Ս𝖓ⅈ𝐜օ𝒹𝖊
ဝေးဥဩမှာကိုးအတွက်ထမင်းချိုင့်ပြင်ပေးနေရင်းကနေအိမ်ရှေ့ကခေါ်သံကြောင့်လုပ်လက်စအလုပ်တွေကိုရပ်ကာထွက်လာလိုက်သည်၊
"အမေ"
ကိုးရဲ့အမေကိုတွေ့လိုက်တာမို့ဝေးဥဩလည်းမျက်လုံးလေးပြူးသွားပြီးအိမ်ထဲဝင်ရန်ပြောလိုက်ရသည်၊ဒေါ်ပေါက်စီကဈေးကအပြန်ဝင်လာပုံရကာလက်ထဲမှာလည်းဈေးခြင်းတောင်းကြီးနဲ့ပင်။
"ကိုးရောသမီး"
"ကိုးရုံးသွားဖို့ရေချိုးနေတယ်ထင်တယ် ခဏနော် သမီးသွားခေါ်ကြည့်လိုက်မယ်"
ဝေးဥဩလည်းရေချိုးခန်းဘက်ဆီထွက်လာလိုက်ပြီးရေချိုးခန်းတံခါးကိုအသာခေါက်ကာ
"ကိုးရေချိုးနေတာလား"
"ဟင် ဟုတ်တယ်'မ"
"အဲ့ဒါဆိုမြန်မြန်ချိုးနော် ကိုးအမေရောက်နေတယ်"
"ဟုတ်ပြီ! ဟုတ်ပြီကိုးအခုပဲထွက်လာခဲ့မယ်လို့ပြောလိုက်နော်အချစ်လေး"
ဝေးဥဩလည်းကိုးကိုမနိုင်သလိုခေါင်းသာခါရင်းအိမ်ရှေ့ကိုပြန်ထွက်လာလိုက်သည်၊ယောက္ခမကြီးကိုအသီးလေးခွဲပြီးကျွေးထားနှင့်လိုက်ကာခဏကြာတော့ကိုးရောက်လာသည်။
"အမေ ဘာဖြစ်လို့လည်း"
"ဘာမှမဟုတ်ပါဘူး အိမ်ဘက်မရောက်ဖြစ်လို့လေ ဒီမှာကောက်ညှင်းပေါင်းဝယ်လာတယ် စားလိုက်ကြဦး"
ကိုးလည်းအမေဖြစ်သူလက်ထဲကကောက်ညှင်းထုပ်ကိုလှမ်းယူလိုက်ပြီးခဏစကားပြောနေလိုက်သည်၊ခဏကြာတော့ကိုးကလည်းရုံးသွားရမှာဖြစ်ပြီးအမေကလည်းဟင်းချက်ရဦးမယ်ဆိုကာပြန်သွားလေသည်၊ကိုးလည်းဝေးဥဩနဲ့အတူမနက်စာစားပြီးတာနဲ့ထမင်းချိုင့်ကိုယူပြီးရုံးသွားရန်ပြင်လိုက်သည်။
"ကိုးသွားတော့မယ်နော်'မ"
"အင်း ဂရုစိုက်သွား"
ကိုးကအိမ်ပြင်ထွက်ပြီးသွားတော့မှအထဲကိုတစ်ခါပြန်ဝင်လာသည်၊ဝေးဥဩကမျက်လုံးပြူးလေးနဲ့ဘာလည်းလို့မေးမလို့ပြင်တုန်းမှာပဲနဖူးကိုအနမ်းခံလိုက်ရသည်။
YOU ARE READING
ကြာကြာဝါးမှခါးမှန်းသိ
Romanceဟာသ။ အိမ်ထောင်သည်တွေဖြစ်လေ့ဖြစ်ထ ရှိတဲ့ရယ်စရာ၊ပျော်ရွှင်စရာတွေနဲ့အတူ စုံလင်သောစိတ်ခံစားချက်တွေကြားထဲ ရှင်သန်နေတဲ့သူတို့နှစ်ယောက်၊ နှစ်တွေကြာလာတာနဲ့ပြောင်းလဲလာတဲ့ ချစ်စရာစရိုက်လေးတွေကိုတွေ့မြင်ရမဲ့ ficတစ်ပုဒ်ဖြစ်ပါတယ်။
