رواية معشوقي كلي معاك معاك حتى للهلاك

الجزء 37

معــقوله ســافر ..
صـدق خــلاني وراح ..؟؟
يمــكــن أحـــلم ؟
لا .. أكيــد إنو وهـــم !!..
جــاوبيني يـ الريــاض ..
يـ الأمــاكــن .. يـ الطيـــور ..

دخل للرياض من نص ساعه ودخل للشركه وتوجه لـ مكتبه .. مايبي يروح للبيت أول .. وصل خبر لـ جدهـ .. وصل لـ سكرتيرهـ .. وقف له وسلم عليه .. ودخل
لـ مكتبه .. ناظرهـ .. سالفة زوجته واصله لـ أخر الدنيا .. ماتوقع إنو بيتأثر كل هذا .. وإللي صدمهم إنو خالاته إللي ورا الموضوع .. جلس بـ مكتبه .. وناظر .. من 3 شهور ماجا له .. ناظر الأوراق والحوسه .. أخر شيء كان يكلم وسن هنا وعلى هـ الكرسي وكان ماسك قلم ويخربش بـ ورقه عندهـ وكاتب عليها أشعار ومرسم عليها ومخربش .. هذا اخر شيء بينهم .. ناظر للاب توبه على حطت إيدهـ .. مسك موبايله وإتصل في حاتم . . وقاله السالفه كلها .. مثل ماتوقع .. راح يجي الموضوع منها .. شلون يثبت لها مايدري .. ويعرف المشوار قدامه طويـــــــــــــــــــــــــــــــــــل .. قفل واهو متضايق مرهـ .. إتصل فيه سكرتير جدهـ وقاله : إنو جدهـ يبيه ضروري ..
لما قفل .. ضحك راكان واهو يقول بـ داخله " وصل لك الخبر بسرعه ياجدي .. أكيد الحساب هـ المرهـ كبير " قام واهو يتصل في رقم وسن ومغلق وعلى رقم غرفتها ولا أحد يرد .. رجع يتصل في حاتم وقاله إنها نايمه .. إرتاح شوي لإنها أكيد مرتاحه من المُهدي .. مايدري كيف بيتحمل بُعدها وإهي تعبانه .. دخل على جدهـ ..
ناظرهـ جدهـ واهو يبوس راسه وقال : ما شاء الله كان جلست بعد ..!
راكان : والله ودي لكن عندي أشغال هنا ..
عصب جدهـ وقال : هذا أخرتها .. تجلس عند أعداء أهلك ..!!
راكان إنقهر قال : أولاً اهم أهلي .. { يصحح المعلومه لـ جدهـ .. طنقر الجد كمل بكل برود } وبعدين إنتم إللي معادينهم مو اهم .. إنتم إللي اخطيتوا عليهم وتحملوا إللي يجي لكم ..
الجد واهو واصل حدهـ : خل عنك الهرج الفاضي .. بتتنازل بنت سلطان وإلا لا ..؟؟
راكان : معصي تتنازل وإذا تنازلت لا تنسى وراها أبو واخوان وزوج وعمان وجد يبون حقها ..
الجد : هذا إللي حصلناهـ منك .. !
راكان : غير هـ الكلام فيه شيء ..!!
الجد : أـنا أعرف كيف أخليهم يتنازلون ..
راكان : والله عاد إللي تقدر عليه سووهـ .. وطلع من عند جدهـ .. شين وقوات عين .. فوق ما أهم غلطانين عليهم .. مايبونهم ياخذون حقهم ..
قابل زياد وسلم عليه . .
زياد : ياهلا والله .. متى الوصول ؟؟
راكان واهو يجلس معاهـ في مكتبه : من نص ساعه ..
زياد : وكيفها وسن ؟؟
راكان واهو يحرك راسه : الحمدلله على كل حال . .
زياد بكل طيبه : للدرجه هذي تعبانه ..؟
راكان اهو يسترخي في جلسته بـ الكرسي ويرجع راسه لـ ورا بـ تعب وناظر فوق وقال : كل شيء هين عند إللي بداخلها وتغيرها ..
زياد واهو خايف من إللي في باله قال : شـ قصدك بـ الضبط ؟؟
راكان واهو يتكلم بـ تعب : ماتبي تظلمني معاها ..
زياد وقلبه ألمه قال : يعني محملتك ذنب خالاتي ..!!
راكان : مستحيل وسن تفكر كذا .. لكن إحساسها في إني مع الوقت بـ أتغير عليها بعد إللي صار لها ..
