الشيــم..
روزا الجنــابي
رَكز بيّة كلش زيَن
رَاح تشوف انتَ
شَگد بشَر ظالِم
تعَبِت الإنسان الـ شِافك
اطمئنان مستثنَيك
مِن گلوب هَالعَالم ....
متابعة تصويت تعليق بين الفقرات لُطفا.🤍
بارتين دمجتهن سوه لا تنسو تعليقاتكم الحلوة.🤍
______________
لتين
وكعت بالگع رجليني بادت وحيلي يرجف خاله تحجي بصياح و تهز بيها تريد تفهم شكوو و حور شُبه فاقده خرمشت وجها وتصيح بعلو صوتها گطعت گلبي تشهگ والكلام يتقطع بصوتها ترجف
حورالعين:-راحت جدة راااحت مااتتتت يييممممممااااااا. جددددة
ضرب ايدينها بالگاع وتصيح وتبجي الموقف مُرعب خالة كعدت بالگاع لازمه راسها تباوع لـ ايار وحور العين ودموعها تنزل. لميت نفسي وبچيت. غمضت عيوني وستحمدت ربي من عرفته مو ايهاب فتح عيوني اباوعلهن بخوف
سحبتهن خاله الصدرها وتبچي. ماكدرت اتقرب يمهم ولا اتحرك من مكاني. مر وقت هواااااااي وهنَ على وضعهن حور صارت تشهگ النفس من كثر مابچت وصحيت.
اما ايار طبعها هادئ حتى وهي تبچي بدون صوت ماخذه من خالة بكلشي الهدوء والشكل كومتهن خاله تجر بوحدتهن اخذتهن للحمام دخلت حور وايار كاعده بالباب وضامه وجها بأدينها وتبچي
رجعت خالة للغرفتهن جابتلهن ملابس لونهن اسود. انطتهن الايار ورجعت عليه مدة ايده گومتني
هُيام:- روحي بنيتي البسي ملابسج وخلينه نطلع
لتين:- وين نروح؟
بلعت ريگها بصعوبه تحجي:- البيت جدكم
راحت وانا رجعت للغرفة لبست بنطلون وقميص اسود اباوع الملابسي وما مقتنعه بس ماعندي اي شي مُناسب وماعرف شسوي طلعت للصالة وطلعت خاله لابسه ثوب وربطه اسود. رفعت شافتني سبقتها وحجيت خجلانه
لتين:-خاله ماعندي اي شي البسه عادي البس هيج!!
هُيام:- لا يُمه شلون يصير تعالي وراي
مشيت وراها للغرفة انطتني دشداشة وشال اسود
:- البسيهن ماما ما اريد احد يجيب طاريچ بكلمة على مودچ اني
:-لا خاله انا هم ماعرف
مسحت على راسي وطلعت لبست وگفت اشوف نفسي طالعه العب النفس دشداشه چبيره وطويله عدلت شالي شلون ماكان وطلعت انتبهت حور وايار نفس شي هم طويل وعريض ولونهن اسود . كعدت وحور گدامي ساحبه رجلينها الصدرها وصافنه بالفراغ دموعها تنزل. ماعرفت شنو اسوي ولا شلون اواسيهن بحياتي ما مريت بهيج موقف
