الشيـمروزا الجنــابي
مُتابعه تصويت تعليق بين الفقرات لُطفا..
وينك يا وطَن روحَي؟
يَشمس العَافية المتغيب
ويَنك ياجرح عُمري
يجرحي الما اريدة يطيب
مثلك وطن وين الگة؟_________
سديت باب الغرفة وطلعت بيدي الكتاب واسمع صوت ماما وبابا بالحديقة والايهم يمهم دگيت باب غرفة لتين وفتحتها كاعده تقرأ قرأن وبيدها المسبحه اشرتلي شوية دخلت وسديت الباب كعدت على الچرباية انتظرها تخلص وبالي يم حسان
هذه اليوم السابع وهو مختفي كان المفروض اليوم يجي بس ما اجه ومن يوم الراح لليوم ما مرتاحه ابد كملت ورفعت راسها
لتين:- ها حورية
حورالعين:- اول شي تقبل الله ثاني شي إيهاب شوكت يرجع
ابتمست: - اول شي منا ومنكم ثاني شي والله مادري خابرو وطلع على شنو ما سألته
حورالعين:- منو خابره
لتين:- لو فهد لو يزيد ما متأكدة
راحت بتجاة الكنتور صفطت الإيزار ورجعته بمكانه والقران بمكانه واجت تمشي وتعدل بشعرها
لتين:- بيج شي مو على بعضج
:- هئ
غمزتلي وكالت بتلاعب:- مشتاقه للحب اويلي ولا تعترف
گولبت عيوني اكذب عليها مدري على نفسي: - نجبي
:- هههه الله عليج ما مشتاقتله
:- هو وين هم خابرج
ضربت كتفها بكتفي وكالت بخباثه:- سألي سألي لا تخجلين
:- راح ادفرچ لتين
:- هههههه لاماخابرني من يوم لي لتقيتو بي بعد ما تواصل ويايسكتت اكل بشفايفي وهي تباوعلي وگفت وكالت
: - تعالي نرسم صار هواي ما راسمهحورالعين:- ماعرف ولا احب الرسم بس خليني اباوع عليج
لتين:-حلو الرسم انا اكثر شي من انقهر واتعب ارسم وارتاح فدنوب
فتحة باب الكومدي الخاص بالالوان :- يعني هسه انتِ مقهورة
:- لا شعندي بس شفتج ضايجه كلت يمكن يتعدل مزاجج
كعدت على القنفة وهي سحبت الكرسي وثبتت لوحة على استاند عيني على لوحاتها لي راسمتهن كلهن إيهاب وكم وحده بيهن مو الايهاب مرتبتهن بالزاوية باوعتلي. ورجعت عينها عليهن
لتين:- من اقسى مراحل المريت بيها بحياتي كانت بهذا اللوحات الوحيد لي تهدء اعصابي من ارسمه حبابي
حورالعين:- اتذكر كلنا تعبنا وياج بذيج الفترة بس الحمدلله عدت
هزت راسها واخذ قلم من بين مجموعة اقلام مشتابهه فقط الارقام تختلف واكيد انا ما افهم شنو معناها بس هي رسامه تفهم وتعرف كل قلم وين تستخدمة عضت شفتها وقلصت عيونها تباوعلي