زياد : شـ إللي يغيرك وإنت تحبها ؟
ناظرهـ بكل حزن وقال : زياد إنت ما راح تفهم .. إللي صار لها شيء كبير والواحد ولا يتوقعه .. إهي من بعدهـ ثقتها معدومه في حالها .. وثقتها بـ إللي حولها اردى من كذا .. صايرهـ تخاف من كل شيء .. صايرهـ تتوقع إنو باقي لها شيء أكبر من إللي صار .. وعشان كذا ماتبي تظلمني ..
زياد إللي مرهـ تضايق واهو يشوف اخوهـ كذا قال : شـ ناوي واـنا أخوك ..؟
سند راسه على إيدهـ وقال : صعب وضعي معاها يازياد .. صعب اتحمل الشيء هذا منها .. برودها .. عدم إهتمامها .. هدوءها ولا كأنها موجودهـ .. جسم بدون روح .. قبل لا أطلع من عندها .. كان وضعها عادي ولا كأني بـ أسافر عنها .. ولما طلعت قالي حاتم إنها كانت منهارهـ .. ليش تضغط على حالها ..! وتدعي البرود وإهي من داخلها تحترق .. كله عشان لا أتغير عليها .. تبي الشيء هذا يجي منها ولا يجي مني ويصدمها ..
زياد ناظرهـ .. من جد حالته صعبه .. وإللي يشوف شكله يعرف إنو مهموم .. مايدري شـ يقول له ..
ضحك شوي وقال : جدي يبيهم يتنازلون .. أـنا ما ادري كيف يفكر ..!
زياد إنهبل قال : من جدك ؟؟
راكان : شفت كيف ! ماعليك مني .. إنت كيف أوضاعك مع ديما ؟؟ وليش جالس هنا ولا جيت لها .. ؟؟ يعني إهي ماتحس لما ساحب هـ الفترهـ كلها ..!
زياد إللي إنفتحت جروحه من جديد قال : أوضاعي ماشيه .. إهي جالسه هناك وأـنا هنا .. جدي مانعني لا أروح قبل لا تجي إنت ..
راكان : إسحب عليهم .. جدي مايبي راحتنا .. وإنت روح دور راحتك ويا زوجتك ..
زياد : صعب ياراكان أترك جدي واهو ماسمح لي ..
راكان إللي وصل حدهـ قال : مشكلتك طيبة قلبك إللي بتوديك بـ داهيه ..
زياد : شـ تبيني أضرب جدي ..؟
راكان : ماقلت أضربه .. لكن مثل مايعملونك عاملهم .. إفهم الشيء هذا ..
سكت زياد ..
راكان : أقول ضف وجهك وذا الحين للخبر عند زوجتك .. ولا تنسى إنها حامل .. يلا ..
زياد : وجدي ؟؟؟
راكان واهو يوقف ويوقف زياد معاهـ : إتركه علي .. واتحدى إذا إتصل فيك يسأل .. وإذا شبعت جلوس ويا زوجتك تعال .. { كمل يستهبل } مع إني متأكد مستحيل تشبع ..
ضحك زياد وقال : والله ما احد ماشي على كيفه غيرك ..
راكان ضحك وقال : أجل أنتظرهم يسمحون لي .. ياعمي إللي مو عاجبه كيفي ومزاجي يبلط البحر ..
ضحك زياد وقال من كل قلبه : الله يجمعك ويا وسن مثل أول واحسن .. والسعادهـ ماتفارقكم ..
سكر عيونه وكأن الألم رجع له وقال من كل قلبه : آمين يارب ..
طلع زياد من الشركه للخبر مثل ما قال راكان .. فعلاً إللي يبي شيء يروح لـ راكان .. مر على مكتب أبوهـ وسلم عليه .. وطلع لـ بيت أبوهـ وسلم على أمه إللي مسكته خنايق وسب وشتم في وسن وأهلها .. واهو تركها تتكلم ليما تشبع .. شـ يفهم فيهم واهم مابعد إقتنعوا إنهم إللي غلطانين عليها .. طلع من عندها ومر على جدته .. إللي كانت ساكته ولا تتكلم معاهـ يقال إنها زعلانه .. وطنشهم .. وجت له ميعاد إللي إستانست إنها شافته وسألته عن وسن .. وهذي الوحيدهـ إللي ريحته من جا للرياض من غير وسن .. وطلع من عندهم لـ بيته ..