Ս𝖓ⅈ𝐜օ𝒹𝖊
ဝေးဥဩညနေလောက်ထဲကအိပ်ပျော်သွားတာကြောင့်က်ိုးမှာကုတင်ပေါ်ထိုင်ပြီးစိတ်ရှည်လက်ရှည်နှိုးနေတာမို့ဝေးဥဩလူးလိမ့်ရင်းနိုးလာခဲ့ရသည်၊အိပ်ရာထခါစမို့မအီမသာနဲ့ဝေးဥဩကမျက်လုံးတွေကိုလက်နဲ့ဖိပွတ်နေတာမို့ထိုလက်လေးတွေကို ကိုးဆွဲထားလိုက်ရသည်။
"မျက်လုံးတွေအရမ်းမပွတ်နဲ့"
"အွန်း မိုးချုပ်သွားပြီလား"
ပြတင်းပေါက်ကနေအပြင်ကိုကြည့်ပြီးမိုးချုပ်သွားတာသေချာမှဝေးဥဩကမျက်နှာချိုသွေးကာရယ်ပြလာပေမဲ့ကိုးကတော့စူးစိုက်ကြည့်နေဆဲပင်၊ဝေးဥဩမှာကိုးရဲ့မျက်နှာကိုလက်နှစ်ဖက်နဲ့အုပ်ကိုင်ပြီးမျက်လုံးတွေကိုစိုက်ကြည့်လာသည်။
"ဗိုက်ဆာနေပြီ ငါ့ကိုမဆူနဲ့တော့နော်"
"မဆူပါဘူး ကိုးက'မ'ကိုထမင်းစားဖို့လာနှိုးတာ ထတော့ ဗိုက်ဆာနေပြီဆိုသွားစားကြမယ်"
"အင်း ငါမထနိုင်တော့ဘူး ကိုးချီပါနော်"
ကိုးကဝေးဥဩကိုမနိုင်သလိုခပ်ဟဟရယ်ကာပွေ့ချီလိုက်တော့ဝေးဥဩလက်နှစ်ဖက်ကကိုးရဲ့လည်တိုင်မှာချိတ်ရက်သား၊ကိုးရဲ့ပုခုံးပေါ်ခေါင်းမှောက်ချပြီးလိုက်ပါလာတဲ့ဝေးဥဩကို ကိုးကအပြစ်ပြောရမဲ့အစားကြည်နူးမှုကြောင့်နှုတ်ခမ်းတွေကကော့တက်နေသည်၊
ထမင်းစားပွဲပေါ်ကပြန်နွှေးထားလို့အငွေ့လေးတွေထွက်နေတဲ့ဟင်းပွဲတွေကိုဝေးဥဩကလိုက်ကြည့်နေရင်းခုံပေါ်မှာထိုင်ချလိုက်သလိုကိုးကလည်းဝေးဥဩဘေးမှာဝင်ထိုင်သည်။
"ကိုး ဟင်းတွေပြန်နွှေးထားတာလား"
"အင်း စားကြရအောင်"
"တောင်းပန်ပါတယ်နော် ငါ့ကြောင့်ပင်ပန်းသွားရပြီ ကိုးကရုံးမှာလည်းအလုပ်ကြောင့်ပင်ပန်းနေတာကိုဟင်းတွေပါထပ်ချက်ထားရတယ်"
"မပင်ပန်းပါဘူး နွှေးရုံလေးပဲနွှေးလိုက်တာ"
နောက်တော့နှစ်ယောက်သားထမင်းစစားကြပြီးနေ့လယ်ကရန်ဖြစ်တဲ့ကိစ္စကိုလည်းပြန်ပြောနေကြသည်၊စားပြီးသောက်ပြီးလို့ဝေးဥဩပန်းကန်တွေဆေးပြီးတာနဲ့ကိုးကနဖူးကိုဆေးထည့်ပေးသည်၊
CZYTASZ
ကြာကြာဝါးမှခါးမှန်းသိ
Romansဟာသ။ အိမ်ထောင်သည်တွေဖြစ်လေ့ဖြစ်ထ ရှိတဲ့ရယ်စရာ၊ပျော်ရွှင်စရာတွေနဲ့အတူ စုံလင်သောစိတ်ခံစားချက်တွေကြားထဲ ရှင်သန်နေတဲ့သူတို့နှစ်ယောက်၊ နှစ်တွေကြာလာတာနဲ့ပြောင်းလဲလာတဲ့ ချစ်စရာစရိုက်လေးတွေကိုတွေ့မြင်ရမဲ့ ficတစ်ပုဒ်ဖြစ်ပါတယ်။
