تغني على وتر حبي واقول في قصيد عيونها ديوان

البارت الثالث عشر

قرب للباب وهمس : احبتس
ضحكت وهي توها تفهم وش يقصد قربت وقالت : اكثر ودخلت
سند ظهره على الجدار وزفر بحب وقال : ياويل قلبك ي عبيد صدز ودخل المجلس ونام بكل راحه
............
نرجع شوي لاحمد وهم راجعين البيت كان مستغرب انه ما سمع صوتها ولا سلمت على البندري فكر يسالها ويشوف لف للبندري وقال : اي بيدو كيف الجلسه
البندري بحماس : تجنن ياحبي لهم ياخي ما احس اني غريبه كاني اختهم
احمد بابتسامة: زين الله لا يفرقكم
البندري شكت انه يبي يعرف شي عن ريهام وبابتسامة قالت : امين يارب بس متضايقه على ريهام
احمد بدون ما يحس فز وقال : وش فيها تعبانه شي
البندري بخوف وصدمه بنفس الوقت هزت راسها بنفي وقالت : بسم لله عليك لا مافيها شي بس كانت جالسه معنا بالمجلس وحن نسمع سوالفكم بعد ما خلص دورك قامت وراحت تنام فاستغربت انها مو من عادتها ما تجلس الين اروح
احمد بضيق وهو عرف انها سمعته قال: ايه يمكن طفشت او شي معليتس مافيها شي لا تتضايقين
البندري ابتسمت بفرحه وهي تشوف ان احمد يحب ريهام بس ما يبي يبين لها وصلو ودخلت غرفتها ونامت بتعب كمل احمد لغرفته وفتحها وانسدح على السرير وزفر بضيق : اف اكيد سمعتني ويمكن كانت تحبني وانا حطمتها وش اسوي ياربي
قام وهو ما تحمل الضيقه وصل ركعتين ودعى بك الي بقلبه وقال : يارب ان كان لي في حبها خير فاكتبه لي يارب ان ما ادري عن مشاعري اتجاهها بس يارب تكتب الي فيه الخير وان كانت مشاعري حب لها فاكتب فيه الخير يارب ابعد عنها كل ضيق وكل حزن واجعلها من اسعد خلقك يارب سلم وجلس وحس براحه كبيره ابتسم بحب وقراء قران وقام ينام
......••......
من بكره الساعه 5:30 الصباح
ريما تتجهز بتلحق على الدوام وريهام مثل وهاجر دوامها الساعه 7 والباقين ما عندهم شي 
قام وصلى وغسل ولبس بدلته بكل حب وكان شكله يفتن جدًا عرضه الي متناسق مع البدله الي مظهره تفاصيل جسمه شوي وطوله والبريه على راسه وشعره طالع منه شوي كان شكله كفيل انها تنجذب له نزل بهدوء وكان الكل صاحي والفطور جاهز تقدم وقال : صبحهم بالخير يالله وسلم على عمه وامه وعمته
الكل : ياهلا صباح النور
ام محمد : بسم لله عليك ماشاءالله
ابو فاطمه: اي والله كنك اكبر اخوانك مو اصغرهم
ضحك الكل وام فاطمه وهي تدق ابو فاطمه بخفه : يويلي على ولدنا قل ما شاءالله لا تعطيه عين
ابو فاطمه بضحك : بسم لله عليك ماشاءالله
ابتسم بحب لهم  نزلت ريما وهي خايفه تتاخر وكانت بكامل زينتها و مريولها وشعرها ويفي واغراضها بيدها صح مبعثره بس فاتنه تجمدت اول ما شافته جالس يفطر رجعت تركض وفتحت جوالها وارتاحت اول ما شافت الساعه بدري زفرت بحب وقالت : ياربي انا بصحى كل يوم على ذا الوجه بقعد سنه مروقه
جت ريهام تضحك : من هو وجه لا يكون انا صراحه يحق لتس
ريما بخفه وهي وراء الباب : اقول والله من الشين صدز ناظري ناظري المزيون ( اشرت على عبدالله)
شهقت ريهام وقالت : يمه ي ريمي ذا عبيد وش ذا الزين
ريما بحب : اخ اي والله انا شلون بفرط فيه
ضربتها ريهام بخفه وقالت : امشي امشي الله لا يبلانا  لبسو وطلعو واتجهو للكل وسلمو عليهم لف ابو فاطمه لهم وقال : ريما ريهام محتاجين فلوس
ريما وهي تبوس راسه : لا ي حبيبي معنا
ابتسم وباس راسها وقال : عبيد اليوم بيوديكم لان السواق مسافر
تجمدت ريما ولفت تناظر ريهام الي مو اقل منها
ابتسم عبدالله وقام وهو ملاحظ صدمتهم وقال : اذا تبون نمشي يله عشاني بمر احمد اخذه معنا
ريهام عبست وجها من طاريه وما كانت مستعده تسمع اسمه او تشوفه بعد امس مشو وركب والسياره وساد الصمت الين وصلو بيت ابو احمد ..
