الشيــم
روزا الجنــابي
مُتابعه تصويت تعليق بين الفقرات لُطفا.
عِدمن تِشتكي بهالليل الشطوله
و أنتَ اليوجعك ما تگدر تگوله !
_______________
حورالعين...
مثل لي يمشي بسراب وعنده امل يجي نور بنهاية هذه الطريق هيج كنت انتظر امل يجي ويهدم كلشي وارجع حورية اهلي وملكهم
ما اريد من الدنيا بس اهلي وراحتي ما اكدر اجازف بمُجرد فكرة تخطف انفاسي بكل لحظه تمر اتقدم خطوه وارجع الف خطوه باخر اتصال ويا جوزيف تراجعت وشلت الفكرة من بالي ان اتخلص منه عن طريقة التهديد بحقيقة لتين
جوزيف: - حسان مريض وبأي لحظه ماياخذ علاج كلشي اتوقعي منه ابد لا تجازفين وتساومينه بشي
حورالعين:- جوزيف انتهت طاقتي ماكدر بعد عفيه خويه خلصني منه ماااكدررر احجي ويااا ولا اتراجع عن الصار اخاف هذه اوكان قاااتل والله قااتل وحسان بعد اكثر منه مُجرم
غصيت بالكلمة استغفر وسكت شويه كال بهدوء
جوزيف: - قسم بالله العظيم لو عندي حل هسه اگلج واخلصج من كلشي مايهون عليه والله بنت ما الها اي ذنب تتدمر بس حكم القوي على ضعيف وانتِ تذكرين من حجيتلچ سر لتين شصار
بلع ريگي وهمست:- اعرف بس هو شلون عرف انت خبرتني بكلشي
جوزيف :- مخلي كامرات بالبيت وسامع كلشي وبيومها خسرني نص املاكي بصفقه وانهى كل الشراكه بيني وبينه من غير شركت ابوي على اخر لحظة راد يفلشها بورقه وحده عنده انا ساكت هم غصبا عني والله
زفر نفس وسكتت گلبي نار ومشتعله بي كال
جوزيف: - ما انصحج تستفزينه بالتين والله ياخذج وياخذ لتين منهم تتدمر بنيه مالها كل ذنب خلي تكمل فترت زواجكم والله اساعدج بكلشي بس هسه ماكدر هو عينه عليه
حورالعين:- تمام خويه شكرا الك واعتذر لان تواصلت وياك وسببتلك هواي مشاكل
جوزيف:- لا على بختج انا الاعتذر منج يمكن لو ساكت هسه انتي خلصانه من كل هذه
حورالعين:- ان شاءالله خير
جوزيف: - اتمنالج السعادة مع سلامة
-مع سلامة
سديت الاتصال منه ولميت نفسي اباوع بأرجاء الحديقه الظلمه الوقت قريب الفجر كلها نايمه بس انا كاعده وهذه اخر ايام كان عندي امل بس هسه خلص كلشي رفعت راسي ودعيت بضعف جوا رب العالمين ان يخلصني منه
رجعت للبيت نمت وبعدها بيوم بلشت تجهيزات الزواج كل يوم يمر الف موته امووت واصبر نفسي واهونها وكلشي اطلب تم حاولت ارفض كلشي يريده بس حتى يرفض وتصير مشكله وينتهي كلشي بس هو كان ذكي وفط بكلشي ما يرفض ولا حتى يهتم
