الشيم
روزا الجنابي
مُتابعه تصويت تعليق بين الفقرات
؛ يَا ضِحكتي
و بيت رُوحي
و يا روازين الفرَح
من تكون ويايّ
تحلى الدنيا
و تلالي ضِحكتي
و الخَساير كلها
تتحول ربح . .
-----------
الكفوشه والبسمه الخفيفه التنرسم على مبسمها الوردي
وشعراتها بـ الون الفحم
وعيونها البُنيه
اصابعها الناعمة واظافرها المزينه بالون الصبغ الاحمر
واسوارتها المشبح المزين إيدها وضايفلها جمال جذاب يخلي گلبي يفرفرف
رمشت بعيوني بثقل ما اريد اضيع هيج منظر عليه ولو هو كل يوم اشوفه بس كل مرة
كأنما اول مرة.
ابتمست على تناسق الالوان بين ملابسها وملابس ابوها التشيرت ابيض والبيجامة بـ لون الحبري
حركت إيدها فزيت بسرعه رجعتها لمكانها فتح عينه إيهاب بنعاس وهمس ببحه غالبه النعاس
:- جهنمي
:- گلَبي
:- ما نمتي
هزيت راسي لا وسحبت إيده نمت عليها لان الانسة نجمة محتلة صدره
ضمني علي وميل راسه بحذر باس شعري بنفس طويل
:- تعبتي ارتاحي
:- ما تعبانه شبعت نوم اذا تحب اخذ نجمة وكمل نومتك ماخلتك تنام
:-لا عوفيها نايمة مرتاح بنومتي
:- اممم مرتاح طبعا بنتك محتله گلبك وانا ورا ورا هيج صارت من البداية
ابتسم وميل راسه باس جبينها:- محد ياخذ مكان احد نجمتي نايمة ببيتها
:- بييييتهااا! !
سد حلكي وهمس:- اششش راح تكعد
رتخت ملامحي وهمست صاكه اسناني:- بييتييي هذه بييتيي مو بيت نجمة
:- لا تغارين يولي بيتج
:- وخرها يلا
:- تكعد وترجع تبچي
:- مااا والله مااااااا
ضحك وميل راسه وهمس:- تقربي اشمج اووويل كلبييي ليحبج
:- مااا الا توخرها يلا
:- يلا نوخرها تدني شويه
ابتعدت مسافة عنه حاوطها بحذر ونزلها من صدره فتحت عيونها وسدتها بعدهي نعسانه لليل كله ماخلتنه ننام لا اني ولا إيهاب
رجعها المكانها رجع مدد فتحلي إيده
:- وهذه بيتج
ضحكت وضميت روحي بحضنه حاضنته بكل قوتي باس عيوني ونزل وجهه يشم بركبتي ميلت راسي وهسمت بضحكه
:- لا ادغدغ إيهاب
:- وين مدغدغج
:- هههه لا تتنفس عفيييه
ضحكت بصوت عالي من زفر نفس قوي صرخت نجمة تبچي فتح إيده يريد يگوم حضنت رگبته وعبرت رجليني على رجلينه
:- تبجي نجمة
:- ماااا ماااا
:- هههه لتين بس اسكتها والله
:- والله ماااا
