الشيــم
روزا الجنــابي
مُتابعه تصويت تعليق بين الفقرات لُطفا..
يابعد گلبي وحنين البيت لـ اهله
انتِ روحي وقبل روحي
وكلشي غير عيونك حلوات ولَه
موركن بيتي الدافي انتِ
البيت كله
_______________
صوته رچ المدرسة تلاغه هو والمديرة وحاولت تعتذر منه وتسد السالفه بس هو لا راسه والسيف جر حورية من إيدها وگفها يمه وصاح بثقه وصوت عالي
حسان:- كلاااامج ورفعت إيدج على حورالعين اخذ حگها مربع منچ
المديرة:- استهدي بالرحمن وخلينا نحلها هنا ماتسوه
هز راسه بغصب ينفي اي نقاش لتفت وصاح
- أياااار
طلعت اركض من بين الطالبات حيلي يرعش
- ها
- ركض جنطتج وجنطت حورالعين
رجعت ركض اخذتهن وطلعت اركض ورا يمشي ويصيح وينتر تخبل وحورية موتت روحها من البچي صعدها بالسيارة وبقه واكف يمسح بدموعها حاضن وجهه بين إيدينه
حسان:- لا تبچين والله اكسر إيدها لرفعتها عليج والله بنت القندره منووو هي وترفع إيدها عليييج منووو
سديت الباب وهي تجاوبه بشهگه تگطع الگلب
- فضحتني بين الطالبات شلون اداوم بعد كالت كلام مو حلوه علي والله ماكدر ادوام عييب
حسان:- اداومين وتاخذ حگچ من عيونها هذة الناقصه اخليها تركع گدام رجلينچ وهي الممنونه خوش لا تبچين امسحي دموعج يله
مسحتهن تشاهگ بغصتها ندار حسان صعد وعينه عليها ينتفض غصب مشه وهو يسب ويلعن بيها لتفت عليها ومد إيده على خدها يتحسس مكان الراشدي اصابعها كل واحد بمكانه
حسان:- الله غضب عليها وصار هيج خليها تشوف الامهات شچيب اني الها
حورالعين:- والله اني ماحجيت شي بي كتلها مو درجتي وهي صارت تصيح وتفشر عليه دگول ام الزلم ميت عليك اني هااا تره والله ماريدك انيي
ابتسمت غصب عني حتى بنص عركاتهه ما تعوفه اخذ إيدها بيده
حسان: - ختولي لسانها اكصه هلكلبه هاي لعد لسانج طلع بي عليه ولج حورية مو الزمها واسحلها بنص الساحة وانعل اهل اهلها
مسحت دموعها ورجعت تبچي مهضومه:- ضربتني بنص الطالبات وفشلتني ردت اموت من الفشله شلون هيج تسوي بيه
صف السيارة على جهه نزل من السيارة بيده بطل مي فتح الباب الثاني ومدلها البطل
حسان:- تعاي غسلي حورالعين كافي يُبا والله اخذلج حگ كل كلمه سمعتيها والله بس اسكتي
غسل وجهه وانطاهيا تشرب شربت شويه وسكتت شمر البطل وعدل شالها
حسان- خليني اسوق فدوه العيونج مو راح نسوي حادث من ورا هلدموع هاي