...........
عند احمد الي صحى مروق لبس بدلته وما كان اقل من عبدالله من طوله وجماله بس انحف شوي من عبدالله نزل وهو يشوف البندري لابسه وجالسه تفطر وصالح جنبها لف وقال  : صباح الخير
الكل : صباح النور
ام احمد بحب : بسم لله عليك ماشاءالله وش ذا الزين
تقدم احمد وباس راسها وقال : الله يجعلني فداتس  وتقدم وباس راس ابوه وجلس يفطر
خلصو ولف احمد ينتظر ابوه يعطي اخته فلوس بس ما اعطاها تقدم للبندري وهو يعطيها فلوس فزت وقالت : لا لا ي حميد معي ي حبيبي
احمد بابتسامة وهو يعطيها : خذيها يا بنتي بتحتاجينهم
البندري : لا معليك واذا بحتاجها بقولك خلها معك
ابتسم وطلعو كلهم ابتسم اول ما شاف عبدالله وما انتبه للبنات الي وراء سلم على البندري ولف لصالح وقال : انتبه لطريق ولا تسرع صالح وهو ياشر على خشمه : على خشمي يله فمان الله
اشر له بمعنى " مع السلامة " وركب : صبحه بالخير
عبدالله بابتسامة: صباح النور والسرور ماشاءالله عليك وش ذا الزين
ريهام الي شوي وتموت من شكله الي تحلف معاد معها عقل من شافته
ابتسم احمد وضرب كتفه وقال : لا تسوي طالع منها تراك ازين مني
ضحك عبدالله وقال : طيب لا تضربني قدام بنات عمي هيبتي بتروح
ضحكت ريما بهدوء وريهام للحين تحت الصدمه
توسعت عيونه بصدمه وقال : المعذره ما دريت بهم صبحكم بالخير
ريما وريهام بهدوء : صباح النور
لف لعبدالله وهو يتحلف فيه ليه ما علمه ابتسم عبدالله ومشى وبعد مده قال : طفشت سولفو
احمد بضحك : سولف وش انت له تراك تسوق بيدك مو بلسانك
ضحكو كلهم ورفع عبدالله المرايه ويشوفها وراه تضحك وقال : اي يالريم تضحكين وهو يطقطق علي ما هقيتها منتس
فزت ريما وقالت : اعنبوك ابشري بي تبي اصفقه صفقته
طاح احمد يضحك وعبدالله معه لف لها وقال : تبشرين بالجنه لا لا خلاص سامحته
لف لريهام الي ما تكلمت وقال : اف من الي مزعلتس يالهيم
احمد كان وده يعرف اذا سمعته او لا وجا عبدالله بوقته
ابتسمت ريهام وهي تبي تغيض احمد : ماني زعلانه بس عتبانه على وحده بقره 
ابتسم احمد شك انها تقصده
عبدالله بضحك : معتس الريم فكيها عليها تصفقها
ريما بنفس الضحك : ابك وش قالو لك جونسينا
ضحكو كلهم وقالت ريهام : لا مايبي لها صفق براحتها الي ما يبيني ما ابيه
صفقت ريما وماتدري من تقصد ريهام قالت : كفو وخيتي بس امانه لازم تقولين لي منهي
هزت ريهام راسها بمعنى " طيب " ابتسم احمد ولف له عبدالله وقال : وانت بعد زعلان ولا بتعاتب
احمد بابتسامة: لاني معاتب ولا زعلان لاني انا الغلطان
ريهام انصدمت انه فهمها ابتسم له عبدالله وهو عارف مشاعر احمد لريهام الي مو راضي يتقبلها : وش سويت
