الشيــم
روزا الجنــابيمُتابعه تصويت تعليق بين الفقرات لُطفا..
گطرَة بشِط عشرٌتك
رأحَت ويْه الروٰج اذا رايدِنه
نرجَع غربّل المَاي_______
أغمض عيني وافتحها بتعبت نظراتي من لتين
لـ إيهاب شهكت نفس بروح ماكان نفس جمرة وتلسع بصدري ثبتت عيني على قطرات السيروم تنزل بهدوء وترتيب وحده ورا الثانيه بثواني متعادله اتمنيت حياتي تترتب بهذا الشكل غمضت عيوني وتاخذني الافكار تنهش بروحي .فزيت على صوت إيهاب يحاجيني بهدوء
:- حورية بويــةفتحت عيني اباوعله سحب الكانيولا من إيدي وخلا لاصق جروح بمكانها:- صرتي احسن
ابتسمت وهمست صوتي رايح:- احسن
- تنامين شويه لو تاكلين؟
- لا اريد اناممسح على شعري بحنية ورفع الغطه على صدري درت وجهي. مغمضه عيوني وساكته اسمع بس همساتهم هو ولتين تستفسر على حالتي وهو يكلها تعبانه ويحتاجلها راحة مابيها شي
بعلت ريگي اصبر نفسي ما اريد ابچي نزلت دمعتي
چوت خدي وتساقطت بعدها وحده ورا الثانيه
شلون احجيلها واذا صار شي بسببي
شنو رد فعل اهلي اذا احجيلهم وشنو الراح يصير
زين حسان شنو رد فعلهخايفه حيل خايفه بس لهنا وانتهت طاقتي بعد
فصل عقلي للثواني ويمكن الدقائق ورجعت للواقع
مسحت عيوني ودرت وجهي عليهم لتين نايمه على رجلين إيهاب تباوعله مبتسمه وتحجي بخفوتلتين:- هسه شنو حجيت گتلك عيونك احبهن مثل لون القهوة يعدلن المزاج
جعص وجها بإيده مبتسم وعاض شفته مكزكز
:- شلوون بيه ويَ سوالفچ انييي شلووونلتين:- هههههه فدفد شحبك
دنگ باس خدها وهو تهمس وتأشر على شفتها ما منتبهين عليه غمضت عيوني خجلانه واسمعها تحجي بدلع
- حبابي بوستك عسسل
- اشعل اهللللج لتييين اششضحكت وسكتت جريت اللحاف اسوي صوت حتى ينتبهولي نداريت وفتحت عيوني لگيتهم كاعدين وعاقلين شحلاتهم الادب ينگط منهم
لتين:- كعدت الحورية
گمت ليمها كنبصت گدامها وخليت إيدي على جبينها
لتين:- شلونج هسه مو احسن؟حورالعين:- اي الحمدلله
گعدت تجر بملابسها وكفت گدامها نزلت التشريت وخرت وهي طلعت تغسل نداريت على إيهاب
لتين:- حبابي جوعان
إيهااب:-اذا من إيدج الحلوة ناكل
لتين:- تعال لعد خلينه نسوي
اشرلي بحاجبه اطلع ضحكت وغمزتله: - تعال شبيك
إيهاب:- راح اگوملج