوها : أعرف ياروحي .. ويمكن أـنا اعرف راكان أكثر منه .. بس عمك يسوي هذا طلب من عمه محمد .. عشان راكاان ماوقف مع خالاته ضدك ..
وسن : يـ الله من هـ السالفه إللي ماراح تنسى .. خلاص .. اهم إبتدوا ويتحملون إللي يجيي لهم .. اـنا المسؤوله في هذا كله .. عندهم شيء يجون لي اـنا مو راكان ..
أبوها : لا يابابا لا تقولين كذا .. هذا محمد إذا حقد خلاص .. وحقد على راكان وإنتهى الموضوع بـ النسبه له .. أـنا لو الموضوع موقف على سعد كان حليته ومن زمان .. لكن محمد مالي علاقه فيه .. اضبط عمك من جهه ويجي محمد يحوسه من جهه ثانيه ..
وسن : يعني مافي حل !!
أبو خالد : إن شاء الله في .. وربي يهدي عمك سعد .. حالياً ما اقدر اسوي شيء ..
وسن : يُبه حاول تُكفى ..
أبو خالد : يابنتي أتصل فيه واعطيه كم كلمه .. طيب اقتنع يومين وبعدين إنقلب حاله .. محمد متحكم في عمك ..
وسن سكتت .. إلا تسوي شيء .. صعب عليها تترك الوضع كذا . . عمها مايعرف إنو هجر المسلم للمسلم فوق ثلاث ليالي حراااااااااام .. كيف أبو يهجر ولدهـ إللي ماله ذنب ولا أخطى في شيء ..!!!!!!!!!!!!!!!
حط إيدهـ على راسها قال : بابا لا تشغلين بالك في السالفه هذي الفترهـ الجايه .. صدقيني كل شيء وبينحل لكن يبي لنا وقت ..
وسن حركت راسها بـ الموافقه .. صعب ماتشغل بالها بـ التفكير في شيء يخص راكان .. تنسى الدنيا كلها إلا راكان والتفكير في إللي يخصه ..
قال : محتاجه شيء قبل أطلع ..؟؟
وسن وإهي تتبسم له عشان لاينشغل باله عليها واهو بـ البيت : سلامتك حبيبي ..
أبوها باس راسها وقال : الله يسلمك .. إنتبهي لـ نفسك .. مع السلامه ..
وسن : مع السلامه ..
أبو خالد قابل راكان عند الباب .. رااكان تفاجأ .. عمه باقي هنا للوقت هذا !!
أبو خالد : بـ تجلس هنا ؟؟
راكان : للساعه 3 واطلع إن شاء الله ..
أبو خالد : أجل مع السلامه ..
راكان : مع السلامه ..
ودخل لـ وسن وقضى ساعتين معااها سواليف وضحك وبعدين طلع على الساعه 3 واهو ماودهـ يطلع .. لكن غصب من وسن طلع .. عشان ياكل له شيء قبل الأذان ..