الشيــم
روزا الجنــابي
متابعه وتصويت وتعليق بين الفقرات ..💙
أن تُعاملني كأنني كُل شيء بحثت عنهُ، طوال حياتك
هذا هو نوع الحُب الذي أريد أن احتفظ بهِ للأبد.
__________________
- لااااا حوله ولاااا قوة الا باللللله
صاح بصوت عالي ابتسمت بغيظ ورجعت خطوتين ليورا ابتعد منه خزرني وحجه من بين اسنانه
- لااااااا تعييييدنهااا بعدددد فهمتيييي
- لا
-حووووورالعيييين
ماجاوبته ابتسمت ببرود واخذة جنطتي نداريت اريد اطلع
حورالعين - رجعني يلاا
واگف بمكانه ويتنفس بصوت عالي فتحت الباب اريد اطلع
- تعاي
- خير
اخذ نفس وذبه مثل المخنوگ اشرلي على غرفة
حسان- شوفي الغرفة وشنو لتردين اغيره ماعندي مجال كل يوم نجي
- لا تغير شي
- اكيد
- اكيد
هز راسه وميل طرف شفته:- بعد احسن
طلعنا راجعين للبيت بنص الطريق انتبهت هذه مو طريق بيتنا
- وين رايحين
- ناخذ الشهادة مالتچ
عكدت حاجبي:- يا شهادة!
باوعلي وابتسم:- نتائجكم طلعت اليوم نروح ناخذها ونشوف درجاتچ
حورالعين- ماريد شعليييك بدرجاتي
حسان - فضول
عقچت وجهي بقرف وسكتت حط إيده على الفاصل البينا والثانيه يسوق بيها كل شوية يدير وجهه ويرجع يسوق
- الوگحة
- خير
ضحك:- خيرات شلونج
-مو زينه
- بعد احسن
زفرة نفس ودرت وجهي
- اكلج
- همم
-باوعيلي
- ماريد
- بكيفج انتِ الخسرانه عبالي احجيلج سالفة حلوة
ماجاوبته رجع وكال:- تردين حفلة مهر
- لا
- انا اريد
- انت شكووو!!
باوعتله مسح شاربه وطرف شفته مبتسم بحقارة
:- غير العريس شنو طنطول هنا
هزيت إيدي اريد انفجر ماجاوبته وصلنه للمدرسة نزلنا مد ايده اليه خزرته ومشيت خطوتين قبله
- عايش الدور
صار بصفي وكال بهمس:- اوكان هنا
فزيت وغمضت عيوني گلبي صارت دگاته قوية مابينت اله ولا جاوبته دخلنا لكيت كم طالبة موجودات صبحت عليهم و دخلت للادارة وهو بقه واكف بره انطيتهم اسمي واسم ايار وگلبي يدگ ببطني من الخوف انطتني النتائج طلعت امشي وبعدني ما شايفتهن طلعت للممر لتفت عليه مخلي تگ ايد بجيبه مسحت عيوني الدمعت
حسان - ها
وكفت قرب منه ونسيت منو يمي غمضت عيوني والف دعاء قريت يله فتحت الشهادة وكممت حلكي بفرحة اريد اصرخ وانا اشوف درجاتي ودرجات ايار اقل درجة واحد وتسعين ضحكت حيل فرحانه
