رواية معشوقي كلي معاك معاك حتى للهلاك

الجزء 26

ناوي يطلع يجيب عشاء من برا .. لبس ملابسه وطلع من جناحه ووقف قبال جناحها وكان ناوي يدق الباب .. سمع صوت بكاها وواضح تبكي من قهر لإن بكاها من قلب وبصوت مسموع .. إنصدم .. هذي شـ فيها ..؟!! تردد يدق عليها وإلا يتركها .. اهو ماسوا لها شيء .. ما قال لها شيء يجرحها .. ليش تبكي ..!! عشاني قلت لها تجلس معاي !! .. مو معقوله .. مالحقت ابدل ملابسي إلا إهي بـ غرفتها وتصيح .. تعذب زود .. وتمنى إنو جلس بـ غرفته ولا طلع لـ جناحها .. رجع
لـ جناحه وسكر الباب وراهـ واهو مذهول مايدري شـ فيه ..!! دخل غرفته وجلس على السرير واهو تفكيرهـ في خلود وبكاها .. ماهو قادر يتحمل هـ العذاب بروحه .. الأهل حسبالهم إنهم عايشين حياتهم مبسوطين .. خاطرهـ يصرخ من إلللي مخبيه داخله من شهور .. من قبل ملكته واهو مودع حمد الأول .. يجلس , يقوم , ينام , يصحى على التفكير بهـ الهم إللي فيه .. تمدد على السرير وإرجوله برا السرير .. مايدري كيف يرتاح .. !!

" هلا والللللللللللللللللللللللللللله .. تو مانوووووووووووووووور المكااااااااان " هذي هنادي ترحب فـ زيزفون ..
زيزفون : أهلين فيك قلبي .. كيفك ؟؟
هنادي تقلد صوتها ونعومتها : بخير الله يسلمك قلبي ..
وسن تطق هنادي : بعدي عن البنت .. بلا هبال .. البنت ماهي نفسك داجه ..
هنادي تضرب على صدرها من الصدمه : أـنا داجه يـ الداجه الثانيه ..!
الجوري وإهي تسلم عليها : ماعليك ياغناتي لا تهتمي لـ هنادي وكلامها .. ترا إهي كذا على طوول بعد الساعه 8 الليل عندها شيء يفصل بـ راسها .. ووقتها قولي على الدنيا السلام ..
زيزفون : هههههههههههههههههه ..
هنادي بتقهر الجوري : زيزفون عادي اخطبك حق واحد يصير لي .. صراحه اهو متزوج لكن زوجته غثيثه ومايعه ..
وتين إللي إنبسطت للسالفه : منهي .. ؟؟هاهاها ..وتناظر الجوري وتحرك حواجبها ..
هنادي : ياختي خالد .. مسكين .. تزوج وربي نحسه بهـ الزواج ..
الجوري إللي نطت عيونها من الكلام إللي تسمعه ..
وتين يقال إنها مصدومه : خالد ..
الجوري تناظر وتين ومبسوطه إنو أحد بيوقف معاها ..
هنادي : ليش عندك مانع ..!!
وتين : إلا تستاهل زيزفون خالد .. صراحه خالد مايصلح له إلا وحدهـ نفس ززيزفون ..
الجوري شوي وتنط تقتل هنادي ووتين : نحيسات .. عبيطات .. لا تكلموني ..
كلهم : هههههههههههههههههههههههههههههههههههه
هنادي : ياروحي إنتي .. لاتزعلين ..
وتين : صح لا تزعلين ..
هنادي : صح الحق حق ..
الجوري ناظرتهم ..
هنادي : نضحك عليك ..
الجوري : حتى إذا ماتضحكين .. أـنا أعرف خلودي { نطقت إسمه بكل نعومه }
هنادي : ويل خلودي على إللي بيجيه إذا سمع مياعتك هذي ..
وتين تسأل هنادي : مجربه ؟؟
هنادي : لا بس عندي إحساس ...
وتين : أجل إتركي إحساسك لك ..
وسن : أقول .. مطولين واقفين ..!!
الجوري تاخذ زيزفون معاها إهي ووسن وباقي البنات للصاله ..

وقف عند باب جناحها .. وكان متردد .. يحس إنو لو دخل ممكن شيء من الإثنين .. يـ إنو بتنتهي حياتهم عند هـ الموقف .. وإلا بيصير كل شيء أوكي ..
فتح الباب ولـ حُسن الحظ كان مو مقفل .. بس مسكرهـ الباب .. وباقي تبكي ..
دز الباب خفيف ودخل بهيبته .. ريحة عطرها منتشرهـ بـ المكان .. أشتاااااااق لها .. خاطرهـ يشيل تفكيرها الغبي .. خاطرهـ يحنن قلبها .. دخوله لـ جناحها حرك ألف شيء وشيء فيه .. هزهـ كله .. استنزفت جروح غير جروحه المستنزفه خلقه .. ناظر الغرفه وكانت خلود جالسه على الكنبه ومنزله راسها على إيدينها وإيدينها حاضنه فيها إرجولها وتبكي من قلب . . وشعرها مغطي إيدينها .. تقدم لها من غير لا تحس وبكل حنان على شكلها إللي يقطع القلب نطق : خلود ..
خلود تتوقع يتخيل لها وإلا حمد شـ يجيبه عندها . . شـ يبي فيها .. !! رفعت راسها وتفرق شعرها ووضح وجهها .. شافت حمد واقف قبالها .. ماتوقعت الشيء هذا .. زاد بكاها لما شافته .. مد إيدهـ لها .. يـ إنها بتجي له وإلا بتقلعه برا حياتها كلها ... !!
من غير شعور نطقت إسمه وكأنها تستنجد فيه : حـ .. حمـد .. من بكاها .. وراحت تمشي له .. م***ا من إيدينها واهو يناظر فيها تبكي من قلب قال بكل حنان :
شـ فيك ياقلبي ؟؟
خلود إللي محتاجه حضن يحويها ويشيل همومها عنها .. وجهها بين إيدينه ويسألها واهو واضح عليه الحزن .. : حياتي في شيء مضايقك ..؟؟
خلود إللي عندها إنها تبكي ... تتمنى تقدر تتكلم وتصفي نففوسهم .. وتعيش معاهـ ماتبي إلا اهو .. حاوطها بـ إيدهـ من ورا ظهرها ,, حضنها كلها له .. وراسها على صدرهـ .. وكأنها ماصدقت وزادت جروحها ... محتاجه هـ الحضن .. تبيه معاها على طول .. حمد يمسح على شعرها واهو يتنفسها .. بين إيدينه وحاضنها حاول يداري همومه وجروحه لاينهار ذا الحين .. رفع راسه يناجي ربه .. يارب ريحني وريحها ..
خلود منهارهـ ماهي حاسه فـ أحد ..