رواية معشوقي كلي معاك معاك حتى للهلاك

الجزء 19

مر الأسبوع الأخير من الإمتحانات ولا أحلى ..

حمد من بعد ملكته ع خلود تحديد الزواج وإللي صار بينهم فـ الملكه واهو كارهـ حاله وكارهـ الدنيا كلها .. من هـ البنت إللي ماتربت .. وكل ليل واهو يفكر قبل لا ينام بـ المصيبه إللي طيح حاله فيها عشان خاطر خالته .. واضح إن خلود قويه وعنيدهـ .. لكن لابد لها نقطة ضعف وأـنا إللي بـ افهمها إن الله حق .. بدل هـ اللسان والأخلاق الزفت .. ولو إستلزم الأمر إني أربي فيها من جديد .. ذا الحين عذر تركي ع خنايقه لـ وتين .. من جد مايحس بـ النار إلا واطيها .. خلود أقوى من وتين .. أعند منها بـكثيـــــــــر .. لكن موع حمد يابنت فهد .. والله لو منو تكونين .. لـ أفهمك منو حمد من جد .. وإذا بس قالوا حمد توقفين له بس من ذكور إسمه ..

خلود شـ أقول عنها .. قالبه الدنيا فوق تحت .. لكن من تشوف أمها تهجد .. وكارهه حمد وإللي خلف حمد وإلللي قربها من حمد وتفكر فـ اي شيء ينهيه بـ المرهـ
{ لما اقول إنها متخلفه أكون صادقه }

يوم السبت .. يوم نتائج وسن ووتين وروزان ووسام ..
طبعاً وسن ووتين وروزان توصل لهم كم خذوا بـ الإمتحان بـ نفس اليوم .. { الله يخلي أم وسن إللي بـ المدرسه ووسن ووتين عارفين نتائجهم من قبل لا تطلع والحمدلله مذاكرتهم ما راحت خسارهـ } وسام نفس الشيء .. لكن ينتظرون توزيع الشهادات ..

