الشيم
روزا الجنابي
تصويت متابعه تعليق بين الفقرات لُطفا..
أعان المُعين عَينًا عاينت عَيناكِ ♡
_____________
لتين: منو بالباب؟
رُسل: هذه خطيبي يريد يشوفني ويروح
:-اها تمام براحتج اني بالغرفة
:-تمام
دخلت وسديت الباب نزعجت من الوضع يعني يوگفون ساعتين اكثر بالباب وقبلها بكم يوم اجه بليل وحسيت على اصواتهم
مره هواي وقت مليت شمرت شال على اكتافي لان جسمي يبين وطلعت للمطبخ وهم گدامي شربت مي ورجعت رفعت راسي صارت عيني بعينه رفع ايده والضحكه شاگه حلگه
:-مرحبا ست لتين عندج العافيه
:-الله يعافيك شكرا
عفتهم ودخلت قبل لا اكبس الباب سمعت من كال
::-هاي منيلها كل هاي الفلوس حتى تأجر وتاخذ ممرضه على حسابها
جاوبته رُسل بنتر:-وانت شعليك خوش والله
:-لا بس اكول شكلها مو شكل ناس طاكين
:-اممم ليشوفك يكول ابن النائب اسكت احسن
سديت الباب ورجعت نمت
روحي طلعت صار اكثر من اسبوع بالبيت وروحي طلعت تعودت على شوارع
رفعت ايدي اباوع عليها شلون صايره
اخذة موبايلي فتحت الكامره واتملس بشرتي الدمرتها صايره عبارة عن حبوب ومسامات وتصبغات. اثار الفحم بدت تظهر قبل عبالي بس اغسله مرة مرتين يروح بس اليوم اكتشفت انُ دمرت بشرتي على حساب شي ميسوه
نزلت دمعتي وضحكت على روحي:-ليش اني شنو لما خسرته حتى ما اخسر بشرتي. كل هذه وبعدني عايشه مراح اموت لان تغير لون وجهي وصار وجهي لون وجسمي لون ثاني.
بعد ما مر وقت هواي سمعت صوت يزيد بالصاله. ماهتميت عبالي اتخايل بس صوت العالي وعصبيته اتاكدة هو موجود فزيت وهو يصيح
يزيد:-هااااي اخر مره تره بالله العظيم يصير شي مايعجبج
فتحت الباب وطلعت لا صدك هذه يزيد واكف هو ورُسل ومبينين منتاكرين
لتين:يزيد شكووو!!!
ندار عليه وجهه صاير احمر وشرايينه مطگگه بوجهه
صاح بوجهي فززني
يزيد:-ليش ماكتيلي خطيب رُسل يجي هنا اني موو يوميه اخااابرج واسأل شو ساااكت
رُسل: تره خطيبي جاي اكول ليش متصدك
يزيد:- شوووفيني العقد وينه! !!
لتين:-بس اصبر هسه انت ليش تصيح
يزيد: لاتدخلين خليني اتفاهم وياها
لتين: شنوووو ماادخل يزيد شبيييك
طك اسنانه خزرني ونطاني ظهرة زفر نفس اكثر من مره يحاول يكتم عصبيته
جر بطل المي الكدامه شرب منه وكعد على التخم بعصبيه فاتح ايدينه ويأشر ويحجي يريد ينفجر
يزيد: اكعدووو يله فهموووني
