الشيــم
روزا الجنـابي
مُتابعه تصويت تعليق بين الفقرات لُطفا..
وشكد حِلوة مِني ميت مخليك
ومو بس ما أحبك ما اتشرف بيك
اگدر اختفي من عيونك وارتاح
بس يعجبني هيج تراقب مخليك ..
___________________
لا انا الاگدر ابتعد ولا ابقه بين إيدينه المحاوطه خصري بلع ريگ متوتر وجسمي يفز من انفاسه تلمست شعره بهدوء إيدي ترجف اريد بس ابتعد منه
- حسان
تنفس بقوة وشد إيدينه اكثر كال بنبرة كوه تنفهم
:- يمج خليني اريد ارتاح بردي گلبي بين إيدينج
- بس ااكعد عدل خليني افهم مافهمت عليك
حجيتها وحاولت ابتعد جسمي كله يرجف وشي بداخلي ما متقبل قربه مني بهذه الدرجة رفع راسه عيونه حمر وشعراته مخربطه نازله على عيونه بلع ريگه ورمش عيونه بثقل صوته مبحوح
- بس ارتاح وارجعي ازعلي براحتج وسوي التردينه لو تطلبين عيوني انطيجياهن محتاجج بهذه اللحظة ضميني بين إيدينج حوري
عيوني تنتقل بين عيونه بتوتر وخوف وارتباك ماعرف شبي شكله وصوته ونظراته كلها غريبه بقيت ساكت اريد ارفض وابتعد منه واكول خلي يحترك بوحده وشي ثاني يكلي لا يمكن صدك متأذي ويحتاج شخص ويا بين عقلي المقتنع وقلبي الرافضه ورافض قربه حجيت بهدوء
- منو المات
رفع جسمه وكعد عدل تنفس نفس متقطع نزع سترته وفتح دگم القميص سحب النفس بقوة مخنتگ لتفت علي يريد يحجي مايكدر كال بغصه
:- قاتل ليليا وامها
توسعت عيوني بصدمه ورچف گلبي صحت بدون وعي
:- ليليا ماتت قتل!!
هز راسه اي وشخط صوته: - اي قتل
- بس انت گلت حادث!!
-جنت انتظر الوقت المُناسب احجيلج كلشي
هزيت راسي لا :- ماريد اسمعك مامستعده اسمع شي ثاني كذب كافي
سحبت رجليني اريد اگوم ثبتهن بإيده الترجف
:- هسه احجيلج كلشي لا تكومين
- ماريد اسمع شي
سحبتهن حيل من إيده لزم إيدي رفعت راسي بنفاذ صبر واحس الحرارة حتى من أذاني تطلع
- حسان ماريد اسمع شي
- ما احجي شي بس خليج يمج
هزيت راسي لا : ماريد احجي وياك ولا اشوفك
عيني بعينه نظراته لو الانسان من صخر هم يلين گلبه على كد التعب البيهن كلشي واضح شكد متأذي عاف إيدي ولتفت عصر عيونه مردهن مرد
- هاهيه روحي
گمت من يمه دخلت للحمام مخنوووگه صدري نار وتاكل بي غسلت وجهي ورفعت راسي اباوع العيوني الحمر لشوكت تبقين ساكته ويوميه كذبه جديدة وكل يوم هم لشوكت تتحملين اكثر من طاقتچ
