الشيــم
روزا الجنــابي
مُتابعة تصويت وتعليق بين الفقرات لُطفا.
طِرواك چَن زَخة مُطَر فَزز خَضار بروحي .🤍
_____________
يزيد: - أيااار. انتبهييي هناا
باوعتله ورجعت باوعت للبيت گلبي صار قسمين مابين حورالعين وإيهاب لي راح وهو خشمه ينزف ويسيل على ملابسه بلعت ريگ وحلگي جف
- إيهاب
هز راسه وأشرلي: - كومي من مكانج يله ايار روحي شوفي اختج
- لا تعوفهم روح وراهم حباب عفيه
غطيت عيوني وبچيت زفر نفس وكعد بمستواي
- ايار
مسحت عيوني وباوعتله اشرلي بعيونه وكال بهدوء
- يله صيري سباعيه مابي كلشي تره صعد الضغطه وعادي هيج يصير گومي وانا نص ساعه وراح اجيبهم واجي يله يا عيني
نهضت نفسي من نص الشارع ملابسي كله متربنه وكفت بالباب اشرلي ادخل دخلت مد ايده سد الباب وراح رجعت للبيت وبس صوت الايهم تارس البيت ركضت عليهم حور گاعدة بالزاويه ولتين بيدها الايهم يصرخ ركضت بتجاهي
- راحوو.؟
- اي انطيني الايهم
اخذته من إيدها وهو يصرخ ساعة وانا حايره مابين الايهم وحورالعين لي صافنه بالفراغ بدون اي رد فعل ولتين ضامه وجها بين رجلينها وتبچي بصوت عالي بچيت بقلت حيله وقلق وتعب ما يطلع من راسي منظره من بابا سانده يريد يوگع من طوله وخشمه ينثر دم طلعو ثواني وصار يزيد بالباب احجي مفرفحه ومادري شنو الحجيته ولا شنو الصار بعدها لكيت نفسي واكع بالگاع اسمع صوته يحجي ويَ بابا لحد ما رجعني للبيت وراح وراهم
اخذة الموبايل اتصلت على بابا
- ها بابا فدوة طمني
- ماكو شي بنيتي صار احسن
- إيهاب شلونه عفيه بابا لا تخوفنه
- والله زين ساعة ونجي هذه الايهم ليبچي ؟
- اي ما يقبل يسكت صارله ساعة يبچي
زفر نفس بقهر واسمعا يكول الماما اخذي يزيد وارجعي وانا وإيهاب وراكم جايين
هيام:- شلون اروح واعوفه
احمد:- مابي شي يا عيني لا تكبرين الموضوع الايهم يبچي
سمعت صوت يزيد يمهم يكلها: - يله خاله تره الطريق دقيقين اوصلج وارجع اخذهم
احمد:- لا وليدي سيارتي موجوده لا ترجع
سكتو صار صوتهم بعيد ورجع بابا يحجي
احمد:- ايار بابا
- ها بابا
- هذه امچ اجتكم انتبهي الايهم بنياتي
- صار بابا
- بنيتي السبعه
