الشيــم
روزا الجنــابي
متابعه تصويت تعليق بين الفقرات لُطفا
أرتب للحَچي بمَلگاه أوصل يمّه واتبهَذل
_____________
:-ايار كملتي ماما
:- اي بس اضيفله ليمون ونعنان
كملت ماما تحضر الصينيه الكبسه وريحتها تارسه البيت وحور واكفه تحضر بالاماعين على طاولة واخير بابا تعود نكعد كلنا بالمطبخ ناكل
هيام:- حور صيحي اخوج
حورالعين:- ايهاب طلع
هُيام:-وييين؟
حورالعين:-مادري قبل شويه سمعته يخابر وبعدها طلع
سكتت ماما بس نظراتها وحركاتها تفسر عدم رضاها وتوترها من ايهاب. اجه بابا واحنه مداورينه
احمد:- عاشت ايدج هيامه
هُيام: - وايدك الف عافيه عليكم
مد ايده ربت على ايد ماما بـ حب وماما. حمرة ودنگت خدودها تريد تنفجر دنكت اكل واتلذذ بالطعم كملنا اكل ولمينه البيت وكعدنه نتابع مباريات انتهت بفوز العراق
احمد:- على هذه الفوز خلونه نطلع نفرفركم شويه
حورالعين:- يااااي يلا
ركضنه لبسنه وطلعنا ورا ماما. قفلت الباب والمفتاح حطته بالسندانه علمود ايهاب فرفرنه بابا شربنه عصاير واخذنه ويانه ايس گريم ورجعنه للبيت ساعة عشرة ونص. مدت ايدها ماما لكت المفتاح بمكان
هُيام:- اتصل بايهاب شوفه وين هذه الولد ناوي يموتني
احمد:- على كيفج هسه اشوفه وينه
اتصل بابا بي ما رد إيهاب دخلنا للبيت اني و حور الغرفتنه غسلنا وكعدت اسرح بشعري وحور نايمه على چريايتها
حورالعين :- شعجب ماتكصين شعري حتى يطول
ايار:- شعري مثل شعر ماما مايطول
حورالعين:-ليشش
أيار:-جينات وراثيه
حورالعين:-وانا لعد شو يطول بسرعه
أيار:-ماما كالت خاله سماهر چان شعرها طويل واسود مثل شعرج
