رواية معشوقي كلي معاك معاك حتى للهلاك

الجزء 34

" خلاص ياروح وائل لا تبكين .. منهو هذا حاتم إللي طالع لنا بعد !!؟ "
هوازن : وائل بكيفه كل شيء .. مغرور ' شايف حاله ' ولا معطي أحد وجه ..
وائل : أكرهـ الناس إللي مثل كذا .. وزاد كرهي لإنو بياخذك ..
هوازن زاد بكاها قالت : وائل أـنا ما آبي إلا أنت ..
وائل واهو نصاب مابعُمرهـ فكر فيها كـ زوجه .. لاتتعدى حدود الخويه قال : واـنا ما آبي غيرك ..
هوازن ويزداد حقدهـا : أكرهه واكرهـ عمي سلطان واكرهـ بنته وأكرهم كلهم ..
وائل : خلاص لاتبكين ..
هوازن : وائل الزواج يوم الخميس ..
وائل إنصدم قال : خير ..؟؟
هوازن : والله إتخيل .. وأهلي موافقين وبكل سرعه ..
وائل فـ خاطرهـ شنو هذا .. إللي حتى الأهل ما اعترضوا علىى كلامه قال : كبير ؟؟
هوازن : شـ عرفني عن الزفت ..!
وائل : أقصد يعني عُمرهـ تقريباً كم ..؟؟
هوازن : أتوقع قد أخوي زياد ..
وائل إنصدم : ويقدر يقنع الكل بـ قرارهـ .. !!؟ صراحه توقعته متزوج من قبل وإنتي الثانيه .. إذا قرارته ماتنرفض ..!
هوازن : هذا حاتم نفس أبوهـ إللي يبيه يوصل له ولا أحد يقدر يوقف بـ وجهه ..
كأنه خاف شوي .. لكن قال كيف بيعرف إني أكلمها .. خل أطقطق عليها .. ويصير بعد الزواج أقدر أقابلها ولا أحد يشك لإنها راح تكون متزوجه ووضعها عادي .. قال : بـ الرياض ؟؟
هوازن : ساكن بـ الرياض موقتاً ..
وائل : أـهآ .. وبطبعه قدر ينسيها حاتم بـ أنواع الحقارهـ بـ الكلام ..

بعد يومين .. حاتم شاف إنو أبوهـ مايتكلم معاهـ في شيء .. ولا حب الوضع بينهم يتأزم أكثر من كذا .. بعد صلاة العشاء وبعد مارجع أبوهـ من الشركه .. حصله جاالس بـ المكتب الكبير ويشتغل ..
دق الباب وسمح له بـ الدخول ..
وقف حاتم قبال طاولة أبوهـ وقال : يُبه لـ متى وإنت ماتكلمني ..!
أبوهـ ناظرهـ ورجع يناظر الورق وقال : مافي شيء ممكن نتكلم فيه ..!
حاتم حز بـ خاطرهـ قال : الله يـ يُبه ذا الحين ولدك حاتم ماصار بينكم مواضيع تتكلمون فيها !!
لاحظ من نبرته إنو خذا بـ خاطرهـ قال : حاتم ولدي سوا اهم موضوع ممكن يفرحني من وراي ولا فكر في إنو ممكن يصير بيننا شيء نتكلم فيه ..!!
حاتم تقدم له ووقف فوق راسه وقال : يُبه .. زواجي بكرهـ .. وما آبي أبدأ حياة جديدهـ من قبل لا تكون راضي علي .. { نصاب ماهمه توفيقه فـ حياته الجديدهـ لإنو ناهي الموضوع أكثر من همه رضى أبوهـ عليه }
أبوهـ واهو يشتغل : الله يوفقك ..
حاتم : لا يـ أبو خالد .. هذي إللي ماتعودتها منك .. تكون متجاهلني وتطلع دعوتك مو من قلب ..!
رفع نظرهـ له وقال بـ نبرة ضيق : إللي سويته كبير يـ أبوي !!
باس راس أبوهـ وإيدهـ وقال : صدقني كل شيء صار غصب ..
أبوهـ : شـ إللي يجبر حاتم ولد سُلطان يسوي شيء غصب عليه .. !! قولي واـنا أتصرف ..
حاتم ماحب يوضح لـ أبوهـ .. إللي فيه كافيه .. كيف يقوله بنت أخوك تخوننا كلنا .. تخون إسم عائلتنا وتشهر فيه قال : إنسى يُبه .. واـنا ماهمني بهـ الدنيا إلا رضاك ..
شايف ولدهـ متغير مرهـ .. واضح الهم عليه قال بكل حنان : أبوي قلي شـ فيك ..! لا تشيل الهم بـ روحك .. خلني على الأقل أشاركك فيه ..
حاتم حاول يبعد عن ضغط أبوهـ مابعمرهـ تكلم لـ أحد عن إللي مضايقه وإلا إللي بداخله سوأ مشاعر حُب وإلا هم شايله قال : كل أموري اعرف أمشيها عدل .. أضرب واعدل وأشيل وتمشي أموري .. لا تشيل همي الله يطولي بـ عمرك .. المهم إني بـ صحه وعافيه ..
قال بحنان الأبو : شـ تفيد الصحه يابوي إذا الواحد شايل هم ..!
حاتم بـ آلم يخفيه : يُبه طلبتك لا تضغط علي .. أـنا جايك طالب رضاك .. وياليتك يـ تاج راسي ماتردني .. !
أبوهـ قام له وقال واهو يحط إيدهـ على كتف حاتم : ماعاش من يردك ياولدي .. روح جعل التوفيق ممشاك ..
حاتم باس إيد أبوهـ وراسه وقال : عساك ذخر لنا دايم ..
أبو خالد : ويخليكم لنا إن شاء الله .. طلع من عندهـ حاتم واهو يناظر ولدهـ إللي تغير فجأهـ .. اهو يعرف إنو حاتم مستحيل يتكلم في شيء .. لكن يبي يعرف شـ فيه ولدهـ وكأنوا شايل هموم الدنيا بـ داخله ..