تغني على وتر حبي واقول في قصيد عيونها ديوان

البارت الخامس عشر

احمد بابتسامة : سلامتك
نزل جواله والتفت لهم : خلاص قال المره الجايه تاخذونها معكم
ابتسمت ريهام بنصر ومشو للبيت ..
............
ببيت ابو احمد
قفل من جواله وهو يضحك لانه كان يسمعها تصرعلى البندري تروح لسوق ابتسم ومشى لغرفه البندري دق الباب بخفه ودخل من وصله صوتها بين الكتب : ادخل ي حمود
احمد : يمه كيف عرفتي انه انا
البندري : لانك الوحيد الي يدق الباب قبل يدخل صالح يدرعم علي وامي مثل
احمد بابتسامة وهو يناظر بكتبها : يازيني ، كفو بنتي ذاكري واجتهدي
ناظرته بقهر : وش اجتهدي بموت من التعب كل شوي اذاكر وارجع اراجعه يتعب
تقدم لها وباس راسها وقال : معليه الي تتعبين عليه الحين بكره بتلقين نتيجته والحين وش رايتس نطلع نتمشى
فزت بضحكه وقالت : في ذمتك تم تم وقامت تركض تلبس
ضحك احمد وقام وقال بصوت وصلها : انتظرتس تحت لا تطولين ولا بروح
البندري بحماس : ابشر ابشر
"في بيت العم عبدالله "
ساره الي تتفقد القهوجيه وتتاكد منها والكوافيره ابتسمت من وصلها اتصال من حمدان : لبيه ي عيوني
حمدان بابتسامه : لبيت في منى لبى عيونتس انزلي لي بسرعه
ساره وهي تقوم بخوف : يمه حمدان فيك شي ؟
حمدان بضحك : لا يابنتي مافيني شي انزلي نروح اسوق تشترين لتس فستان لزواج
ساره بابتسامه حب : يله ثواني واجيك
سكر حمدان وهو يرجع نفسه لوراء صح ما تزوجها عن حب عكس اخوه سعود الى انه حبها بشكل كبير وكانها تعوضه عن كل شي فقده وفعلا عوضته بطيبتها وحنيتها عليه
.......••.......
في بيت ام سعد
الي كان مختبص يجهزون شناطهم واغراضهم بيروحون لرياض في بيتهم
اثير : ندى امانه شوفي اغراض اسيل كامله مافيني ابي اخلص
ندى : اي اي توي شيكت عليها كامله وصرخت : ديموووه وجع تعالي
جت ديما تركض : وش فيتس تصارخين خير
ندى : فاضين حن صح تعالي خلصي معنا
تاففت ديما وجت تساعدهم طبعًا خلصو بسرعه بمساعده الخادمه الي موجوده ورتبو الاغراض بالسياره
تقدم ابو سعد يشيك عليها : هاه ي سعد خلصتو ؟
سعد : ايه يبه كل شي موجوده
ابو سعد وهو يركب سيارته : يله ناد امك وخواتك
مشى سعد للبيت يغنى ومبسوط للاخر دخل وقال بصوت جمهوري : ياقوم ابوي يقول يله خمس دقايق وبيمشي
نزلت ام سعد وضربت كتفه بخفه : انا من القوم ولا لا ؟
ابتسم سعد وقرب يبوس راسها : محشومه يام سعد انتي الشيخه سلمى
ضحكت وتقدمت تركب نزلو البنات وكل وحده باغراضها
سعد بصدمه : يويلي وين بتحطون ذي وانا قلت لابوي خلصنا الاغراض
ديما وهي تناظر اغراضهم : سعد مو من جدك ترا كلها شنطتين صغيره نشيلها بيدنا مايحتاج نحطها مع الاغراض
ابتسم براحه وقال : حلو يله من الي بتروح معي ؟ وقطعهم قبل يتكلمون وهو يرفع اصبعه السبابه : وحده فقط
تقدمت اثير وقالت : اكيد مافي غيري
ضحك وسحبها وطلعو وشكرو الباب وركبو
ابو سعد : هاه نمشي ؟
الكل : اي
ابو سعد : توكلنا على الله ومشو متجهين لرياض
............
نرجع لبيت المفضل بيت العم عبدالله
نزلو البنات من السياره وام فاطمه دخلو البيت ومشى عبدالله وجلس بالحوش ويشرب شاهي
نزلت بعد ما تعبت من فرفره الاسواق تبي تتقهوى لمحته جالس وواضح يهوجس لبست جلالها ومشت عنده ( ملاحظه : يقدرون يكلمون عيال عمهم ويسولفون معهم لانهم متربين سواء بس بحدود طبعا ) تقدمت وجلس قدامه بعيد شوي وتصب لها شاهي وهو يهوجس بتركي اخوه وكيف ساكت وشايل ذا الشي بقلبه وما تكلم ومرات يفكر بريما وخوفه من شكها فيه صحى من هواجيسه من سمعها تدندن تبيه يسولف ابتسم من وقفت تغني ورفع نظره لعيونها وقال :