الشيــم
روزا الجنــابي
مُتابعه تصويت تعليق بين الفقرات لُطفا..
يا طعم الثلج وطعم النار
ونكهة شكي ويقيني .
______________
إيهاب: نسلي يا منها يا اكطعه من العرچ ما يطلع من ظهري ضنىَ مو هي أمهَ
دنگت مبتسمه وروحي تتلهف علي
عويد:- منين يصير نسلك وهي ما تولد!
إيهاب:-اي خلص ماريد انا محرم كل البنات عليه بوجودها وبعدها
عويد:- مو بكيفك تتحرم هذه ربك حللهه تجي انت تحرمهن!
إيهاب:- اي احرمهن
هز إيده ماقابل: - زلم اخر وكت تتراجف من نسوانها
ضحك عمو وكال:- يابه اذا جايه على بالك نزوجك تره اكو خوش ارامل اشر وباجر نخطبلك ونزوجك انت و سيف
دار وجهه مبتسمه ابتسامه جانبيه:- اتزوج بكبرتي ولك احمد؟
احمد:- يبه الكبر مابي عيب اذا بخاطرك لا يردك غير لسانك
ضلو مداهرين ويضحكون يشاقون ويا جدو ويحاولون يغيرون موضوع الزواج بس هو مادري شبي لطش رجع كال بصوت عالي
عويد:- هسه مرتك ماتجيب جهال كل عمرهه لو شلون
هُيام:- لا عمي بس يحتاجلها راحه فترة واذا الله كاتبلهم طفل الله يرزقهم ما توگف حياتهم اذا ماعدهم طفل الله ينطيك الصحه عمي سد الموضوع وخلينا بسالفة سيف
عويد:- بيها الخير يابه
دار وجهه على سيف واردف:- وانت سيف ماتتراجع يبني
سيف:- تصبحون على خير
كالها وگام يريد يطلع صاح ورا إيهاب:- تعال يمعود بعد وكت
سيف:- خليني اروح اكلو گلبي
طلع سيف ساعه اكثر وراحو عمو بسام وزوجته وجدو استغربت در وسيد مو وياهم بعدين كالت أيار رايحين الخوالهم حسان اخذ حورية وراح وأيار نايمة نوم فوگ الكتاب كملت تعزيل المطبخ ويا ماما وسبحت ورجعت للغرفة لكيت إيهاب متربع وكاعد يشتغل على الابتوب والچربايه متروسه اوراق لتفت وكال يمسح بوجهه بتعب
- لتينه ادري بيج تعبانه بس استكان چاي اروح فدوه لـ إيدج
- من عيوني هسه
لفيت شعري وطلعت حضرت كوب چاي ورجعت يمه خليت كوب على كومدي وگفت على الميز امشط شعري
إيهاب:- حبيبي كملتي قرايتج اليوم
رميت المشط على ميز ورشيت عطر ولتفتت علي
لتين:- بس كم صفحة بعد
إيهاب:- جيبي القران وتعاي
خليت شال على راسي واخذة القران كعدت يمه فتح اخر صفحات من سورة البقرة وبلشت اقرء وهو يصححلي الاخطاء سديت الكتاب وغمضت عيوني من حسيت شفايفه لامست جبيني ونزلت العيوني رفعت راسي وجهي بين إيدينه