فـ مكتب ابو خالد كان يكلم أخوهـ سعد بـ الموبايل ..
سعد : والله ما اقدر ياخوي أسمح لي ..
أبو خالد إللي مقدر وضع أخوهـ ومقهور عشانه ومع هذا ساكت يقول أخوي وحياته اهو حر فيها قال : مسموح ياخوي .. طيب شوف راكان وزياد ..
أبو راكان إللي يعرف كبر قلب أخوهـ سُلطان ومستحيل يشيل عليه واكيد مقدر وضعه قال : أكيد بيجون لكم ..
أبو خالد : أـنا بـ اتصل في راكان وزياد ..
أبو راكان :هذيل أولادك مثل ما اهم أولادي ..
أبو خالد : مافي شك .. طيب سلم لي ع عمك ..
أبو راكان : إن شاء الله وإنت سلم لي ع ابوي وامي وتسامح لي منهم ترا اـنا مشغول هـ الأيام ..
أبو خالد : لا تشيل همم .. اهم يعرفون إنك مشغول ... يلا مع السلامه ..
أبو راكان : بحفظه وقفل ..
أبو خالد إتصل فـ رااكان ..
رااكان واهو جالس بـ مكتبه مشغول ع اللاب توب يشتغل .. دق موبايله ومد إيدهـ وخذاهـ من غير لا يقرأ الإسم ورد : آلوو...
أبو خالد : السلام عليكم ..
راكان إنصدم .. صوت عمه .. مابعمرهـ إتصل فيه شخصياً .. وبـ داخله 'ياكبرها سُلطان فارس متصل فيني' الولد شك فـ نفسه لا يكون مسوي شيء من غير لا يعرف وواصل الخبر لـ عمه .. عشان يتأكد ناظر شاشة الموبايل .. فعلاً عمه .. رد واهو مرتبك : وو .. وعليكم السلام .. هلا والله بـ عمي .. { لزوم الترحيب } ~_^
أبو خالد إللي ماعجبه إرتباك راكان .. مايدري إنو عامل توتر وإرتباك للكل من ذكر الإسم بس مو إتصال قال : هلا فيك ابوي .. كيف حالك ؟؟
راكان واهو يحاول يخفف من إرتباكه : بخير والحمدلله .. بشرني عنك ؟؟
أبو خالد : الحمدلله بخيـر ونعمه .. وكيفهم أهلك ؟؟
راكان : كلهم بخير ..
ابو خالد : والشغل معاك ..؟؟
راكان شك إن فيه شيء . . لايكون بيقول مالك خطيبه عندي قال : الحمدلله ماشي ..
أبو خالد : الحمدلله .. راكان ..؟؟
راكان إللي بلع العافيه .. مو العافيه وبس .. إلا طاح قلبه فـ بطنه قال : سم ..
أبو خالد : سم الله عدوك .. بكرهـ عندنا طلعه للنعيريهـ .. تعرف لسا منتهين من الإمتحانات وحبينا نسويها نزهه للنعيريه .. وابوك أعتذر عن هـ الطلعه .. وآبيك تجي إنت واخوك زياد ..
راكان إللي كأن أحد منعشه من جديد .. إرتاح لإن السالفه مو مثل ماتوقع قال : تأكد إننا أول الحضور إن شاء الله ..
أبوخالد إللي إرتاح .. لإنو أبوهـ راح يرتاح إذا شاف أولاد سعد قال : بارك الله فيك .. لا تنسى وزياد معاك ..
راكان : لا توصي ياعمي ..
أبو خالد : محتاج شيء ؟؟؟
راكان : سلامتك يـ الغالي ..
أبو خالد : الله يسلمك .. وإنتبه بـ الطريق ولا تسرع ..
راكان يحس إنه مو عمه إلا ابوهـ .. مابعمر أحد قاله لا تسرع إلا هـ العائله إلللي ع طوول تحذرهـ عن السرعه عمه وأولاد عمانه ووسن .. آهـ '' ياوسن أسبوعين عنك .. بسبب هـ الإمتحانات .. قال : أبشر ..
أبوخالد : مع السلامه ..
راكان : مع السلامه .. وقفل واهو ياخذ نفس .. شـ قد مكالمة عمه متعبه ومخيفه حتى إذا مجرد سؤال وتقفيله ع طوول .. من جد هـ الرجُل عرف يحط رهبه له فـ قلوب الكل حتى مجرد ذكور إسمه .. وفوق هذا الإحترام إللي حاصل عليه من الكل .. من جد الواحد شيببي أكثر من كذا .. حمد ربه إن عمه كذذا ..
طلع ابوخالد من مكتبه ووقف له السكرتير ,, وطلع من الشركه كلها ..
ودخل للسيارهـ وسكر الباب السايق وحرك السايق ..
إتصلت في وسن .. ناظر موبايله الخاص بـ العائله وكانت وسن رد : هلا بـ حبيبة ابوها ..
وسن وإهي مبسوطه : يُبه بارك لي نسبتي .. 100%
أبوها واهو مبسوط : مبروك ياروح ابوك .. لك إللي تبين ..
وسن : سلامتك إللي آبيها وبس ..
أبوها : حبيبة ابوك .. أطلبي إللي تبين .. نسافر ..؟
وسن ما اعجبتها الفكرهـ قالت تحاول تذكر ابوها : إنت من قبل قلت لي نطلع للنعيريه .. طبعاً وسن متحمسه مع البنات وإلا اهم مايحبون طلعات البر عشانهم بيعملون حماس هناك وراح تشوفون شنو بيسوون ..
أبوها إللي ضحك : مانسيت ياروح أبوك .. بس آبي أشوف إذا إنتي متحمسه وإلا لا ..
وسن : أكيد متحمسه ..
أبوها : خلاص يابابا بكرهـ إن شاء الله ..
وسن إللي إستانست .. دق موبايل أبوها الخاص بـ العمل وسمعت الرنه قالت : يبه ما اطول عليك ..
أبوها : خلاص ياروح أبوك .. إنتبهي لـ نفسك ..
وسن : وإنت إنتبه لـ نفسك ..
ابوها : أوكي ..
وسن : باي ..
أبوها : باي ..
رد ع المكالمه إلا هذي جوهرهـ تدق ع رقمه الثاني من المدرسه .. حط لها بيزي عشان تعرف إن معاهـ إتصال .. جوهرهـ عرفت ولا إتصلت .. تعرف إنه إذا انهى مكالمته بيتصل فيها ..
طبعاً وسن ووتين طلعوا بعد ماسلموا ع صاحباتهم .. وخذوا معاهم روزان .. وتين نفس نسبة وسن .. روزان أول ثانوي 99,85 % .. وسام إللي مبسوط ع الأخر نسبته نفس ماتوقع 100% .. { حليله شاد حيله الولد أخر سنه }
طبعاً راكان مايبي يتصل فـ وسن عشان لا تعرف إنه راح يجي لهم بكرهـ .. وقفل موبايله نهائياً عشان يكون له عذر يتشرط مثل مايبي ~_^