الشــيم
روزا الجنــــابي.
حساب الانستا:- rooza-al-jnaby
قناة التليگرام:- rooz_2aljnaby(ساعة12:12 تنزل صورة على القناة خاصة بالرواية)
متابعة تصويت تعليق بين الفقرات لطفا.
لِوجهكِ حـينَ أَلمحَهُ قبولُ
وَ حُـبكِ لَيس تَدرِكَهُ العقولُ
وَ عِطرُكِ أَقربُ الأَشياءِ مِنّي
أَراهُ بِعُمقِ إحـساسي يَجولُ
وَ مِثلكِ كَالهديةِ حِيـنَ تُهدى
إِليَّ وَ لَستُ أَعرِفُ مـا أَقولُ
إذا أَمـسَتْ لَـكِ الأَشعارُ مِنّي
فَلِي مِـنكِ التعلّقُ وَ الذُّهولُ
♡♡♡♡
تظاهرت النوم بكسل واسمع صوتهم قريب مني بس التعب يجبرني اتظاهر النوم لامست بشرتي اصابعه الدافية وصوته قريب مني يحجي بهدوء كل ظنَ نايمة
ايهاب:- لتين
بقيت ساكته صرخت نجمة تجبي بصياح نعصر گلبي بوجع بس اعرف اذا اكعد راح يدور حوار بالنهاية ايهاب لي راح ينقهر
ايهاب:- يلا يا بابا اشش نامي يلا لووااش
حاول وحاول وبائت بالفشل رجع كعد يمي
ايهاب:- لتين انهضيي
ماجاوبته صاح بصوت عالي:- لتييييين احجي ويَ منووو
فتح عيوني وهو كدامي صاير اعصاب دار نجمة للايد الثانية ونتر
:- كوووومي رضعيها
:- ايهاب نرجع للصفر اذا انطيها اليوم
:- نرجع ميخالف بس خليها تسكت انهضي
كعدت لميت شعري كعد يمي وخلا نجمة بين ايديني وهي وجها مورم من البچي اريد اكعدها بحضني بس بطني تمنعني رفعت عيني اله
لتين:- ايهاب روح نام بالديوان
مسح وجهه وياشر على نجمة لتشاهك بين ايديني
:- انطيها باد حيلي وهي تبچي
:- والله احسن من البارحة خليها حباب
:- انطيها اليوم وباجر افطميها
هزيت راسي بيأس گلبت وجهي وكعدت عدل اريد ارضعها بعدني ممنطيتها واخذها من ايدي بقيت مفهية ماعرف شبي لبس قمصلته وهو شايلها
:- ايهاب وين تريد
:- افتر بيها بين ما تتعب حتى تنام
سندت جسمي على ايدي اريد اگومي: - انطينياها ونام وراك دوام
:- ارجعي المكانچ
بقيت واكف بمكاني وهو اخذها وطلع اسمعه يحاجيها
:- نجماتي يلا نروح بابا
طلع وهو يلاشيها كعدت ايدي على راسي صداع قوي وحرارة بمعدتي تصعد وتنزل ويَ النفس
مددت بتعب وغمض عيوني ابتمست على ذكرى لطيفه اجت على بالي
ايهاب:- شبيج ليش تبچين
