الشيـم
روزا الجنـابي
تصويت. مُتابعه تعليق بين الفقرات لُطفا
أنا مِتعلم عَليك هواي يا سولة سكتّي
ويا طواريَك مِن الظلمة تجيني .
_____
عكد حاجبه بابا مستغرب: - وين!
-بالباب
رجعت ليوره خجلانه بابا لبس وطلع يعدل بشعره. طلعت ماما ورا
- منو كالج بالباب
- خابرني
خزرتني ماقابله انتهب الصوت بابا وحسان وصوت وياهم دخلو للديوان مشيت ورا ماما وكفت حايره ماتعرف شتسوي باوعتلي
- هو مو مسافر شوكت رجع؟
- مادري
صكت اسنانه ونترت بيه :- انا احجييي ويَ منوو شنو ماتدري شنوو خابرني تعاي فهمينييي
بلعت ريگي ساكته لتفتت على الباب نفتح طلع بابا باوعلي بنظرة سريعة
- صيحلي إيهاب. وهيام حضري الضيافة
هيام:- شعنده جاي؟
احمد:- مادري
رجع بابا للديوان بعدني واطفه وطلعت لتين من الغرفه اجت تمشي وكفت من سمعت صوت حسان توسعت عيونه بصدمه وبلع ريگه
- منو هنا؟
- حسان
كمتت حلكه وصوتها رجف: - امانه
هزيت راسي عفتها و رحت اصيح ايهاب
- حور
- ها
مسحت وجها محتارة وإيدها ترجف: - ليش اجه
- مادري
عفتها ومشيت فتحت باب الغرفه مابيه احد رجعت للمطبخ
- إيهاب وين؟
لتين:- طلع قبل شويه
هيام:- وين راح؟
لتين:- خابره ولد وطلع ويا
سكتت شويه وحجت: - خاله اخابرة
هيام:- انا راح اخابرة
اخذة موبايل اتصلت علي ماما
- ايهاب وين انت ' عوف البيدك وتعال ' لا بس اني اريدك بسرعة حبييي
سدت الاتصال وشمرت الموبايل اخذة الضيافه وطلعت شويه ورجعت اخذة الموبايل وكفت بالباب تنتظر إيهاب دخل ايهاب يباوعلنه باستغراب
- شكو!
لزمت ماما من. إيده تحجي ويا بهدوء
- ابوك يريدك بالديوان يمنه زلم
- منو ؟
سكتت ماما عضت شفتها بحيرة باوعتلي وبنفس لحظة باوعلي ايهاب عاكد حاجبه
- يمه شبيج منو هنا.
- حسان
رفع حاجبه وتشنطت عيونه بعصبيه
- لا تتهور ابوك هنا اكعدو وافهتمو السالفه منه
