الشيــم
روزا الجنــابي
مُتابعه تصويت تعليق بين الفقرات لُطفا..
دِرت الكون كُله ومالگيت زويّة تحضنّي
احضني يالتعبت مني .
_________
كاعدين محتفلين بالنتائج وماما تخطط تسويلنا حفلة وأيار تكلها اريد أسافر ما اريد حفله
هُيام:- يخلص إيهاب ونروح للشمال
أيار:- للشمااال!! ما اريد اريد اسافر ماما مو سفرة
هُيام:- وين جوازچ؟
أيار:- اسوي جواز عفيه ماما
هُيام:- شهر ما يكمل شوكت تبلشين دراسه لعد ماعندج غير الشهرين وقبلها الاختبار اصعب عوفي السفر وكملي السادس وبعدين سافري
دنگت راسي شكد ما فرحانه لـ ياري بس الغصة بعدهي بگلبي نداريت على صوت لتين تدخل للمطبخ مرتبكه تمتمت
لتين:- ماما حسان يكول كولي العمو جايين شيوخ علينا
هُيام:- شيووخ! ! ليش يمه وين هو حسان
لتين:- مادري بس كال كولي العمو
عفت ماما ولتين يسولفون وطلعت الغرفتي گلبي يدك بقوة. وروحي شايطه اريد اتصل وما اريد ما اريد يسمع صوتي بعد كل هذه الفتره كتبت مسج ودزيته بعد مية مسج منه وتجاهلتهن
- شعندك جاي.؟ لتجي ولا تشوفني وجهك
كتبت ودزيته روحي تلوووب وگلبي فرفح وصلني مسج خلاني اشيل بروحي وادگها
::-ليش منو يمج ومن كالج انا اريد اشوفچ !
شمرت الموبايل سديت حلكي وصحت كاتم صوتي نار نااار وشبت بين ضلوعي اعلمك والله لندمك والله يا حقير اسمع الموبايل يطنطن رسائل عفته وطلعت. يم ماما كملنا ترتيب الديوان ورجعنا للمطبخ نحضر الضيافة
حورالعين :- ماما انا نعست اريد انام
هُيام:- روحي ماماتي براحتج
طلعت من المطبخ انتبهت على لتين تخابر بإيهاب تريده يرجع وبابا شايل الإيهم واكف بالحديقه رجعت الغرفتي وچربايتي واغراضي كلشي بمكانه مددت وغطيت راسي مغمضه عيوني اريد انام بس يا نوم ليجيني
وانا نار تلهب بين ضلوعي
شكد حاولت اهدء وما افكر بشي بس ما گدرت كلشي يجبرني افكر بي
اكره روحي كره من اذكر شكد اذاني نفسيا وطيح حظي
وهسه اي شي يذكرني بي اكثر من مرة لزمت إيد
بابا او إيهاب من تكون دافية تفزز روحي
وارجع واعاند كلشي حاسه بي واكول اكرها مستحيل يجي يوم واحبه
مر وقت هواي واني واكعه بقوقعة افكاري حسيت على لمساته هادئ على شعري وصوته الحنين يهمس بهدوء