احمد: والله وانا اخوك ماكنت اعرف انه يحبني وانا والله ما اقولك احبه بس فيه شي يجذبني له مدري وش هو وشكله سمعني وانا اقول اني ما احبه بس اغليه واعزه وماني قادر احدد مشاعري اذا هو حب ولا مجرد شعور عادي و يبي يعاتب
ابتسم عبدالله وريما بتموت فرحه وهي عارفه تماما ان احمد وريهام يحبون بعض ابتسمت وقالت : طيب ما فكرت تكلمه وتقوله يمكن اذا كلمته بتحدد مشاعرك اتجاهه وتبي مني احسه يحبك ويحبك حيلللل بعد
لفت ريهام بكل جسمها لريما وضربتها بخفه وتالمت ريما من الضربه : اه
عبدالله فز : وش بلاتس
ريما وهي تناظر لريهام بخبث : في شي دقني بغى يكسر ضلعي
ضحك احمد من عرف انها ريهام وجلس يفكر بكلام ريما وان لازم يكلم ريهام ويحدد مشاعره وصلو ونزلو البنات ومشو العيال متجهين لدوامهم
......••......
البنات  ريما وصلت المدرسه وريهام وصلوها الجامعه وعند ريما الي دخلت وبدا الصراخ والاحضان بعد مده هدوء
همس : اف ما تتصورون قد ايش اشتقت لكم
هديل وهي تحضنهم : اف وربي اكثر لكم كلكم
......
" تعريف بسيط لشله ريما  "
ريماس :
تكون ام الشله وابوهم تضربهم على الخطى تدافع عنهم وما تخليهم ابد
ريناد :
اكثر وحده حساسه تبكي على اتفه شي حتى الدرجات بس حبوبه ولطيفه
ود :
لطيفه مرره مره وتحبهم كلهم بس القريبه لها ريمان بحكم انها تفهمها اكثر تقريبا نفس شخصيه ريماس بس اهداء شوي لا ننسى بعد انها افضل وحده تسوي لاينر
ريمان :
تكون اقصر وحده وكيوت وحبوبه وقويه شوي ما تاذي احد تنصح وتروح و تكون اكثر وحده تضبط مدمع للعين
همس :
عاد هاذي الي تجي متضايق تروح مرتاح كميه الطاقه الايجابيه فيها فضيعه بس مشكلتها كتومه وذا الي يخليها قريب لريما لانهم نفس الشخصيات
هديل :
اصغر وحده بالشله بالعمر يالله اذا اجتمعت مع ريماس وليان الضحك ما يوقف مزعجين بسوالف والصراخ واذا ضحكت فضحتهم بس حبوبه وفيها من شخصيه همس ويكونون اقرب ثنتين ل بطلتنا
ليان :
بويتنا الحلوه ام التهريبات ما توفر اي فرصه وتهرب فيها من الحصص بس حنونه جدا جدا والكل متفق عليه وزعلها شين
لمار :
بويتنا الثانيه طبعا بويه بس مو على الاسم اهم شي شكلها وارواجها الي ما تفارقها يعني الميكب ارتست بس لطيفه
اميره :
ام ام الرياكشنات وجريئه ما تسكت وتتشمت بالناس قدامهم فضيحه باختصار بس تجنن وفي كل جلسه مو موجوده يفقدونها
اماني :
يالله كميه الهدوء عندها يجنن هاديه وعاقله اقل شي يقال عنها انها احسن وحده فيهم بالركاده وهاذا الي يخليهم يحبونها اكثر لان هدوءها يروح معهم
ريوف :
عاد ذي اذا ما راحت للحمام ( يكرم القارئ ) بالحصص مو ريوف طبعاً ماتروح صدق تهرب وتعشق المنشد  " محسن ال مطارد " مدمنة شاهي وتذب على اتفه شي بس وجودها مهم وملفت