بعد زواج سعود بـ أسبوع ..
فواز : سُلطان عندهـ أحد ؟؟
السكيرتير : ينتظرك .. تفصل ..
دخل فواز لـ أخوهـ لإنه طالبه .. سُلطان وقف يسلم على أصغر إخوانه ..
فواز : خير ترا جيت لك واـنا ما أدري شـ السالفه ..؟؟
سُلطان : كل خير إن شاء الله .. بس لحظه أنهي الأوراق إللي معاي بعدين أتكلم معاك ..
فواز : خذ راحتك .. بعد عشر دقايق سكر القلم أبو خالد ووقام من مكانه وجلس قبال فواز وقال : شـ رآيك في دارين بنت عمي ؟؟؟
فواز : منو دارين ؟؟ { مايعرفها الأخو }
سُلطان : دارين بنت عمي عبدالعزيز أخت جوهرهـ وعزام ..
بكذا عرفها فواز قال : إيوا .. طيب .. شـ فيها ؟؟
سُلطان : شـ رآيك فيها ؟؟
فواز بلا إهتمام : بـ سلامتها .. ما اعرفها إلا لما قلت لي إنها إخت جوهرهـ وعزام ..
سُلطان : فواز مابي تتنيحك عندي ..
فواز : ما ادري عن إيش تتكلم ..!!
سُلطان : شـ رآيك تتقدم لها ..؟؟
فواز : لا ياشيخ .. مستحيل ..
سُلطان : وليش إن شاء الله ؟؟
فواز : إنت تعرف ليش !!
سُلطان : فواز .. كل الناس مو مثل طليقتك الله يستر عليها .. شوف أـنا مع إنو سفري للخارج كثير جوهرهـ مابعمرها تكلمت عن شيء لإنها غير عن طليقتك .. شوف إختها بدور زوجها نفس الشيء سفرهـ كثير ولا تكلمت .. لإنهم مقتنعين إنو سفر عمل وواثقين .. يعني أكيد تربيتهم وحدهـ .. ودارين تعرف إنك دكتور وشيء طبيعي يمر عليك بنات شـ كثر .. وما راح تكون اردى من خواتها ..
فواز ساكت ..
سُلطان : إنت قول .. شـ رآيك في جوهرهـ ؟؟
فواز : ونعم والله ..
سُلطان : صدقني كل خواتها مثلها ..
فواز : تتوقع عمي عبدالعزيز يوافق ؟؟
سُلطان إستغرب : وليش مايوافق ؟؟
فواز : أولاً .. شوف كم عمري .. ثانياً .. سبق لي وطلقت .. يعني الوضع صعب ..
سُلطان : فواز .. العمر عادي 35 سنه مافي شيء .. والطلاق ربي ماكتب نصيب لك بـ اول زواج .. وبعدين عمي تفكيرهـ أكبر من كذا ..
فواز : واثق !!
سُلطان : أـنا أعرف تفكير عمي .. عمي يشتري رياجيل ...
فواز : ما ادري ..!!
سُلطان : شوف .. أبوي موكلني على موضوعك .. وقالي شوف إذا في باله أحد .. وأـنا عارف إنك مستحيل تكون مفكر في أحد .. فـ رشحت لك دارين ..
فواز : سُلطان .. أـنا ما اعرف شيء عن البنت .. حتى ماكنت ادري إن عمي عندهـ بنت غير جوهرهـ وبدور .. يعني أول مرهـ اسمع عنها ..
سُلطان : خذ مني كلمه .. دارين نفس خواتها .. وإذا على إنك ماتعرفها .. فـ إهي عمرها مابين 23 و 24 .. ومنتهيه من دراسة جامعه تخصص إنجليزي وكأني سمعت من جوهرهـ إنها بتكمل ماجستير .. وإذا على الشكل .. شوفها بـ وقت الخطوبه .. وإنتهينا ...
فواز إلللي ماهمه إلا الدراسه : كملت ماجستير وإلا باقي ؟؟
سُلطان : هذا قبل شهرين جوهرهـ تقول بتكمل لكن ما ادري إذا إبتدت وإلا لا ..
فواز : طيب وين بتكمل ؟؟
سُلطان : فواز الله يرضالي عليك ما أدري بـ الضبط ..
فواز سكت ..
سُلطان : شـ قلت ؟؟ لا توقف عند تجربه وحدهـ .. هذا وإنت دكتور وفاهم ..
فواز : أبوي وامي موافقين عليها ..؟؟
سُلطان : ذا الحين أبوي قال إذا كان حاط في باله أحد .. يعني بيرفضون عند دارين ..!!
فواز محتار : ما ادري ..
سُلطان : يارجُل توكل على ربي .. وصدقني ماراح تندم ..
فواز : إنت ما أحد ياخذ شهادتك في عائلة عمي عبدالعزيز .. لإنها مجروحه فيهم ..
سُلطان : ههههههههههههههههههههههههههههههههههه .. لا والله مو عشان جوهرهـ .. الحق ينقال .. وبعدين ترا جوهرهـ ماعندها خبر ..
أنت تقرأ
رواية معشوقي كلي معاك معاك حتى للهلاك
Roman d'amour• رواية معشوقي كلي معاك معاك حتى للهلاك • رواية منقولة للكاتبة: روح توأمين ( سنة 2009 ) • تدور أحداث القصة في حدود العائلة
