Ս𝖓ⅈ𝐜օ𝒹𝖊
မနက်ခင်းဝေးဥဩတို့အိပ်ရာနိုးတော့မတင်မြလာပြောတဲ့စကားကြောင့်နှစ်ယောက်လုံးအလန့်တကြားဖြစ်သွားရလေသည်။
"ကိုကြီးအရိုက်ခံရတယ်!"
"ကျုပ်လည်းအဲ့လိုကြားခဲ့တာပဲဥဩလေးရဲ့ ဒေါ်ရွှေသီကြီးကတော့ဆေးရုံကိုလိုက်သွားပြီတဲ့ ဥဩလေးတို့ကိုလိုက်လာခဲ့ဖို့ပြောသွားသေးတယ်"
ဝေးဥဩတို့လည်းဆေးရုံကိုလိုက်သွားဖို့ပြင်ဆင်ရတော့သည်၊ကိုးကလည်းဒီနေ့အလုပ်မသွားတော့ပဲခွင့်ယူလိုက်မယ်လို့ပြောသည်၊ဝေးဥဩတို့ပြင်ဆင်ပြီးတာနဲ့ရေခဲသေတ္တာထဲကအသီးအနှံတစ်ချို့ကိုယူလိုက်ပြီးအိမ်ကိုသော့ခတ်ကာဆေးရုံကိုထွက်လာခဲ့လိုက်တော့သည်။
"ကိုကြီးကဘယ်လိုဖြစ်ပြီးအရိုက်ခံရတာလည်းမသိဘူးနော် ရန်သူတွေဘာတွေလည်းရှိတယ်မကြားမိပါဘူး"
"အမြင်မကြည်တဲ့သူတွေတော့ရှိမှာပေါ့ လေကြီးလေကျယ်တွေပြောတော့ကြည့်မရတဲ့လူတွေလေ"
"ဟော! ကိုးကလေ ကိုကြီးကိုဆိုဘယ်တော့မှအကောင်းမပြောဘူး"
အကောင်းပြောချင်စရာတော်တော်ကောင်းနေတာဆိုတော့၊
ထိုစကားကိုတော့ကိုးစိတ်ထဲ၌သာပြောလိုက်ရသည်၊ဝေးဥဩအကြောင်းသိနေသည်လေ၊တော်ကြာသူ့အစ်ကိုကိုပြောလို့ဆိုပြီးအထုတ်တွေဆွဲကာအိမ်ပေါ်ကဆင်းသွားမှကိုးတစ်ယောက်ပျာယာခတ်နေရအုံးမည်။
ဆေးရုံရောက်တော့အခန်းနံပါတ်မေးကာတက်လာခဲ့လိုက်သည်၊အခန်းရှေ့ရောက်တာနဲ့ဝေးဥဩတံခါးကိုတွန်းဖွင့်လိုက်သည်၊ဝင်ရန်ပြင်လိုက်ပေမဲ့ကုတင်ပေါ်ထိုင်နေတဲ့အေးချမ်းညီကိုလည်ပင်းညှစ်နေတဲ့အမေဖြစ်သူကြောင့်ဝေးဥဩမျက်လုံးတို့ပြူးကျယ်သွားရပြီးအမြန်ဆွဲထားလိုက်ရသည်၊အေးချမ်းညီကတော့ချောင်းရိုက်ခံရလို့ခေါင်းကွဲပြီးမသေပဲအမေဖြစ်သူလည်ပင်းညှစ်သတ်လို့သေနိုင်သည်။
"အမေ! ဘာလို့ကိုကြီးကိုလည်ပင်းညှစ်နေတာလည်း ဒုက္ခပါပဲ"
ခေါင်းကိုကုပ်ပြီးမဝံ့မရဲပြောလာတဲ့ဝေးဥဩကိုဒေါ်ရွှေသီကမျက်စောင်းထိုးပြီးမိမိရရနဲ့ခေါင်းကွဲလို့ပတ်တီးစီးထားရတဲ့အေးချမ်းညီရဲ့ခေါင်းကိုတစ်ချက်ခေါက်လိုက်သေးသည်၊
YOU ARE READING
ကြာကြာဝါးမှခါးမှန်းသိ
Romanceဟာသ။ အိမ်ထောင်သည်တွေဖြစ်လေ့ဖြစ်ထ ရှိတဲ့ရယ်စရာ၊ပျော်ရွှင်စရာတွေနဲ့အတူ စုံလင်သောစိတ်ခံစားချက်တွေကြားထဲ ရှင်သန်နေတဲ့သူတို့နှစ်ယောက်၊ နှစ်တွေကြာလာတာနဲ့ပြောင်းလဲလာတဲ့ ချစ်စရာစရိုက်လေးတွေကိုတွေ့မြင်ရမဲ့ ficတစ်ပုဒ်ဖြစ်ပါတယ်။
