الشيــم
روزا الجنــابي
مُتابعه تصويت تعليق بين الفقرات لُطفا♡
احياناً مَشاعرنا
توهمنا بمَشاعر ناس
يخطؤون بأسامينا
نجيهم روحنا تزخ شوگ !
نرجع مادري شبينا
من مَلگاهم البارد
نحچي وبالهم شارد
هاي اللحظة بيها
نشوف كُل شي من طرف واحد ..
________________________
فلاش باك.
:- ياري انتِ هسه مصدك كلامها!!؟
:- شنو غايتها لعد من اختك تخابرني وتحجي هيج
:- هاهيه روحي شوية وجاي
:- لا تجي
سديت الاتصال ارجف لميت رجليني الصدري اسد بأذاني وصوت صدى كلامها براسي.
-ااخوي حاول يقتل اخوچ ويزيد يدري كلشي
وضام عليج مايريدج هو بس يحرگ گلب اهلج ويعوفج كلنا مانريدج والله نسود عيشتج بس تجين
اهز براسي لا كلامها يون براسي ذبحني احاول ارتب كلامه ويَ كلامها ما عندي هذا القابليه عقلي تعب من التفكير
مرت ساعات واني بمكاني نايمة وصافنه بالفراغ
غمض عيوني وبچيت قلة حيلة وضعف وتشتت
:- أيار
مسحت دموعي بسرعة ورفعت اللحاف من وجهي
:- ها ماما
سدة الباب واجت ليمي خايفه:- يا روحي يا ماما شبيج بنيتي
:- مابيه بس بطني توجعني
:- عندج عذر الشرعي!!
هزيت راسي اي زفرة براحة وكالت:- يزيد بالديوان يريدچ
:- ليش اجه!!
:- والله مادري هو وامه هنا وكال اريد احاجي أيار
كومي رتبي نفسج واطلعي سلمي على الحجية وروحي
نهضت نفسي وهي طلعت للصالة يم خالة طلعت للحمام غسلت ورجعت رتبت وجهي اخفي اثار البچي بلعت غصتي وطلعت سلمت على الحجية وهي بالكوه تحجي مريضه حيل لي عرفته من يزيد عدها سُكر ومريضة قلب
هُيام:- حبيبتي خطيبج بالديوان ينتظرج ماما
هزيت راسي اي اريد اگوم وحسيت بإيد الحجية على إيدي طبطت عليها وكالت بنبرة تعبانه بالصعوبة تنطق الحرف
:- وليدي متعوب من صغره بردي روحيته وطمني ترا حارب الصغير والچبير لچل ياخذچ لا تكسري بنص طريچه
باوعت الماما هزة راسها وابتسمت:- وليدج وليدي حجية بردي گلبج
طلعت گلبي مقبوظ وروحي مخنوگة خنگ تلگتني لتين يم الباب وكفت گدامي تمسح بدموعي
:- اسمعي منه لا تستعجلين مستحيل يزيد يسويها ويحاول يضُر إيهاب بشي
:- واذا طلع صدك
هزة راسها وهسمت صوتها يرجف:- والله مايسويها ولو صدك إيهاب مايخاويي لهسه
مسحت وجهي ازفر نفس بقوة عدلت شالي وطلعت للديوان فتحت الباب ودخلت عيني علي كاعد ومدنگ راسه بين إيدينه نسد الباب رفع راسه وگام يمشي بتجاهي
:- أياري
