الشيم
روزا الجنابي
مُتابعه تصويت تعليق بين الفقرات لطفآ
الأهتمام يخلق من الحب حباً أخر ♥
___________
-دكتور:اطمئنوا هي بخير مجرد جروح بس يحتاجلها راحة
-عويد: بارك الله بيك بويه بس أكيد مايحتاجلها دكتور اخصائي ؟
-دكتور:لا حجي لو يحتاج احنا ننطيكم خبر
-يطول بعمرك يبوي
ترخص الدكتور وراح جدي سند جسمه على كرسي وجهه تعبان والضغط معلگ عنده أمي مابقى بيها نفس مرت ساعة أكثر وطلعنه وصلنا للبيت ونسمع صوت عمي وعمتي ساهرة واصل للشارع. كان البيت هوسة هووووسة كاتلها كتل مورمها تورم لأن هيَ السبب مثل ما گالنه جدي .
-عويد : دفعتها بعيني لتاكلها التراااااب عاينتها من دفعتها على الباب تريدها تطلع من يمها الحقييييرة والله ثم والله لكسر رأسها
-أحمد: بعدين يبوي بعدين
أخذه أبوي وراح للديوان جدتي حيل تعبت وأمي اخخخ من أمي وگلبها الطيب سحبت نفسي بدون محد يحس ورحت الغرفة بيبي أشوف حوريتي مديت أيدي المس بشرتها الناعمة و دموعها يابسة على خدها كعدت مقابيلها بهدوء وروحي نطحنت طحن وأنه أشوف عيونها مورمة وأكثر من سطعش خياط بوجها. دنكت شميت أيدها:
-عسى الأيد لتمسچ ما تلكاها عافية
سحبت نفس بروح محروكة غمضت عيوني وگلبي نااار: وينچ عمة وينج تعاي شوفي حورة شصار بيها راح يموتونها
ختنكت بكلماتي وغصيت بجيت اي والله أنه روحي تحن لعمة حيييل وحوري أخيتي وبنتي هاي بنت عمة الغالية لي كل عمري ما انسى حنيتها عليه
كل طلعه الأكل والحلويات وياها أكثر طفل تدلل على أيدها حبتني رغم أمي ما مقصرة وياي بس عمة سماهر حيل حيل خلتني اتعلق بيها.
أخذتني الأفكار ونمت بين نايم والصاحي طفرت على صرخت حور تبجي بوجع ما اخذت عيني نوم ولا روحي بردت للصبح وهي من أيد الأيد حيلي باد عليها وروحي ذابت وأنه أشوفها مفرفحه من البجي...
*
ضحكت وهي تصيح بوجهي
-حورالعين:حديدووووو بيك بيك أني هنااااااا
إيهاب-شبيج شبيج أريد اكمل يولي مو عندي دراسة
حورالعين:اي قريني المُدرسة راح تكتلني والله حباااااب
إيهاب:حوري روحي يم خالة هيام ادرسچ عندي امتحان
خنزرت عيونها وتربعت كدامي تضرب على الكتاب وتصيح
-حورالعين:حديد حديد حديد حديدددددييييييي
-ياااا ربيييي شلون ما اقرأ اليوووم!
-قريني قريني قررررريني
-تعاي تعاي خلصيني
شمرت كتابي وراي وبلشت اقري بيها هي وأياري ودر حفظن وكملن كتابت دروسها ،طلعت شوية ورجعت هي وأياري.
-خييير
