الشيــم
روزا الجنــابي.
متابعه تصويت تعليق بين الفقرات لُطفا..
شهل ضياع. الماله تالي
انه من يا وكت صاير لا ابالي
انه اول تالي افز ماعندي غالي
من يمته البرود بروححي هيجي؟
شغيرج ياروحي احجي..!
____________
هُيام: - شصاير ماما حاجييني
سمعناها صارت تصرخ بصوت عالي ماما شمرت الموبايل وركضت للغرفة اخذة الموبايل خليته على أذني واسمعها تصيح وهو يگلها مو يمج والله بس أهدي راح أوخررر وهي مستمره تصيح طلعو بابا وماما ركض ركضت وراهم وماما تصيح ارجعي بس وين انا گلبي طار قبلهم
هيام:- الايهم نايم روحيييي
حورالعين:- أيار وخاله هنااا ماما عفيه
ركضت ماما الغرفتها اخذة الايهم وراحت الغرفتي عافته يم أيار ورجعت تركض صعدنا ونطلق بينه بابا نص ساعة اخذة من عدنا حيل مانكدر نحجي ولا حتى نحزر شنو الصار. نزلنا گدام الفندق لكينه الأمن بمجرد اخذ هوية بابا دخلنا ركض للطابق الثالث.
نگطع نفسي يله وصلنا الغرفتهم بابا بقه بره وانا وماما دخلنا كان باب بس مرود شهكت بخوف وصدمه وانا اباوع المنظر إيهاب ظهره وإيده ورگبته عباره عن جروح والدم لتفت و اشر الماما وهو گوه يجر النفس
- روحيلها ما تكدر تشوفني
ركضت ماما دخلت للغرفه الثانيه وانا وراها جسمي كله رچف لتين ضامه روحها بالزوايه وتبچي بصوت عالي رجلينهه كلها مجرحهه وتذب دم شعرها مغطي وجهه يختض كل جسمه برچفه قويه حضنتها ماما وغطتها بعبايتها وهي تردد
- لا تلمسني لا تسلمنيي وخرر وخرر عوفني وساام لااا لا تلسمنييي اخخخ مامااا
تدفعت بماما وتجر بروحها منها تهذي وصوتها رايح حضنتها ماما الصدرها عيونها تريد تطلع من مكانها من الخوف تمسح على راسها وتعدل بشعرها
هيام:- يمج حبييتي هاي انا ماما لتين بنيتي
وهي عبالك فاقده مغضمه عيونها وتهذي بنفس الكلمه جسمه يهتز بقوة
-لا تلمسني لاتلمسني تأذيني لاااا لا وخررر
تقرب خطوتين إيهاب ليم ماما وهي تهز براسها سحب تشيرته لبسه ويأشرله ماكدر احجي
هيام:- احجيي شصاررر
بلع ريگه وعيونه على لتين بمجرد سمعت صوته صرخت لتين بقوة وتصيح
- وخرررر عنيييي لا تلسمنييي لا تلمسنيييي اخخخخ
نهد حيله وهو يباوعله ملخت نفسها وإيدين ماما فتحت عيونه على كبرهن وتأشر على إيهاب وتحجي الماما تبچي فاااقده
