IDLE DESIRE 8: THE MAFIA'S HIDDEN DESIRE (R-18) ✔

KABANATA 13

KABANATA 13:

Ilaria POV

         MAHIHINANG katok ang narinig ko sa labas ng pinto kaya nahinto ako sa pagsasagot sa ibinigay ng boyfriend ko slash ang aking private tutor na homework. Nilapag ko lang ang hawak kong lapis bago ako tumayo mula sa kinauupuan kong silya at agad akong lumapit sa pinto para pagbuksan ang taong kumakatok.

Gumuhit naman agad ang matamis na ngiti sa labi ko nang bumungad sa'kin si Kuya Samael na nakasuot pa ng apron at may hawak-hawak na isang tray na naglalaman ng pagkain.

Kumalam pa ang tiyan ko sa gutom nang malanghap ko ang mabangong aroma na nanggagaling sa pagkain na 'yon. Natuwa pa ako dahil may kasama na itong gatas na palaging itinitimpla ni Kuya sa akin bago ako matulog.

He smiled, "I know you're hungry. Sorry kung natagalan ang pagdala ko sa'yo ng pagkain dito sa kwarto mo. " aniya.

"Thank you, Kuya. Saktong nagugutom na ako," nakangiti ko namang sagot sabay himas sa aking tiyan.

"Pasok ka," pag-aya ko bago ko niluwagan ang pinto. Pumasok naman siya sa loob ng kwarto ko at nilapag lang niya ang tray sa coffee table na mayroon ako rito sa aking kwarto.

"Are you doing your homework?" tanong niya nang mapansin niyang nagkalat ang mga notebook, lapis at libro sa study table ko.

Tumango ako, "May iniwan na assignment si Mr. Marcello kaya sinasagutan ko na agad 'yon para hindi ko makalimutan at para na rin wala na akong iisipin bukas." sagot ko.

He sighed, "That's good. After you eat and do your homework, go to bed early, okay? Maaga ka pang gigising bukas ng umaga para i-tutor ka ni Mr. Marcello. Don't stay up late, do you understand?" pagpa-paalala niya sa'kin.

"Yes, sir!" sagot ko at nagsaludo pa ako sa kanya na naging dahilan para matawa siya ng mahina.

Napunta naman ang atensyon ko sa labas ng pinto nang biglang may napadaan. Akala ko kung sino na, pero nang huminto ito sa tapat ng kwarto ko ay si Kuya Palermo lang pala. Ano naman kaya ang ginagawa niya rito sa Mansyon?

"Nandito ka lang pala. Tara na, baka malate pa tayo," turan niya kay Kuya Samael.

"Hi, Ilaria!" bati naman niya sa'kin kaya ngiti lang ang isinagot ko rito sa pinsan kong pogi.

"Teka, aalis kayong dalawa?" tanong ko at tumingin kay Kuya Samael na ngayon ay tinatanggal ang suot niyang apron.

"Kaya ako nandito ay para magpaalam na rin sayo, amore mio. May importante lang kaming pupuntahan ni Kuya Palermo mo. That's just about business. Baka late na rin akong makauwi," Ani Kuya na nagpataas naman sa isa kong kilay.

I quickly looked at the clock, it was eight in the evening. Aalis silang dalawa ng ganitong oras at baka late na siyang makauwi?

"Really? About business? Baka naman babae lang ang pupuntahan ninyong dalawa?" nakataas-kilay kong tanong dahilan para mapahalakhak si Kuya Palermo.

"Ano ka ba, Ilaria. Wala namang kahilig-hilig sa babae itong Kuya Samael mo 'no! Iisang babae lang ang nasa puso niyan," sambit ni Kuya Palermo bago siya ngumisi ng nakakaloko.

Sabagay, wala naman talagang hilig mag-girl hunting itong si Kuya Samael. He has never experienced dating women and has never been in a relationship. Unlike kay Kuya Palermo na may pagka-playboy.

But he is also not in a relationship and has never had a girlfriend. Kung flings lang, pwes marami itong pinsan ko. Gwapo rin kasi itong si Kuya Palermo kaya marami rin ang nagkakandarapa sa kanya.

Kuya Samael doesn't care if the girl is pretty or sexy. Hindi ko nga alam kung pihikan ba itong si Kuya sa babae o sadyang ayaw lang niyang makipag-date dahil masyado rin siyang busy sa kanyang trabaho. Or maybe he is waiting for someone?