IDLE DESIRE 8: THE MAFIA'S HIDDEN DESIRE (R-18) ✔

KABANATA 5

KABANATA 5:

Ilaria POV

          LUMABAS ako agad sa kwarto ko para puntahan si Kuya Samael sa kwarto niya. Bihis na bihis na rin ako ngayon dahil balak kong lumabas ng Mansyon at makipagkita sa boyfriend kong si Rosales. Tiyak kasi na hindi ako papayagan ni Kuya kapag wala akong kasamang kahit na isang bodyguard.

At saka ayoko rin naman na sabihin sa kanya na may boyfriend na ako. Sasabihin ko rin naman sa kanya ang tungkol doon kapag dumating na ang araw ng birthday ko. I will still introduce him to my boyfriend at my birthday party.

Sa ngayon ay wala pa akong lakas ng loob. Natatakot kasi talaga ako sa magiging reaksyon niya pero nakapag-desisyon na rin naman ako na sasabihin kay Kuya Samael ang lahat sa araw mismo ng kaarawan ko.

Meron rin naman kasi siyang karapatan na malaman yung totoo lalo na't nagkaroon kami ng pangako sa isa't-isa. Papayagan niya akong mag-boyfriend kapag tumungtong na ako sa bente anyos at pumayag naman ako doon.

Pero sadya nga yatang pasaway ako dahil may nobyo na ako kahit hindi pa ako tumutungtong sa edad na dalawampu't taon. Sana ay hindi sa akin magalit nito si Kuya Samael.

Isa pa naman sa kinakatakutan ko ay ang magalit siya sa akin o baka magtampo siya dahil hindi ako tumupad sa pinag-usapan naming dalawa.

I sighed. Binura ko na lang ang mga nasa isip ko dahil baka mas lalo lang akong mamroblema at ma-stress. Dumiretso na ako agad sa kwarto ni Kuya Samael.

Paniguradong nandoon lang siya dahil hindi naman siya pumasok ngayong araw sa trabaho niya. Huminga muna ako ng malalim nang nasa tapat na ako ng kwarto niya.

"Kuya Samael?" tawag ko sa kanya bago ako mahinang kumatok ng tatlong beses sa pinto.

Subalit wala akong nakuhang kahit na anong sagot. Nasa loob kaya siya? 'O baka naman nandoon siya ngayon sa office library niya? Minsan kasi ay hindi na kailangang umalis ni Kuya para pumasok sa trabaho, minsan ay sa office library na siya nagtatrabaho.

Hindi naman nalulugi ang mga negosyo niya lalo na ang hinahawakan niyang kompanya dahil marami ang nagtatrabaho para sa kanya. Aalis lang siya sa bahay kapag kailangan o 'di kaya kapag may mahalaga siyang dapat asikasuhin sa Lazarus Paragon Organization.

Nang walang Kuya Samael na sumagot sa loob ay muli akong kumatok pero walang nagbukas ng pinto. Baka naman wala siya sa loob ng kwarto niya?

Hindi rin naman kasi basta-basta aalis si Kuya ng bahay na hindi nagpapaalam sa akin. Naka-ugalian na rin ni Kuya Samael na magpaalam muna sa akin bago siya aalis.

Kaya naman naisipan ko na lang na ipihit ang doorknob at buksan ng bahagya ang pinto. Maingat pa akong sumilip sa loob kaya nasilayan ko ang maganda at napaka-spacious na kwarto ni Kuya Samael.

Nandito pa nga lang ako sa labas ng kwarto niya ay naaamoy ko na agad ang mabango at panlalaki niyang amoy na hindi matapang at hindi rin naman masakit sa ilong.

Pero wala si Kuya Samael sa loob.

Hindi ko siya nakita ni kahit anino man lang niya. Hindi kaya ay nasa office library siya? Ewan, hindi ko alam. Nagpasya na lamang akong pumasok sa loob dahil baka nasa banyo lang siya.

At tama nga ang hinala ko, naririnig ko kasi ang paglagasgas ng tubig sa loob ng banyo niya at sa tingin ko ay nagsha-shower si Kuya.

Hihintayin ko na lang siguro siyang matapos maligo. Inilibot ko muna ang tingin ko sa kabuuan ng kwarto ni Kuya Samael. Ilang beses na akong nakakapasok dito sa kwarto niya pero hanggang ngayon ay hindi ko pa rin mapigilan na mamangha sa ganda ng kwarto niya.