الشيــم
روزا الجنــابي
مُتابعه تصويت تعليق بين الفقرات لُطفا..
فَراغ بروحي ما مَفهوم
وماعرف شنو ألبيه؟
حُب مرات أحسه
ومره لا غلطان
مشاعِر هاي وقتية.
بس جيب اليقنع الروح
من تندفع بأغنية .
_____
دزيتها وبقَة حايرة ماوصلني اي مسج منه بعدها بربع ساعة اتصل نفس الرقم على جِهاز أيار
- هذة شبييييي
أيار:- ارفضي واحضري الرقم
رفضت الاتصال وقبل لا احضره رجع اتصل وهم رفضتها و حظرت الرقم ومسحت كلشي بعدنا كاعدين واتصل جهاز أيار اخذته وباوعلتي خايفه
- إيهاب
- اي جاوبي وإذا
سكتت تباوع بخوف فتحت اتصال ومكبر الصوت. همست ترجف
- الو
نسمع صوت شخص يمه وصوت إيهاب مبحوح مبين جان يصيح كال بنتر
- أيار
- ها
سكت وسد الاتصال شمرته وطفرت من مكانها تبچي وتصيح
- عرف والله عرف والله راح يمووتني ايهاب
- يمعووده منين يعرف أيار شبيج
- سمعتيي سمعتيي صوته والقران عرفنييي
كعدت تضرب على وجها وتبچي گمت اريد اهديها وهي فرفحت روحها طلعت ماما على صوتها تركض
- ايار يمه شبيج بنيتي ماما اسم الله
ركضت شمرت روحها بحضن ماما وتبچي وتصيح
- ماما اسف ماما الله عليج ماما لا تخلينهم يزعلون منيييي
رفعتها ماما من حضنها تريد تفهم وهي تبچي وتصيح اسف جريتها من إيدي ماما راح تفضح روحها وهو كلشي ماكو
حورالعين- ماما بس شويه كلشي مابيها
هُيام - حورررية يمه اصبري
حورالعين - انا احجي وياها ماما بس شوية
جريت أيار لي صارت خيط وين ما تجريها تروح من الخوف وماما تركض وراي وتصيح شكو دخلتها للغرفة وكفت بالباب
حورالعين:- علمود المدرسة بس احجي وياها دقيقة
هُيام:- ولججحح ماما يااا مدرسة افتحييي
حورالعين:- اسفه ماما بس ماكدر
سديت الباب وقفلته وماما تصيح افتحي وأيار فرفحت روحها تگهد وتصيح عرفني والله عرفني لزمتها وهي تلووب هزيتها حيل وصحت بيها
- ولج اششششش راح تخزينه اششششش
- شلووون شلووون اخلي عيني بعينه صاحبه هذا اخووو ولج ماااكدر
- بس اصبري شمدريج عرف شمدريييج
ضربت على گلبها وتصيح:- خايفه اناااا خااايفه من البداااية خايفه
حضنتها الصدري امسح على شعري وهي تصيح وتبچي لازم ملابسي بقوة وكل جسمها ينتفض وماما ادگ بالباب وترزل بيه
