Ս𝖓ⅈ𝐜օ𝒹𝖊
အေးချမ်းညီလည်းပြတင်းပေါက်ကိုအရင်ဆုံးဆွဲပိတ်လိုက်ပြီးအိပ်ပျော်နေတဲ့ညီမဖြစ်သူရဲ့ပုခုံးကိုအသာပုတ်ကာနှိုးလိုက်သည်။
"ဝေး! ထ ထ"
တုတ်တုတ်မလှုပ်တဲ့ဝေးဥဩကြောင့်အေးချမ်းညီလည်းသက်ပြင်းချကာဝေးဥဩကိုဆွဲထူပြီးကုတင်ပေါ်ထိုင်စေလိုက်သည်၊
"ဝေးဥဩ ထတော့လို့!"
ကုတင်ပေါ်ထိုင်နေပြီဖြစ်တာမို့အေးချမ်းညီလည်းအခန်းထဲကထွက်ရန်ပြင်လိုက်သည်၊သို့သော်အသံမကြားတာမို့ပြန်လှည့်ကြည့်လိုက်တော့ကုတင်ပေါ်ပြန်လဲကျပြီးအိပ်ပျော်နေတဲ့ဝေးဥဩကြောင့်ခေါင်းကိုတဗျင်းဗျင်းမြည်အောင်ကုပ်လိုက်မိသည်၊
ဝေးဥဩကိုလည်ပင်းကနေဆွဲထူကာလှုပ်ရမ်းရင်းနှိုးလိုက်တော့ဝေးဥဩမှာလည်းအေးချမ်းညီလက်ထဲခေါင်းလေးခါရမ်းနေပြီးမျက်လုံးလေးတွေပွင့်လာသည်၊
"ကို...ကြီး"
"အေး ငါပဲ"
ဝေးဥဩလည်းနိုးသွားပြီမို့အေးချမ်းညီမှာဆုပ်ကိုင်ထားမိတဲ့လည်ပင်းကိုလွှတ်လိုက်သည်၊သို့သော်ဝေးဥဩမှာကုတင်ပေါ်ပြန်လဲကျပြီးအိပ်ပျော်သွားပြန်သည်၊
"ခေါ! ခေါ!"
"ဟဲ့ ဝေးဥဩ!!"
အသည်းကွဲလို့စားမဝင်အိပ်မပျော်ဖြစ်နေတဲ့ဝေးဥဩကိုမနိုင်တော့တာမို့အေးချမ်းညီအခန်းထဲကနေပြန်ထွက်လာခဲ့လိုက်တော့သည်။
..☆
..☆
မတင်မြမှာဝေးဥဩအခုဆိုစားမဝင်အိပ်မပျော်ဖြစ်နေမဲ့ပုံကိုရှင်းပြပြီးကိုးရဲ့အခြေအနေကိုတစ်ချက်လှည့်ကြည့်လိုက်တော့ကိုးကခေါင်းကိုသာအဆက်မပြတ်ငြိမ့်နေပြန်သည်၊ဒါဟာမတင်မြပြောတာတွေကိုထောက်ခံတယ်ဆိုတဲ့သဘောပဲမလား၊မတင်မြလည်းဝမ်းသာအားရနဲ့ကိုးရဲ့လက်ကိုဆွဲကိုင်လိုက်ပြီး
"ဥဩလေးကိုသွားခေါ်မယ်မလားကိုး"
"အင်း အင်း"
ကိုးမှာမတင်မြဘာတွေပြောနေလည်းမသိတာမို့ပြီး ပြီးရောဆိုတဲ့သဘောဖြင့်ခေါင်းကိုသာငြိမ့်ပြနေလိုက်သည်၊ပြီးမှနားထဲကနားကြပ်တွေကိုဆွဲဖြုတ်နေလိုက်သည်။
YOU ARE READING
ကြာကြာဝါးမှခါးမှန်းသိ
Romanceဟာသ။ အိမ်ထောင်သည်တွေဖြစ်လေ့ဖြစ်ထ ရှိတဲ့ရယ်စရာ၊ပျော်ရွှင်စရာတွေနဲ့အတူ စုံလင်သောစိတ်ခံစားချက်တွေကြားထဲ ရှင်သန်နေတဲ့သူတို့နှစ်ယောက်၊ နှစ်တွေကြာလာတာနဲ့ပြောင်းလဲလာတဲ့ ချစ်စရာစရိုက်လေးတွေကိုတွေ့မြင်ရမဲ့ ficတစ်ပုဒ်ဖြစ်ပါတယ်။
