الشيــم
روزا الجنــابي
مُتابعه تصويت تعليق بين الفقرات لُطفا..
ثگل بيه الحِزن مَرتين افز بليّل
وادوَر بالصُور هَلبت يردِلي الحَيل
يماخذني قصيدة بديرَة الطرشَان
عشِرتك تعبَتني وشفت بيهَا الويل .
_________
حساااااااااان
صرخت بعلو صوتي وگلبي وروحي ركضت قبل رجليني حاوطني بإيدينه ورفعني من وسط الشارع اصرخ بدون وعي وهو يضرب وجهي خفيف ويحضن بيه على صدره جسمي كله ينتفص بين إيدينه يحجي بخوف وللهفه توسطت صوته
حسان:- يمج يمج مارايح يمج اششششش اششش
كعد محاوطني بجسمه وذاك الولد يصيح بعلو صوته صار صوت حريق قوي وكل شوية يتناثر جزء من السيارة اريد ارفع راسي ويمنعني التقطت مسامعي صوت إيهاب يصيح بأسم اكثر من مرة
- حسان إيهاب بابا
- اصبري لا ترفعييين راسج
رفع راسه وصاح: - شاهيييين
شاهين:- روووح امااان
گومني يمشي بظهري ويتلفت بخوف طلعو إيهاب وبابا بالفرع ركضت بتجاهم وحسان كال بعجله
- ايهاب سويچ سيارتك
إيهاب:- شصاير
حسان:- يله يله بسرررعه
ركض إيهاب جوا وحسان يتلفت مابيني وبين الولد الاثنين الواكفين ببداية الفرع كال وعينه على الطرق
- عمي حوريه بأمانتك
احمد:- اطمئن يبني
رجع إيهاب خلا المفتاح بإيد حسان
إيهاب:- يحتاج اجي وياك
حسان:- لالا بس انتبه للبنات
ركض بتجاة السيارة صعد وشخطها وصل للولد صعدو والفرع انترس عالم رجع حسان السيارة ليم الباب وأشر الإيهاب مادري شنو گاله وشخط السيارة وراح رجع إيهاب دخلنا للبيت
إيهاب:- ثارات بينهم محد يكدر يدخل
احمد:- حسان وين راح
مسح شعره وزفر نفس قوي:- للانبار لا تخافون زلم ينتظرونه ببداية بغداد ماكو شي
بعدنه واكفين وگبت نار عالية دخلنا بابا خايف لتمت الشرطة والاسعاف نخبصت الدنيا گلبي نار وتسعل خفت على بابا وإيهاب يمسهم شي بسبب الصار
للصبح ماواحد من عدنا اخذة عينه نوم لتين وجها اصفر وساكته ماحجت اي شي ومااما تلوب هي والإيهم بعد الفجر رجعت اتصلت على نفس الرقم مال حسان مايجاوب روحي راحتت الوب زوهرة وگلبي نار
أيار:- شوية وارجعي اتصلي خاف يمه احد
حورالعين:- يجاوب ماعليه يجاوب
