Ս𝖓ⅈ𝐜օ𝒹𝖊
"ဘုတ်!"
အိမ်ရှေ့ကကွပ်ပျစ်ပေါ်ကိုပစ်ချခံလိုက်ရ
သောအဝတ်အိတ်လေးမှာအင်္ကျီတွေထွက်ကျ
လာပြီးဖရိုဖရဲဖြစ်နေလှသည်၊အိမ်ပေါ်ကနေ
ပြင်းပြင်းထန်ထန်ပစ်ချမှုကိုခံလိုက်ရ၍
မွစာကြဲသွားသည်အထ်ိလွင့်ထွက်သွားသော
အဝတ်များ။
"ညည်းအဝတ်အစားတွေယူပြီးအခုချက်ချင်း
ထွက်သွားလိုက်တော့ ကိုယ့်စိတ်ကြိုက်
မိန်းမနောက်လိုက်သွားပြီးပြန်လာရဲသေး
တယ်ပေါ့!!"
အမေဖြစ်သူမှာဒေါသတကြီး၇အိမ်ကြား
၈အိမ်ကြားအော်ဟစ်ပြီး၃မိနှစ်အကြာမှာပဲ
ဝေးဥဩခေါင်းပေါ်ကိုတစ်ခုခုနဲ့အော်တိုအပစ်
ခံလိုက်ရသည်၊နာကျင်နိုင်တဲ့ပစ္စည်းတစ်ခု
မဟုတ်တာကိုပဲဝေးဥဩကံကောင်းသည်ဟု
မှတ်ယူလိုက်ပြီးခေါင်းပေါ်တင်နေတဲ့အရာကို
ယူကြည့်လိုက်သည်။
"ဟာ အမေ့!"
အစ်ကိုဖြစ်သူရဲ့ပေါက်ပြဲပါးလွှားနေတဲ့
အတွင်းခံဘောင်ဘီနဲ့ပစ်လိုက်ခြင်းဖြစ်တာမို့
ဝေးဥဩမျက်နှာမှာမရှုမလှဖြစ်သွားရလေ၏၊ဒေါ်ရွှေသီကတော့အိမ်ထဲပြန်ဝင်
သွားပြီးခဏအကြာဒုန်းဆိုင်းကြီးပြန်ရောက်
လာကာဝေးဥဩကိုတစ်ခုခုနဲ့ပစ်လိုက်ပြန်
သည်၊ဝေးဥဩမှာလည်းမျက်နှာပေါ်ကို
ဘက်ကနဲလာမှန်တဲ့ရေစိုစိုခပ်နွမ်းနွမ်း
အဝတ်တစ်ခုပေါ်ကဆိုးဆိုးဝါးဝါးအနံ့
အသက်တစ်ခုကြောင့်နှာခေါင်းရှုံ့လိုက်ရင်း
"အမေ့ ပစ်နေတာတွေတော်ပါတော့!"
ဝေးဥဩရဲ့အစ်ကိုဖြစ်သူမှာလည်းအိမ်ရှေ့
ကိုထွက်လာပြီးတံခါးကိုတံတောင်ဆစ်နဲ့
ထောက်ကာစပ်ဖြဲဖြဲနဲ့ကြည့်လာသည်၊
ဝေးဥဩမှာရယ်နေနိုင်သေးတဲ့အစ်ကို
ဖြစ်သူကိုတစ်ချက်ပဲကြည့်ပြီးလက်ထဲက
နံဟောင်နေတဲ့အဝတ်ကိုကြည့်လိုက်သည်၊
"ဘာတွေနဲ့ပစ်နေဝာာလည်းအမေရာ!"
ဝေးဥဩတစ်ယောက်စိတ်ရှုပ်သလိုရေရွတ်
ရင်းပြောလိုက်တဲ့စကားကိုဝေးဥဩရဲ့
အစ်ကိုဖြစ်သူအေးချမ်းညီမှအဖြေပြန်ပေး
လာသည်။
"အိမ်သာဆေးတဲ့အဝတ်လေ"
အစ်ကိုဖြစ်သူရဲ့စကားကြောင့်ဝေးဥဩ
မှာမိမိမျက်နှာလေးကိုအမြန်ပြန်ကိုင်ပြီး
မျက်နှာကြီးရှုံ့မဲ့နေတော့သည်၊အမေဖြစ်သူ
ရဲ့ဒေါသမှာသမီးဖြစ်သူရဲ့မျက်နှာကို
အိမ်သာဆေးအဝတ်နဲ့ပစ်သည်အထိပင်၊
အေးချမ်းညီကတော့ဝေးဥဩဖြစ်နေတဲ့
ပုံကိုကြည့်ပြီးဗိုလ်အောင်ဒင်လေသံနဲ့ရယ်
နေလေသည်၊အမေဖြစ်သူမှာတော့အသက်
ရှူသံတွေပြင်းနေပြီးရင်ဘက်ကြီးမှာ
ပိန်လိုက်ဖောင်းလိုက်နဲ့နပန်းသမားကြီး
တစ်ယောက်အသွင်ဖြစ်နေသည်။
KAMU SEDANG MEMBACA
ကြာကြာဝါးမှခါးမှန်းသိ
Romansaဟာသ။ အိမ်ထောင်သည်တွေဖြစ်လေ့ဖြစ်ထ ရှိတဲ့ရယ်စရာ၊ပျော်ရွှင်စရာတွေနဲ့အတူ စုံလင်သောစိတ်ခံစားချက်တွေကြားထဲ ရှင်သန်နေတဲ့သူတို့နှစ်ယောက်၊ နှစ်တွေကြာလာတာနဲ့ပြောင်းလဲလာတဲ့ ချစ်စရာစရိုက်လေးတွေကိုတွေ့မြင်ရမဲ့ ficတစ်ပုဒ်ဖြစ်ပါတယ်။
