Surprise

Mystery Caller/Black Mailer

Isang linggo ang lumipas matapos ang malaking trahedya sa buhay ni Andy. Wala siyang ginawa kundi mag kulong sa kanyang kwarto. Lumalabas lamang siya upang kumuha ng pagkain.

Hindi magawang harapin ni Andy and sino man, maging ang kanyang sariling ama, dahil sa kahihiyan na sinapit nito sa office ng principal.

Minsan niyang kinuha at binuklat ang kanyang mga textbook sa school, pero naalala niyang isa na nga pala syang drop out.

Anong future na lang kaya ang mayroon sya pagdating ng panahon? Ito ang malimit na tinatanong ni Andy sa kanyang sarili.

12: 12 AM
Nag vibrate ang cellphone ni Andy na naka silent. Hindi nya agad ito kinuha, malamang ay isa na naman itong hate message mula sa mga estudyante sa kanyang dating paaralan. Lagi na lamang niyang nakakalimutan ang balak na palitan ang kanyang lumang number.

Bumangon si Andy sa kanyang pagkakahiga. Sa kanyang table ay kinuha nya ang isang selyadong sim pack.

Aktong papatayin na ni Andy ang kanyang phone upang ma eject safely and lumang sim nang biglang nag vibrate ito, at muli ay isang mensahe ang natanggap nito.

Hindi na nya sana papansin ito pero this time ay isang video ang kanyang na recieve.

Agad nyang inilagay ang dulo ng kanyang daliri sa finger print scanner, mabilis na nag unlock ang kanyang phone, at pinindot and video file na na recieve.

Saglit syang kinabahan at napaisip na maaring isa itong virus. Kinabahan at nag alala si Andy nang hindi agad nag bukas ang file, pero nawala na ito nang magsimula nang mag play ang file.

Ang video ay isang eksana sa classroom. Tila parang pamilyar ito sa mata ni Andy. Oo pamilyar nga sa kanya ito ang mga estudyante na nasa video, sapagkat sila lamang ay ang kanyang mga classmate at ito ang kanyang classroom.

Nakaramdam na nang masamang vibes dito si Andy. Tila nang nasa isang minuto na ng pag play ng video ay alam na nya ang mangyayari nang makita dito ang biglang pagkakagulo ng mga estudyante na parang may bombang sumabog.

Isa itong video recording nang kanyang insidente. Dito ay makikita ang gulat na biglaang pagtayo ni Cristy at ang kanyang pagtumba habang nakalabas ang kanyang alaga.

No no no hindi! Ang sabi ni Andy sa sarili habang hawak ng ngayo'y nagpapawis na kamay ang kanyang cellphone.

Muling nag vibrate ang kanyang phone. This time ay umilaw ang screen. Isang call mula sa isang number na wala sa kanyang phonebook!

Tarantang sinagot ni Andy ang tawag.

"Hello whose this?" Bahagyang may piyok at nerbyos paglabas ng boses ni Andy.

May tunog ng paghinga sa kabilang linya ngunit hindi ito sumasagot.

Mahigit 20 seconds ang lumipas.

Isang tunog ng pagpahid ng basang dila sa mga labi, at saka nagsalita ang isang boses ng babae sa kabilang linya.

Caller: Hello Andy, did you see the video?

Andy: Oo, sino ka? Anong balak mong gawin dito? (Almost pasigaw na si Andy)

Caller: Just relax, walang mangyaring hindi maganda as long na susunod ka sa aking gusto.

1.25 AM
Nagawang makatas ni Andy sa bahay upang kitain ang kanyang mystery caller. Technically kung lalake ang kanyang nakau-usap ay maaring hindi niya babalakin na harapin ang misteryosong tao na ito.

Ang chances na gawan siya ng isang violent na bagay ng taong ito ay hindi nalalayo sa 100 percent. Ngunit sa kadahilanan na babae ito, ay maaring ma-over power niya ito. Hopefully wala naman sanang ganitong pangyayari.

May kaunting patak na naramdaman si Andy sa kanyang bumbunan, galing sa madilim na kalangitan.

Suot lamang ang isang gusot na blue shirt, patalon na mahigit apat na araw nang hindi nalalabhan, at isang overused na sneakers, nag-simulang umihip ang malamig na hangin. Badyang uulan na kaya't binilisan ni Andy ang paglalakad.

Sumakay si Andy sa nag-iisang tricycle sa terminal. Mabuti't meron pa.

Habang nasa maikling byahe si Andy, inisip niya kung anong itsura ng kanyang caller. Ang boses nito sa kabilang linya ay medyo paos at malaki na para bang isa itong tomboy.

Malaki ang chance na ang kanyang caller ay isa sa kanyang classmate. No, more likely ay 100 percent.

Kung iisipin nga ay parang pamilyar ang boses nito.

Tumigil ang tricycle sa tapat ng 711. Hindi na kinuha ni Andy ang kanyang sukli sa pagmamadali, eager nang makita at matapos ang bagay na ito.

1:55 AM
Biglang bumuhos ang ulan nang makapasok si Andy sa loob ng 711. Binati at nag welcome sa kanya ang cashier.

Sa section kung nasaan ang siopao at hotdog ay mayroong magkasintahan na naglalagay ng hotdog sa kanilang buns.

Sa gitna naman ng dalawang shelves ay tatlong mga empleyado ng callcenter ang namimili ng instant noodles na kakainin.

Mukhang wala nang ibang tao maliban dito.

Dito nais makipag kita ng kanyang caller, or baka hindi lamang sila nag kaintindihan.

"Psssst!"

Lumingon si Andy, left and right at hinahanap ang pinanggalingan nito.

"Psst Andy dito"

Isang babae na may hawak ng ilang bag ng junk food na halos matakban ang mukha nito ang kanyang kita malapit sa drinks section.

Mayroon itong buhok na hanggang balikat at mga matang nag reremind sa kanya ng pusa.

Immediately ay nakilala niya ito bilang si Shiela.

Kung may muse of the class na tulad ni Cristy ay mayroong isang Shiela na nasa top 1 ng kanilang class.

Ibinalik ni Shiela sa shelves ang isang malaking pack ng fried fish skin at bumungad kay Andy ang magandang ngiti nito.

To be continued...